ਨਵੀਂ ਦਿੱਲੀ(ਭਾਸ਼ਾ) - ਦੇਸ਼ ਵਿਚ ਘਰੇਲੂ ਮੰਗ ਵਧਣ ਨਾਲ ਅਪਰੈਲ ਵਿਚ ਸੋਨੇ ਦੀ ਦਰਾਮਦ 6.3 ਅਰਬ ਡਾਲਰ ਪਹੁੰਚ ਗਈ। ਸੋਨੇ ਦੀ ਦਰਾਮਦ ਦਾ ਦੇਸ਼ ਦੇ ਚਾਲੂ ਖਾਤੇ ਦੇ ਘਾਟੇ ਉੱਤੇ ਅਸਰ ਪੈਂਦਾ ਹੈ। ਹਾਲਾਂਕਿ ਵਣਜ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ ਸਮੀਖਿਆ ਅਧੀਨ ਮਹੀਨੇ ਵਿਚ ਚਾਂਦੀ ਦੀ ਦਰਾਮਦ 88.53% ਘੱਟ ਕੇ 11.9 ਕਰੋੜ ਡਾਲਰ ਰਹਿ ਗਈ। ਅੰਕੜਿਆਂ ਅਨੁਸਾਰ ਸੋਨੇ ਦੀ ਦਰਾਮਦ ਪਿਛਲੇ ਸਾਲ ਅਪ੍ਰੈਲ 'ਚ 28.3 ਲੱਖ ਡਾਲਰ (21.61 ਕਰੋੜ ਰੁਪਏ) ਰਹੀ ਸੀ। ਸੋਨੇ ਦੀ ਦਰਾਮਦ ਵਿਚ ਵਾਧੇ ਕਾਰਨ ਅਪ੍ਰੈਲ 2021 ਵਿਚ ਦੇਸ਼ ਦਾ ਵਪਾਰ ਘਾਟਾ ਅਪ੍ਰੈਲ 2021 ਵਿਚ 15.1 ਅਰਬ ਡਾਲਰ ਰਿਹਾ, ਜੋ ਪਿਛਲੇ ਸਾਲ ਇਸੇ ਮਹੀਨੇ ਵਿਚ 6.76 ਅਰਬ ਡਾਲਰ ਸੀ।
ਉਦਯੋਗ ਮਾਹਰਾਂ ਅਨੁਸਾਰ ਘਰੇਲੂ ਮੰਗ ਵਧਣ ਕਾਰਨ ਸੋਨੇ ਦੀ ਦਰਾਮਦ ਵਧੀ ਹੈ। ਹਾਲਾਂਕਿ ਕੋਰੋਨਾ ਵਾਇਰਸ ਮਹਾਮਾਰੀ ਦੀ ਦੂਜੀ ਲਹਿਰ ਆਉਣ ਵਾਲੇ ਮਹੀਨਿਆਂ ਵਿਚ ਮੰਗ ਨੂੰ ਪ੍ਰਭਾਵਤ ਕਰ ਸਕਦੀ ਹੈ। ਸੋਨੇ ਦੀ ਖ਼ਰੀਦਦਾਰੀ ਲਈ ਸ਼ੁੱਭ ਮੰਨੇ ਜਾਂਦੇ ਅਕਸ਼ੈ ਤ੍ਰੀਤੀਆ ਦੇ ਦਿਨ ਕੋਵਿਡ ਤੋਂ ਪਹਿਲਾਂ ਦੀ ਸਥਿਤੀ ਦੇ ਮੁਕਾਬਲੇ ਵਿਕਰੀ ਹਲਕੀ ਰਹੀ।
ਇਹ ਵੀ ਪੜ੍ਹੋ : LIC ਦੀ ਇਸ ਪਾਲਸੀ 'ਚ ਲਗਾਓ ਪੈਸਾ, ਤੁਹਾਨੂੰ ਹਰ ਮਹੀਨੇ ਮਿਲਣਗੇ 9 ਹਜ਼ਾਰ ਰੁਪਏ
