ਮੁੰਬਈ - ਸ਼ੇਅਰ ਬਾਜ਼ਾਰ 'ਚ ਹਫਤੇ ਦੇ ਪਹਿਲੇ ਦਿਨ ਸੋਮਵਾਰ ਨੂੰ ਦੁਪਹਿਰ ਦੇ ਸਮੇਂ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ। ਸੈਂਸੈਕਸ ਇਸ ਸਮੇਂ 1657 ਅੰਕ ਡਿੱਗ ਕੇ 55,354 'ਤੇ ਪਹੁੰਚ ਗਿਆ ਹੈ। ਇਸ ਕਾਰਨ ਪਹਿਲੇ 60 ਸਕਿੰਟਾਂ 'ਚ ਮਾਰਕੀਟ ਕੈਪ 5.53 ਲੱਖ ਕਰੋੜ ਰੁਪਏ ਘੱਟ ਕੇ 253.94 ਲੱਖ ਕਰੋੜ 'ਤੇ ਆ ਗਿਆ ਸੀ। ਇਸ ਸਮੇਂ ਇਹ 250.85 ਲੱਖ ਕਰੋੜ ਰੁਪਏ ਹੈ ਯਾਨੀ ਕਿ 9 ਲੱਖ ਕਰੋੜ ਦੀ ਕਮੀ ਆਈ ਹੈ। ਸ਼ੁੱਕਰਵਾਰ ਨੂੰ ਇਹ 259.47 ਲੱਖ ਕਰੋੜ ਰੁਪਏ ਸੀ।
ਹਫਤੇ ਦੇ ਪਹਿਲੇ ਦਿਨ ਅੱਜ ਸ਼ੁਰੂਆਤੀ ਕਾਰੋਬਾਰ ਦਰਮਿਆਨ ਸ਼ੇਅਰ ਬਾਜ਼ਾਰ 'ਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਸੈਂਸੈਕਸ 1100 ਅੰਕ ਡਿੱਗ ਕੇ 55,907 'ਤੇ ਪਹੁੰਚ ਗਿਆ। ਇਸ ਕਾਰਨ ਪਹਿਲੇ 60 ਸਕਿੰਟਾਂ 'ਚ ਹੀ ਮਾਰਕੀਟ ਕੈਪ 5.53 ਲੱਖ ਕਰੋੜ ਰੁਪਏ ਘੱਟ ਕੇ 253.94 ਲੱਖ ਕਰੋੜ 'ਤੇ ਆ ਗਿਆ ਹੈ। ਸ਼ੁੱਕਰਵਾਰ ਨੂੰ ਇਹ 259.47 ਲੱਖ ਕਰੋੜ ਰੁਪਏ ਸੀ। ਬੰਬਈ ਸਟਾਕ ਐਕਸਚੇਂਜ (ਬੀ. ਐੱਸ. ਈ.) ਦਾ ਸੈਂਸੈਕਸ ਅੱਜ 494 ਅੰਕ ਡਿੱਗ ਕੇ 56,517 'ਤੇ ਖੁੱਲ੍ਹਿਆ। ਹਾਲਾਂਕਿ, ਇਸਨੇ ਪਹਿਲੇ ਹੀ ਮਿੰਟ ਵਿੱਚ 56,104 ਦਾ ਨੀਵਾਂ ਵੀ ਬਣਾਇਆ। ਸੈਂਸੈਕਸ ਦੇ 30 ਸ਼ੇਅਰਾਂ 'ਚ ਸਿਰਫ ਸਨ ਫਾਰਮਾ ਹੀ ਲਾਭਕਾਰੀ ਹੈ। ਇਸ ਦੇ ਬਾਕੀ 29 ਸ਼ੇਅਰਾਂ 'ਚ ਭਾਰੀ ਗਿਰਾਵਟ ਆਈ ਹੈ। ਟਾਟਾ ਸਟੀਲ 'ਚ 3 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਟਾਪ ਲੂਜ਼ਰਜ਼
