ਬਿਜ਼ਨੈੱਸ ਡੈਸਕ : 7 ਮਹੀਨੇ ਪਹਿਲਾਂ ਐਲੋਨ ਮਸਕ ਨੇ ਟਵਿਟਰ ਨੂੰ 44 ਅਰਬ ਡਾਲਰ 'ਚ ਖਰੀਦਿਆ ਸੀ। ਉਸ ਸਮੇਂ ਉਹਨਾਂ ਨੇ ਇਸ ਗੱਲ 'ਤੇ ਜ਼ੋਰ ਦੇ ਕੇ ਕਿਹਾ ਕਿ ਉਹਨਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਦੇ ਲਈ ਜ਼ਿਆਦਾ ਪੈਸੇ ਦਿੱਤੇ ਹਨ। ਨਵਾਂ ਸਾਲ ਸ਼ੁਰੂ ਹੋਇਆ ਅਤੇ ਰਿਪੋਰਟਾਂ ਆਈਆਂ ਕਿ ਟਵਿੱਟਰ ਦੀ ਕੀਮਤ 50 ਫ਼ੀਸਦੀ ਹੇਠਾਂ ਆ ਗਈ ਹੈ। ਹੁਣ ਮਈ ਵਿੱਚ ਜੋ ਅੰਕੜੇ ਸਾਹਮਣੇ ਆ ਰਹੇ ਹਨ ਉਹ ਵੀ ਹੈਰਾਨ ਕਰਨ ਵਾਲੇ ਹਨ। ਟਵਿਟਰ ਦੀ ਕੀਮਤ 'ਚ 29 ਅਰਬ ਡਾਲਰ ਤੋਂ ਜ਼ਿਆਦਾ ਘੱਟ ਹੋ ਗਈ ਹੈ, ਜੋ ਇਕ ਵੱਡਾ ਝਟਕਾ ਹੈ। ਇਸ ਦਾ ਮਤਲਬ ਹੈ ਕਿ 7 ਮਹੀਨਿਆਂ 'ਚ ਕੰਪਨੀ ਦੀ ਕੀਮਤ ਸਿਰਫ਼ 33 ਫ਼ੀਸਦੀ ਹੀ ਰਹਿ ਗਈ।
ਮਸਕ ਨੇ ਮੰਨਿਆ ਕਿ ਉਸਨੇ ਟਵਿੱਟਰ ਲਈ ਵੱਧ ਭੁਗਤਾਨ ਕੀਤਾ ਹੈ, ਜਿਸ ਨੂੰ ਉਸਨੇ 44 ਬਿਲੀਅਨ ਡਾਲਰ ਵਿੱਚ ਖਰੀਦਿਆ ਹੈ। ਇਸ ਵਿੱਚ 33.5 ਬਿਲੀਅਨ ਡਾਲਰ ਦੀ ਇਕਵਿਟੀ ਵੀ ਸ਼ਾਮਲ ਹੈ। ਕੁਝ ਮਹੀਨੇ ਪਹਿਲਾਂ, ਐਲੋਨ ਮਸਕ ਨੇ ਖੁਦ ਕਿਹਾ ਸੀ ਕਿ ਟਵਿੱਟਰ ਦੇ ਲਈ ਉਹਨਾਂ ਨੇ ਜੋ ਭੁਗਤਾਨ ਕੀਤਾ ਹੈ, ਉਹ ਅੱਧੇ ਤੋਂ ਵੀ ਘੱਟ ਮੁੱਲ ਦਾ ਹੈ। ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਫਿਡੇਲਿਟੀ ਕਿਸ ਆਧਾਰ 'ਤੇ ਮੁਲਾਂਕਣ 'ਤੇ ਪਹੁੰਚੀ ਸੀ ਜਾਂ ਉਹਨਾਂ ਨੂੰ ਕੰਪਨੀ ਦੇ ਵਲੋਂ ਜਾਣਕਾਰੀ ਮਿਲੀ ਸੀ।
ਇਹ ਵੀ ਪੜ੍ਹੋ : ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ, ਜਾਣੋ ਪੈਟਰੋਲ-ਡੀਜ਼ਲ ਦਾ ਭਾਅ
ਮਸਕ ਨੇ ਕੀਤੇ ਕਈ ਬਦਲਾਅ ਪਰ ਕੋਈ ਫ਼ਾਇਦਾ ਨਹੀਂ
ਫਿਡੇਲਿਟੀ ਨੇ ਸਭ ਤੋਂ ਪਹਿਲਾਂ ਨਵੰਬਰ ਵਿੱਚ ਆਪਣੇ ਟਵਿੱਟਰ ਸ਼ੇਅਰ ਦੀ ਕੀਮਤ ਘਟਾ ਕੇ ਖਰੀਦ ਮੁੱਲ ਦਾ 44 ਫ਼ੀਸਦੀ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਦਸੰਬਰ ਅਤੇ ਫਰਵਰੀ ਵਿੱਚ ਹੋਰ ਮਾਰਕਡਾਊਨ ਹੋਇਆ। ਜਦੋਂ ਤੋਂ ਮਸਕ ਨੇ ਆਪਣਾ ਅਹੁਦਾ ਸੰਭਾਲਿਆ ਹੈ, ਟਵਿੱਟਰ ਵਿੱਤੀ ਤੌਰ 'ਤੇ ਸੰਘਰਸ਼ ਕਰ ਰਿਹਾ ਹੈ। 