ਨਵੀਂ ਦਿੱਲੀ—ਭਾਰਤੀ ਏਅਰਟੈੱਲ ਆਪਣੀ ਡੀ.ਟੀ.ਐੱਚ. ਇਕਾਈ ਭਾਰਤੀ ਟੈਲੀਮੀਡੀਆ 'ਚ ਆਪਣੀ 15 ਫੀਸਦੀ ਹਿੱਸੇਦਾਰੀ ਨਿੱਜੀ ਇਕਵਟੀ ਕੰਪਨੀ ਵਾਰਬਰਗ ਪਿਨਕਸ ਨੂੰ ਵੇਚੇਗੀ। ਭਾਰਤੀ ਟੈਲੀਮੀਡੀਆ ਨੂੰ ਇਹ ਟਰਾਂਸਪੋਰਟ ਕਰਨ ਲਈ ਸਰਕਾਰ ਦੀ ਮਨਜ਼ੂਰੀ ਮਿਲ ਗਈ ਹੈ। ਏਅਰਟੈੱਲ ਨੇ ਸ਼ੇਅਰ ਬਾਜ਼ਾਰ ਨੂੰ ਭੇਜੀ ਸੂਚਨਾ 'ਚ ਕਿਹਾ ਕਿ ਇਹ ਮਨਜ਼ੂਰੀ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਨੇ ਦਿੱਤਾ ਹੈ।
ਭਾਰਤੀ ਏਅਰਟੈੱਲ ਨੇ ਕਿਹਾ ਕਿ ਕੰਪਨੀ ਦੀ ਸਬਸਿਡਰੀ ਭਾਰਤੀ ਟੈਲੀਮੀਡੀਆ ਨੂੰ 28 ਅਗਸਤ ਨੂੰ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਤੋਂ ਉਸ ਦੀ 15 ਫੀਸਦੀ ਹਿੱਸੇਦਾਰੀ ਵਾਰਬਰਗ ਪਿਨਕਸ ਨੂੰ ਟਰਾਂਸਪੋਰਟ ਕਰਨ ਦੀ ਮਨਜ਼ੂਰੀ ਮਿਲ ਗਈ ਹੈ। ਦਸੰਬਰ 2017 'ਚ ਇਸ ਸੌਦੇ ਦਾ ਐਲਾਨ ਕੀਤਾ ਗਿਆ ਸੀ। ਭਾਰਤੀ ਏਅਰਟੈੱਲ ਨੇ ਉਸ ਸਮੇਂ ਕਿਹਾ ਸੀ ਕਿ ਉਹ ਡੀ.ਟੀ.ਐੱਚ. ਇਕਾਈ ਭਾਰਤੀ ਟੈਲੀਮੀਡੀਆ 'ਚ 20 ਫੀਸਦੀ ਹਿੱਸੇਦਾਰੀ ਵਾਰਬਰਗ ਪਿਨਕਸ ਨੂੰ 35 ਕਰੋੜ ਡਾਲਰ 'ਚ ਵੇਚੇਗੀ। ਇਸ 20 ਫੀਸਦੀ 'ਚੋਂ ਭਾਰਤੀ ਏਅਰਟੈੱਲ ਡੀ.ਟੀ.ਐੱਚ. ਇਕਾਈ 'ਚ ਆਪਣੀ 15 ਫੀਸਦੀ ਹਿੱਸੇਦਾਰੀ ਵੇਚੇਗੀ। ਬਾਕੀ ਹਿੱਸੇਦਾਰੀ ਭਾਰਤੀ ਦੀ ਇਕ ਹੋਰ ਇਕਾਈ ਵਲੋਂ ਵੇਚੀ ਜਾਵੇਗੀ ਜਿਸ ਦੀ ਕੰਪਨੀ 'ਚ ਪੰਜ ਫੀਸਦੀ ਹਿੱਸੇਦਾਰੀ ਹੈ।
ਇਸ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਸੂਤਰਾਂ ਨੇ ਕਿਹਾ ਕਿ ਕੰਪਨੀ ਨੇ ਸ਼ੇਅਰ ਬਾਜ਼ਾਰਾਂ ਨੂੰ ਭੇਜੀ ਸੂਚਨਾ 'ਚ ਹਾਲਾਂਕਿ 15 ਫੀਸਦੀ ਹਿੱਸੇਦਾਰੀ ਵਿਕਰੀ ਦੀ ਹੀ ਜਾਣਕਾਰੀ ਦਿੱਤੀ ਹੈ ਪਰ ਪੂਰੇ ਸੌਦੇ ਨੂੰ ਮਨਜ਼ੂਰੀ ਮਿਲ ਗਈ ਹੈ। ਇਸ 'ਚ ਭਾਰਤੀ ਦੀ ਵੱਖਰੀ ਇਕਾਈ ਵਲੋਂ ਆਪਣੀ ਹਿੱਸੇਦਾਰੀ ਦੀ ਵਿਕਰੀ ਵੀ ਸ਼ਾਮਲ ਹੈ।
ਬਾਜ਼ਾਰ 'ਚ ਗਿਰਾਵਟ, ਸੈਂਸੈਕਸ 174 ਅੰਕ ਡਿੱਗਿਆ ਅਤੇ ਨਿਫਟੀ 11692 'ਤੇ ਬੰਦ
NEXT STORY 