ਮਹਾਮਾਰੀ ਨੂੰ ਫੈਲਣ ਅਤੇ ਇਸ ਨੂੰ ਰੋਕਣ ਲਈ ਵੱਖ-ਵੱਖ ਰਾਜਾਂ ਵਿਚ ਲਾਗੂ ਤਾਲਾਬੰਦੀ ਅਤੇ ਹੋਰ ਪਾਬੰਦੀਆਂ ਨਾਲ ਖਪਤਕਾਰਾਂ ਦੀ ਧਾਰਨਾ ਪ੍ਰਭਾਵਿਤ ਹੋਈ ਹੈ। ਅਕਸ਼ੈ ਤ੍ਰਿਤੀਆ ਦੇ ਮੌਕੇ 'ਤੇ ਆਮ ਤੌਰ' ਤੇ 30-40 ਟਨ ਸੋਨਾ ਵੇਚਿਆ ਜਾਂਦਾ ਹੈ। ਪਰ ਇਸ ਵਾਰ ਵਿਕਰੀ ਸ਼ਾਇਦ ਇੱਕ ਟਨ ਤੋਂ ਘੱਟ ਹੈ। ਦੇਸ਼ ਦਾ ਚਾਲੂ ਖਾਤਾ ਘਾਟਾ ਦਸੰਬਰ ਤਿਮਾਹੀ ਵਿਚ 1.7 ਅਰਬ ਡਾਲਰ ਜਾਂ ਜੀਡੀਪੀ ਦਾ 0.2 ਪ੍ਰਤੀਸ਼ਤ ਰਿਹਾ। ਭਾਰਤ ਸੋਨੇ ਦਾ ਸਭ ਤੋਂ ਵੱਡਾ ਦਰਾਮਦ ਕਰਨ ਵਾਲਾ ਦੇਸ਼ ਹੈ। ਸੋਨੇ ਦਾ ਆਮ ਤੌਰ 'ਤੇ ਗਹਿਣਿਆਂ ਦੇ ਉਦਯੋਗ ਦੀ ਮੰਗ ਨੂੰ ਪੂਰਾ ਕਰਨ ਲਈ ਆਯਾਤ ਕੀਤਾ ਜਾਂਦਾ ਹੈ।
ਰਤਨ ਅਤੇ ਗਹਿਣਿਆਂ ਦੀ ਬਰਾਮਦ ਇਸ ਸਾਲ ਅਪ੍ਰੈਲ ਵਿਚ ਚੜ੍ਹ ਕੇ 3.4 ਅਰਬ ਡਾਲਰ 'ਤੇ ਪਹੁੰਚ ਗਈ ਜੋ ਅਪ੍ਰੈਲ 2020 ਵਿਚ 3.6 ਕਰੋੜ ਡਾਲਰ ਸੀ। ਪਿਛਲੇ ਸਾਲ ਦੇਸ਼-ਵਿਆਪੀ 'ਤਾਲਾਬੰਦੀ' ਕਾਰਨ ਨਿਰਯਾਤ 'ਤੇ ਬੁਰਾ ਪ੍ਰਭਾਵ ਪਿਆ ਸੀ। ਦੇਸ਼ ਵਿਚ ਸੋਨੇ ਦੀ ਦਰਾਮਦ ਪ੍ਰਤੀ ਸਾਲ 800 ਤੋਂ 900 ਟਨ ਤੱਕ ਹੁੰਦੀ ਹੈ। ਸਰਕਾਰ ਨੇ ਬਜਟ ਵਿਚ ਸੋਨੇ ਦੀ ਦਰਾਮਦ ਡਿਊਟੀ ਨੂੰ 12.5 ਪ੍ਰਤੀਸ਼ਤ ਤੋਂ ਘਟਾ ਕੇ 10 ਪ੍ਰਤੀਸ਼ਤ (7.5 ਪ੍ਰਤੀਸ਼ਤ ਕਸਟਮ ਡਿਊਟੀ ਅਤੇ 2.5 ਪ੍ਰਤੀਸ਼ਤ ਖੇਤੀਬਾੜੀ ਢਾਂਚਾ ਅਤੇ ਵਿਕਾਸ ਸੈੱਸ) ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ : H1-B ਵੀਜ਼ਾ ਧਾਰਕਾਂ ਦੀ ਮਦਦ ਲਈ ਅੱਗੇ ਆਇਆ Google, ਸੁੰਦਰ ਪਿਚਾਈ ਨੇ ਭਾਰਤੀਆਂ ਲਈ ਆਖੀ ਵੱਡੀ ਗੱਲ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
Amazon India ਨੇ ਆਪਣੇ ਸ਼ਾਪਿੰਗ ਐਪ ’ਤੇ ਮੁਫਤ ਵੀਡੀਓ ਸਟ੍ਰੀਮਿੰਗ ਸੇਵਾ ਕੀਤੀ ਸ਼ੁਰੂ
NEXT STORY 
