ਨਵੀਂ ਦਿੱਲੀ—ਭਾਰਤੀ ਦੂਰਸੰਚਾਰ ਰੈਗੂਲੇਟਰੀ ਅਥਾਰਟੀ (ਟਰਾਈ) ਨੇ ਅਗਲੇ ਦੌਰ ਦੀ ਸਪੈਕਟਰਮ ਨੀਲਾਮੀ ਦੇ ਲਈ ਆਪਣੀਆਂ ਸਿਫਾਰਿਸ਼ਾਂ ਦੇ ਦਿੱਤੀਆਂ ਹਨ। ਇਸ ਦੌਰ 'ਚ 5ਜੀ ਸਮੇਤ 8 ਬੈਂਡ 'ਚ ਸਪੈਕਟਰਮ ਦੀ ਨੀਲਾਮੀ ਹੋਵੇਗੀ, ਜਿਸ ਦੀ ਕੁੱਲ ਕੀਮਤ 5.06 ਲੱਖ ਕਰੋੜ ਰੁਪਏ ਹੋਵੇਗੀ। ਮਾਤਰਾ ਦੇ ਲਿਹਾਜ ਨਾਲ ਇਹ ਹੁਣ ਤੱਕ ਦੀ ਸਭ ਤੋਂ ਵੱਡੀ ਨੀਲਾਮੀ ਹੋਵੇਗੀ ਜਿਥੇ ਕੰਪਨੀਆਂ 7,000 ਮੈਗਾਵਾਟ ਤੋਂ ਜ਼ਿਆਦਾ ਸਪੈਕਟਰਮ 'ਤੇ ਬੋਲੀਆਂ ਲਗਾ ਸਕਣਗੀਆਂ। ਇਹ ਸਪੈਕਟਰਮ 700 ਮੈਗਾਵਾਟ ਤੋਂ ਲੈ ਕੇ 3300-3600 ਮੈਗਾਵਾਟ ਤੱਕ 8 ਬੈਂਡ 'ਚ ਉਪਲੱਬਧ ਹੋਵੇਗਾ ਪਰ ਕੀਮਤ ਦੇ ਲਿਹਾਜ ਨਾਲ ਇਹ ਨੀਲਾਮੀ 2016 'ਚ ਹੋਈ ਪਿਛਲੀ ਨੀਲਾਮੀ ਤੋਂ ਕੁੱਝ ਪਿੱਛੇ ਰਹਿ ਜਾਵੇਗੀ। ਉਸ ਸਾਲ 5.63 ਲੱਖ ਕਰੋੜ ਰੁਪਏ ਦੇ ਸਪੈਕਟਰਮ ਦੀ ਨੀਲਾਮੀ ਕੀਤੀ ਗਈ ਸੀ ਤਾਂ 700 ਮੈਗਾਵਾਟ ਸਪੈਕਟਰਮ ਦੀ ਕੀਮਤ ਹੀ 4 ਲੱਖ ਕਰੋੜ ਰੁਪਏ ਸੀ ਪਰ ਉਸ ਦੌਰਾਨ ਸਰਕਾਰ ਸਿਰਫ 65,700 ਕਰੋੜ ਰੁਪਏ ਦਾ ਹੀ ਸਪੈਕਟਰਮ ਵੇਚ ਪਾਈ ਸੀ ਅਤੇ 700 ਮੈਗਾਵਾਟ ਬੈਂਡ ਨੂੰ ਕਿਸੇ ਨੂੰ ਕੀਮਤ ਨਹੀਂ ਦਿੱਤੀ ਸੀ।
ਨੀਲਾਮੀ ਦਾ ਸਮਾਂ ਉਦਯੋਗ ਦੀ ਦਿਲਚਪਸੀ ਤੋਂ ਬਾਅਦ ਤੈਅ ਕੀਤਾ ਜਾਵੇਗਾ। ਪਿਛਲੀ ਨੀਲਾਮੀ 'ਚ ਕਰੀਬ 60 ਫੀਸਦੀ ਸਪੈਕਟਰਮ ਵਿਕ ਨਹੀਂ ਪਾਇਆ ਸੀ ਅਤੇ ਦੂਰਸੰਚਾਰ ਕੰਪਨੀਆਂ ਨੇ ਜੋ ਸਪੈਕਟਰਮ ਖਰੀਦਿਆ ਸੀ, ਉਸ 'ਚੋਂ ਜ਼ਿਆਦਾਤਰ ਦੀ ਅਜੇ ਵਰਤੋਂ ਹੀ ਨਹੀਂ ਹੋ ਪਾਈ ਹੈ। ਦੂਰਸੰਚਾਰ ਖੇਤਰ ਅਜੇ ਸੰਕਟ ਦੇ ਦੌਰ 'ਚੋਂ ਲੰਘ ਰਿਹਾ ਹੈ। ਕੰਪਨੀਆਂ ਦਾ ਰਾਜਸਵ ਅਤੇ ਮੁਨਾਫਾ ਦੋਵੇਂ ਘਟ ਰਹੇ ਹਨ ਪਰ ਮੰਨਿਆ ਜਾ ਰਿਹਾ ਹੈ ਕਿ ਹੁਣ ਸਿਰਫ 3 ਕੰਪਨੀਆਂ ਹੀ ਹੋੜ 'ਚ ਰਹਿਣਗੀਆਂ, ਜਿਸ ਨਾਲ ਇਸ ਉਦਯੋਗ 'ਚ ਸਥਿਰਤਾ ਆ ਸਕਦੀ ਹੈ। ਟਰਾਈ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਦਸੰਬਤ ਤੱਕ 900 ਮੈਗਾਵਾਟ 'ਚ ਹੋਰ ਜ਼ਿਆਦਾ ਸਪੈਕਟਰਮ ਉਪਲੱਬਧ ਹੋਵੇਗਾ। ਉਸ ਦੀ ਵੀ ਨੀਲਾਮੀ ਕੀਤੀ ਜਾਵੇਗੀ। ਦੂਰਸੰਚਾਰ ਵਿਭਾਗ ਛੇਤੀ ਹੀ 5 ਜੀ ਦੇ ਲਈ ਨਵੇਂ ਬੈਂਡਾਂ ਦੀ ਪਛਾਣ ਕਰ ਸਕਦਾ ਹੈ ਅਤੇ ਉਨ੍ਹਾਂ ਨੂੰ ਵੀ ਨੀਲਾਮੀ 'ਚ ਥਾਂ ਦਿੱਤੀ ਜਾ ਸਕਦੀ ਹੈ। ਅਧਿਕਾਰੀ ਨੇ ਨਾਲ ਹੀ ਕਿਹਾ ਕਿ ਨੀਲਾਮੀ 'ਚ ਸਮੂਚਾ ਸਪੈਕਟਰਮ ਵਿਕ ਜਾਣ ਦੀ ਉਮੀਦ ਕਿਸੇ ਨੂੰ ਵੀ ਨਹੀਂ ਹੈ। ਜੇਕਰ ਅੱਧਾ ਸਪੈਕਟਰਮ ਵੀ ਵਿਕ ਜਾਵੇ ਤਾਂ ਚੰਗਾ ਰਹੇਗਾ। ਅਧਿਕਾਰੀ ਨੇ ਕਿਹਾ ਸਾਨੂੰ ਸੂਚਨਾ ਉਪਲੱਬਧ ਸਪੈਕਟਰਮ ਵਿਕਰੀ ਦੇ ਲਈ ਰੱਖ ਦਿੱਤਾ ਹੈ। ਉਸ ਨੂੰ ਚੁਣਨ ਅਤੇ ਖਰੀਦਣ ਦਾ ਫੈਸਲਾ ਕੰਪਨੀਆਂ ਕਰਨਗੀਆਂ।
ਉਦਯੋਗ ਨੂੰ ਰਾਹਤ ਦਿੰਦੇ ਹੋਏ ਟਰਾਈ ਨੇ ਸੁਝਾਅ ਦਿੱਤਾ ਹੈ ਕਿ 700 ਮੈਗਾਵਾਟ ਬੈਂਡ ਦੀ ਰਿਜ਼ਰਵ ਕੀਮਤ 1800 ਮੈਗਾਵਾਟ ਬੈਂਡ ਦੇ ਰਿਜ਼ਰਵ ਮੁੱਲ ਤੋਂ ਦੋਗੁਣੀ ਹੀ ਹੋਣੀ ਚਾਹੀਦੀ ਹੈ। ਰੈਗੂਲੇਟਰ ਨੇ 1800 ਮੈਗਾਵਾਟ ਦਾ ਆਧਾਰ ਮੁੱਲ 3,285 ਕਰੋੜ ਰੁਪਏ ਪ੍ਰਤੀ ਮੈਗਾਵਾਟ ਰੱਖਣ ਦਾ ਸੁਝਾਅ ਦਿੱਤਾ ਹੈ। ਇਸ ਹਿਸਾਬ ਨਾਲ 700 ਮੈਗਾਵਾਟ ਸਪੈਕਟਰਮ ਦੀ ਕੀਮਤ 6,568 ਕਰੋੜ ਰੁਪਏ ਪ੍ਰਤੀ ਮੈਗਾਵਾਟ ਬੈਠੇਗੀ। ਟਰਾਈਨ ਨੇ ਪਹਿਲੀ ਵਾਰ 5ਜੀ 'ਚ ਵਰਤੋਂ ਹੋਣ ਵਾਲੇ 3300-3600 ਮੈਗਾਵਾਟ ਬੈਂਡ ਦੀ ਰਿਜ਼ਰਵ ਕੀਮਤ ਦੀ ਸਿਫਾਰਿਸ਼ ਕੀਤੀ ਹੈ। ਰੈਗੂਲੇਟਰ ਦੇ ਮੁਤਾਬਕ ਇਹ 1800 ਮੈਗਵਾਟ ਬੈਂਕ ਦੀ ਰਿਜ਼ਰਵ ਬੈਂਕ ਦਾ 30 ਫੀਸਦੀ ਹੀ ਹੋਣਾ ਚਾਹੀਦਾ।
ਐਪਲ ਜਲਦੀ ਹੀ ਬਣ ਸਕਦੀ ਹੈ ਵਿਸ਼ਵ ਦੀ ਪਹਿਲੀ 1 ਟ੍ਰਿਲਿਅਨ ਡਾਲਰ ਦੀ ਕੰਪਨੀ
NEXT STORY 
