ਨਵੀਂ ਦਿੱਲੀ - ਰੋਜ਼ਾਨਾ ਵਰਤੋ ਦੀਆਂ ਘਰੇਲੂ ਵਸਤੂਆਂ ਬਣਾਉਣ ਵਾਲੀ ਕੰਪਨੀ ਹਿੰਦੁਸਤਾਨ ਯੂਨਿਲੀਵਰ (ਐੱਚ.ਯੂ.ਐੱਲ.) ਨੂੰ ਇਨਕਮ ਟੈਕਸ ਵਿਭਾਗ ਤੋਂ 962.75 ਕਰੋੜ ਰੁਪਏ ਦਾ ਮੰਗ ਨੋਟਿਸ ਮਿਲਿਆ ਹੈ। ਕੰਪਨੀ ਨੇ ਕਿਹਾ ਕਿ ਉਹ ਇਸ ਵਿਰੁੱਧ ਅਪੀਲ ਦਾਇਰ ਕਰੇਗੀ। ਐੱਚ.ਯੂ.ਐੱਲ. ਨੇ ਸ਼ੇਅਰ ਬਜ਼ਾਰ ਨੂੰ ਦਿੱਤੀ ਸੂਚਨਾ ’ਚ ਕਿਹਾ ਕਿ ਇਹ ਨੋਟਿਸ ਗਲੇਕਸੋਸਮਿਥਕਲਾਈਨ ਕੰਜ਼ਿਊਮਰ ਹੈਲਥਕੇਅਰ (ਜੀ.ਐਸ.ਕੇ.ਸੀ.ਐਚ.) ਨੂੰ ਹੋਰਲਿਕਸ, ਬੂਸਟ, ਮਾਲਟੋਵਾ ਅਤੇ ਵੀਵਾ ਵਰਗੇ ਬ੍ਰਾਂਡ ਵਾਲੇ ਹੈਲਥ ਫੂਡ ਡ੍ਰਿੰਕਸ (ਐੱਚ.ਐੱਫ.ਡੀ.) ਵਪਾਰ ਦੇ ਬੌਧਿਕ ਜਾਇਦਾਦ ਅਧਿਕਾਰਾਂ ਦੀ ਪ੍ਰਾਪਤੀ ਲਈ 3,045 ਕਰੋੜ ਰੁਪਏ ਦੇ ਭੁਗਤਾਨ 'ਤੇ ਟੀ.ਡੀ.ਐੱਸ. (ਸਰੋਤ 'ਤੇ ਕਰ ਕੱਟਣ) ਦੀ ਕਟੌਤੀ ਨਾ ਕਰਨ ਨਾਲ ਸਬੰਧਤ ਹੈ।
ਕੰਪਨੀ ਦੀ ਸੂਚਨਾ ਅਨੁਸਾਰ, ‘‘ਗਲੇਕਸੋਸਮਿਥਕਲਾਈਨ 'ਜੀ.ਐਸ.ਕੇ.' ਸਮੂਹ ਦੀਆਂ ਸੰਸਥਾਵਾਂ ਤੋਂ ਭਾਰਤ ’ਚ ਐੱਚ.ਐੱਫ.ਡੀ. ਆਈ.ਪੀ.ਅਾਰ. ਦੀ ਪ੍ਰਾਪਤੀ ਲਈ ਭੁਗਤਾਨ ਕਰਨ ਵੇਲੇ 3,045 ਕਰੋੜ ਰੁਪਏ ਦੇ ਪ੍ਰੇਸ਼ਣ 'ਤੇ ਇਨਕਮ ਟੈਕਸ ਕਾਨੂੰਨ 1961 ਦੇ ਵਿਵਸਥਾਵਾਂ ਟੀ.ਡੀ.ਐੱਸ. ਦੀ ਕਟੌਤੀ ਨਾ ਕਰਨ ਕਾਰਨ ਕੰਪਨੀ ਤੋਂ 962.75 ਕਰੋੜ ਰੁਪਏ (329.33 ਕਰੋੜ ਰੁਪਏ ਦੇ ਬਿਆਜ ਸਮੇਤ) ਦੀ ਮੰਗ ਕੀਤੀ ਗਈ ਹੈ।'' ਐੱਚ.ਯੂ.ਐੱਲ. ਅਨੁਸਾਰ, ਇਸ ਆਗਿਆ ਵਿਰੁੱਧ ਅਪੀਲ ਕੀਤੀ ਜਾ ਸਕਦੀ ਹੈ ਅਤੇ ਉਹ ਭਾਰਤੀ ਕਾਨੂੰਨ ਦੇ ਅਨੁਸਾਰ ‘‘ਆਵਸ਼ਕ ਕਾਰਵਾਈ'' ਕਰੇਗੀ। ਇਹ ਕਰ ਮੰਗ ਨੋਟਿਸ ਮੁੰਬਈ ’ਚ ਕੌਮਾਂਤਰੀ ਟੈਕਸ ਸਰਕਲ-2 ਦੇ ਇਨਕਮ ਟੈਕਸ ਉਪ-ਕਮਿਸ਼ਨਰ ਵੱਲੋਂ ਜਾਰੀ ਕੀਤਾ ਗਿਆ ਸੀ। ਇਹ ਕੰਪਨੀ ਨੂੰ 23 ਅਗਸਤ 2024 ਨੂੰ ਮਿਲਿਆ। ਐੱਚ.ਯੂ.ਐੱਲ. ਨੇ ਕਿਹਾ, ‘‘ਇਸ ਨਾਲ ਕੰਪਨੀ 'ਤੇ ਕੋਈ ਵਿੱਤੀ ਪ੍ਰਭਾਵ ਨਹੀਂ ਪੈਣਾ ਚਾਹੀਦਾ।'' ਇਸ ਸਾਲ ਜਨਵਰੀ ’ਚ ਐੱਚ.ਯੂ.ਐੱਲ. ਨੂੰ ਜੀ.ਐੱਸ.ਟੀ. (ਵਸਤੂ ਅਤੇ ਸੇਵਾ ਟੈਕਸ) ਅਤੇ ਜੁਰਮਾਨੇ ਦੇ ਰੂਪ ’ਚ ਕੁੱਲ 447.5 ਕਰੋੜ ਰੁਪਏ ਦਾ ਮੰਗ ਨੋਟਿਸ ਵੀ ਮਿਲਿਆ ਸੀ।
2025 ਤੱਕ ਭਾਰਤ, ਦੱਖਣੀ ਅਫਰੀਕਾ ’ਚ ਮੈਗਾਵਾਟ ਦੇ ਪ੍ਰੋਜੈਕਟ ਸਥਾਪਤ ਕਰੇਗਾ ਕੈਂਡੀ ਸੋਲਰ
NEXT STORY 