13 ਬਿਲੀਅਨ ਡਾਲਰ ਦੇ ਕਰਜ਼ੇ ਨੂੰ ਵੇਖਦੇ ਹੋਏ ਮਸਕ ਨੇ ਮਸਕ ਦੇ ਕੰਟੈਂਟ ਸੰਚਾਲਨ ਦੇ ਨਾਲ-ਨਾਲ ਕੁਝ ਅਜਿਹੇ ਫ਼ੈਸਲੇ ਲਏ, ਜਿਸ ਕਾਰਨ ਟਵਿਟਰ ਦੀ ਆਮਦਨ 50 ਫ਼ੀਸਦੀ ਤੱਕ ਘੱਟ ਗਈ। ਦੂਜੇ ਪਾਸੇ, ਟਵਿੱਟਰ ਬਲੂ ਸਬਸਕ੍ਰਿਪਸ਼ਨ ਵੇਚ ਕੇ ਉਸ ਮਾਲੀਏ ਨੂੰ ਮੁੜ ਹਾਸਲ ਕਰਨ ਦੀਆਂ ਕੋਸ਼ਿਸ਼ਾਂ ਹੁਣ ਤੱਕ ਅਸਫਲ ਰਹੀਆਂ ਹਨ। ਮਾਰਚ ਦੇ ਅੰਤ ਵਿੱਚ, ਟਵਿੱਟਰ ਦੇ ਮਾਸਿਕ ਉਪਭੋਗਤਾਵਾਂ ਵਿੱਚੋਂ 1 ਪ੍ਰਤੀਸ਼ਤ ਤੋਂ ਘੱਟ ਨੇ ਸਾਈਨ ਅਪ ਕੀਤਾ ਸੀ। ਵੈਸੇ ਟਵਿਟਰ ਨੇ ਇਸ ਬਾਰੇ ਕੋਈ ਅਧਿਕਾਰਤ ਬਿਆਨ ਨਹੀਂ ਦਿੱਤਾ ਹੈ।
ਇਹ ਵੀ ਪੜ੍ਹੋ : ਕਿਸਾਨਾਂ ਲਈ ਵੱਡੀ ਖ਼ੁਸ਼ਖ਼ਬਰੀ, ਪੰਜਾਬ ਐਗਰੋ ਚੰਗੇ ਭਾਅ 'ਤੇ ਖ਼ਰੀਦੇਗੀ ਇਹ ਫ਼ਸਲਾਂ
190 ਬਿਲੀਅਨ ਡਾਲਰ ਮਸਕ ਦੀ ਨੈੱਟਵਰਥ
ਬਲੂਮਬਰਗ ਬਿਲੀਨੇਅਰਜ਼ ਇੰਡੈਕਸ ਦੇ ਅਨੁਸਾਰ, ਟਵਿੱਟਰ ਵਿੱਚ ਮਸਕ ਦਾ ਨਿਵੇਸ਼ ਹੁਣ 8.8 ਬਿਲੀਅਨ ਡਾਲਰ ਦਾ ਹੈ। ਮਸਕ ਨੇ ਪਿਛਲੇ ਸਾਲ ਕੰਪਨੀ ਵਿੱਚ ਅੰਦਾਜ਼ਨ 79 ਫ਼ੀਸਦੀ ਹਿੱਸੇਦਾਰੀ ਹਾਸਲ ਕਰਨ ਲਈ 25 ਅਰਬ ਡਾਲਰ ਤੋਂ ਵੱਧ ਖ਼ਰਚ ਕੀਤੇ ਸਨ। ਸੂਚਕਾਂਕ ਦੇ ਅਨੁਸਾਰ, ਵਰਤਮਾਨ ਵਿੱਚ ਐਲੋਨ ਮਸਕ ਦੀ ਕੁੱਲ ਜਾਇਦਾਦ 190 ਬਿਲੀਅਨ ਡਾਲਰ ਹੈ ਅਤੇ ਅੱਜ ਉਸਦੀ ਕੁੱਲ ਜਾਇਦਾਦ ਵਿੱਚ ਲਗਭਗ 5 ਬਿਲੀਅਨ ਡਾਲਰ ਦਾ ਵਾਧਾ ਹੋਇਆ ਹੈ। ਇਸ ਸਾਲ ਉਸਦੀ ਕੁੱਲ ਜਾਇਦਾਦ ਵਿੱਚ 53 ਬਿਲੀਅਨ ਡਾਲਰ ਦਾ ਵਾਧਾ ਵੇਖਣ ਨੂੰ ਮਿਲਿਆ। ਦਰਅਸਲ, ਟੇਸਲਾ ਦੇ ਸ਼ੇਅਰਾਂ ਵਿੱਚ ਵਾਧੇ ਦੇ ਕਾਰਨ, ਉਸਦੀ ਕੁੱਲ ਜਾਇਦਾਦ ਵਿੱਚ ਵਾਧਾ ਹੋਇਆ ਹੈ।
ਨੋਟ - ਇਸ ਖ਼ਬਰ ਦੇ ਸਬੰਧ ਵਿੱਚ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਆਪਣਾ ਜਵਾਬ
ਅਨਿਲ ਅਗਰਵਾਲ ਦੇ ਡ੍ਰੀਮ ਪ੍ਰਾਜੈਕਟ ਨੂੰ ਨਹੀਂ ਮਿਲੇਗੀ ਰਿਆਇਤ, ਸਰਕਾਰ ਰੱਦ ਕਰੇਗੀ ਅਰਜ਼ੀ!
NEXT STORY 