SBI, HDFC ਬੈਂਕ, IndusInd Bank, Bajaj Finserv, Mahindra & Mahindra, UltraTech, Axis Bank, Bajaj Finance, Airtel, Tech Mahindra। ਮਾਰੂਤੀ, ਐਨਟੀਪੀਸੀ, ਕੋਟਕ ਬੈਂਕ, ਰਿਲਾਇੰਸ, ਆਈਟੀਸੀ, ਟਾਈਟਨ ਦੇ ਸ਼ੇਅਰ ਵੀ 2-2% ਤੋਂ ਵੱਧ ਦੇ ਨੁਕਸਾਨ ਨਾਲ ਕਾਰੋਬਾਰ ਕਰ ਰਹੇ ਹਨ। ਸੈਂਸੈਕਸ ਦੇ ਲਗਭਗ ਸਾਰੇ ਸੂਚਕਾਂਕ ਗਿਰਾਵਟ 'ਚ ਹਨ।
ਨਿਫਟੀ ਦਾ ਹਾਲ
ਦੂਜੇ ਪਾਸੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਵੀ 318 ਅੰਕ ਡਿੱਗ ਕੇ 16,667 'ਤੇ ਪਹੁੰਚ ਗਿਆ ਹੈ। ਨਿਫਟੀ ਦੇ 50 ਸਟਾਕਾਂ ਵਿੱਚੋਂ, 48 ਸਟਾਕ ਗਿਰਾਵਟ ਵਿੱਚ ਹਨ ਅਤੇ ਸਿਰਫ 2 ਲਾਭ ਵਿੱਚ ਕਾਰੋਬਾਰ ਕਰ ਰਹੇ ਹਨ। ਇਸ ਦੇ ਮਿਡ ਕੈਪ, ਵਿੱਤੀ, ਬੈਂਕਿੰਗ ਅਤੇ ਨੈਕਸਟ 50 ਸੂਚਕਾਂਕ ਮਜ਼ਬੂਤ ਘਾਟੇ ਨਾਲ ਵਪਾਰ ਕਰ ਰਹੇ ਹਨ। ਨਿਫਟੀ ਬੈਂਕ 3%, ਮਿਡਕੈਪ ਇੰਡੈਕਸ 3%, ਨੈਕਸਟ 50 2.59 ਅਤੇ ਵਿੱਤੀ ਸੂਚਕਾਂਕ 2.50% ਡਿੱਗਿਆ ਹੈ।
ਗਿਰਾਵਟ ਦੇ ਮੁੱਖ ਕਾਰਨ
ਗਿਰਾਵਟ ਦਾ ਮੁੱਖ ਕਾਰਨ ਓਮਾਈਕਰੋਨ ਦੇ ਵਧਦੇ ਕੇਸਾਂ, ਵਿਦੇਸ਼ੀ ਨਿਵੇਸ਼ਕਾਂ ਦੁਆਰਾ ਵਿਕਰੀ ਅਤੇ ਕੇਂਦਰੀ ਬੈਂਕ ਦੁਆਰਾ ਵਿਆਜ ਦਰਾਂ ਵਿੱਚ ਵਾਧੇ ਦਾ ਡਰ ਹੈ। ਵਿਦੇਸ਼ੀ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ ਪਿਛਲੇ 40 ਦਿਨਾਂ 'ਚ ਬਾਜ਼ਾਰ 'ਚੋਂ 80,000 ਕਰੋੜ ਰੁਪਏ ਕੱਢ ਲਏ ਹਨ। ਬੈਂਕ ਆਫ ਇੰਗਲੈਂਡ ਨੇ ਅਚਾਨਕ ਦਰ ਨੂੰ 0.15 ਤੋਂ 0.25% ਤੱਕ ਵਧਾ ਕੇ ਹੈਰਾਨ ਕਰ ਦਿੱਤਾ ਹੈ।
ਮਹਿੰਗਾਈ ਘੱਟ ਕਰਨ ਲਈ ਮੋਦੀ ਸਰਕਾਰ ਦਾ ਵੱਡਾ ਫ਼ੈਸਲਾ, 7 Commodities ਦੀ ਟ੍ਰੇਡਿੰਗ 'ਤੇ ਰੋਕ
NEXT STORY 
