ਨਵੀਂ ਦਿੱਲੀ — ਜਰਮਨੀ 'ਚ ਆਰਥਿਕ ਮੰਦੀ ਦਾ ਅਸਰ ਰਸਾਇਣ, ਮਸ਼ੀਨਰੀ, ਲਿਬਾਸ ਅਤੇ ਇਲੈਕਟ੍ਰੋਨਿਕਸ ਵਰਗੇ ਖੇਤਰਾਂ 'ਚ ਯੂਰਪੀ ਸੰਘ (ਈਯੂ) ਨੂੰ ਭਾਰਤ ਦੀ ਬਰਾਮਦ 'ਤੇ ਅਸਰ ਪੈ ਸਕਦਾ ਹੈ। ਕਨਫੈਡਰੇਸ਼ਨ ਆਫ ਇੰਡੀਅਨ ਇੰਡਸਟਰੀ (ਸੀ.ਆਈ.ਆਈ.) ਦੀ ਨਿਰਯਾਤ-ਆਯਾਤ (ਐਗਜ਼ਿਮ) ਕਮੇਟੀ ਦੇ ਚੇਅਰਮੈਨ ਸੰਜੇ ਬੁਧੀਆ ਨੇ ਇਹ ਗੱਲ ਕਹੀ ਹੈ। ਉਸਨੇ ਇਹ ਵੀ ਕਿਹਾ ਕਿ ਹਾਲਾਂਕਿ ਇਸ ਦੇ ਅਸਰ ਬਾਰੇ ਜਾਣਨਾ ਅਜੇ ਜਲਦਬਾਜ਼ੀ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ : 2000 ਰੁਪਏ ਦਾ ਨੋਟ ਜਮ੍ਹਾ ਕਰਵਾਉਣ ਲਈ ਜਾ ਰਹੇ ਹੋ Bank ਤਾਂ ਜਾਣੋ ਜੂਨ ਮਹੀਨੇ ਦੀਆਂ ਛੁੱਟੀਆਂ ਬਾਰੇ
ਦੁਨੀਆ ਦੀ ਚੌਥੀ ਸਭ ਤੋਂ ਵੱਡੀ ਅਰਥਵਿਵਸਥਾ ਜਰਮਨੀ ਨੂੰ ਮੰਦੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। 2022 ਦੀ ਚੌਥੀ ਤਿਮਾਹੀ ਵਿੱਚ 0.5 ਪ੍ਰਤੀਸ਼ਤ ਦੀ ਗਿਰਾਵਟ ਤੋਂ ਬਾਅਦ, ਇਸਦਾ ਕੁੱਲ ਘਰੇਲੂ ਉਤਪਾਦ (ਜੀ.ਡੀ.ਪੀ.) 2023 ਦੀ ਪਹਿਲੀ ਤਿਮਾਹੀ ਵਿੱਚ 0.3 ਪ੍ਰਤੀਸ਼ਤ ਤੱਕ ਹੋਰ ਡਿੱਗਣਾ ਤੈਅ ਹੈ। ਬੁਧੀਆ ਨੇ ਕਿਹਾ, “ਸਾਲ 2022 ਵਿੱਚ ਭਾਰਤ ਦੇ ਕੁੱਲ ਨਿਰਯਾਤ ਵਿੱਚ ਜਰਮਨੀ ਦਾ ਹਿੱਸਾ 4.4 ਪ੍ਰਤੀਸ਼ਤ ਸੀ। ਭਾਰਤ ਮੁੱਖ ਤੌਰ 'ਤੇ ਜੈਵਿਕ ਰਸਾਇਣਾਂ, ਮਸ਼ੀਨਰੀ, ਇਲੈਕਟ੍ਰੋਨਿਕਸ, ਲਿਬਾਸ, ਜੁੱਤੀਆਂ, ਲੋਹਾ ਅਤੇ ਸਟੀਲ ਦੇ ਨਾਲ-ਨਾਲ ਚਮੜੇ ਦੀਆਂ ਵਸਤਾਂ ਦਾ ਨਿਰਯਾਤ ਕਰਦਾ ਹੈ।
ਉਨ੍ਹਾਂ ਨੇ ਕਿਹਾ "ਹਾਲਾਂਕਿ ਭਾਰਤ 'ਤੇ ਜਰਮਨੀ ਦੀ ਮੰਦੀ ਦੇ ਪ੍ਰਭਾਵ ਦਾ ਮੁਲਾਂਕਣ ਕਰਨਾ ਬਹੁਤ ਜਲਦੀ ਹੈ, ਪਰ ਉਪਰੋਕਤ ਸੈਕਟਰ ਸਭ ਤੋਂ ਵੱਧ ਪ੍ਰਭਾਵਤ ਹੋਣਗੇ"। ਉਨ੍ਹਾਂ ਨੇ ਕਿਹਾ ਕਿ ਪੂਰੇ ਯੂਰਪੀਅਨ ਯੂਨੀਅਨ ਨੂੰ ਊਰਜਾ ਦੀਆਂ ਵਧਦੀਆਂ ਕੀਮਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਸ ਕਾਰਨ ਲਗਾਤਾਰ ਦੋ ਤਿਮਾਹੀਆਂ ਤੋਂ ਜਰਮਨੀ ਵਿਚ ਮੰਦੀ ਬਣੀ ਹੋਈ ਹੈ।
ਇਹ ਵੀ ਪੜ੍ਹੋ : ਅਮਰੀਕਾ ਦੀਵਾਲੀਆ ਹੋਇਆ ਤਾਂ ਡੁੱਬ ਜਾਵੇਗੀ ਦੁਨੀਆ, 78 ਲੱਖ ਨੌਕਰੀਆਂ ਅਤੇ 10 ਲੱਖ ਕਰੋੜ ਡਾਲਰ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
5G ਜੀ ਇੰਟਰਨੈੱਟ ਸਪੀਡ ਨੂੰ ਲੈ ਕੇ ਦਾਅਵਾ ਝੂਠਾ, ਟੈਲੀਕਾਮ ਕੰਪਨੀਆਂ 'ਤੇ ਲੱਗਾ 20 ਅਰਬ ਰੁਪਏ ਦਾ ਜੁਰਮਾਨਾ
NEXT STORY 
