ਜਲੰਧਰ (ਸ਼ੋਰੀ)- ਪੁਰਾਣੀ ਕਹਾਵਤ ਹੈ ਕਿ ਜੇਕਰ ਪੁਲਸ ਜੇਕਰ ਸਖ਼ਤੀ ਕਰੇ ਤਾਂ ਮਹਾਨਗਰ ’ਚ ਚੱਪਲ ਵੀ ਚੋਰੀ ਨਹੀਂ ਹੋ ਸਕਦੀ ਪਰ ਇਨੀਂ ਦਿਨੀਂ ਸਿਵਲ ਹਸਪਤਾਲ ’ਚ ਸਰਗਰਮ ਚੋਰ ਪੁਲਸ ਨੂੰ ਖੁੱਲ੍ਹੀ ਚੁਣੌਤੀ ਦੇ ਰਹੇ ਹਨ, ਜੇਕਰ ਅੰਕੜਿਆਂ ਦੀ ਮੰਨੀਏ ਤਾਂ ਅਕਤੂਬਰ ਮਹੀਨੇ ਤੋਂ ਹੁਣ ਤੱਕ ਹਸਪਤਾਲ ’ਚ ਬਿਨਾਂ ਪਰਚੀ ਪਾਰਕ ਕੀਤੇ 3 ਈ-ਰਿਕਸ਼ਾ ਅਤੇ ਦੋ-ਪਹੀਆ ਵਾਹਨ, ਜਿਨ੍ਹਾਂ ’ਚ ਮੋਟਰਸਾਈਕਲ ਅਤੇ ਸਕੂਟਰੀਆਂ ਸ਼ਾਮਲ ਹਨ। ਇੰਨਾ ਹੀ ਨਹੀਂ ਚੋਰਾਂ ਨੇ ਹਸਪਤਾਲ ’ਚ ਤਾਇਨਾਤ ਪੈਸਕੋ ਕੰਪਨੀ ਦੇ ਸੁਰੱਖਿਆ ਕਰਮਚਾਰੀ ਦਾ ਮੋਟਰਸਾਈਕਲ ਵੀ ਚੋਰੀ ਕਰ ਲਿਆ ਸੀ।
ਕੁਝ ਮਹੀਨੇ ਪਹਿਲਾਂ ਚੋਰ ਨਸ਼ਾ ਛੁਡਾਊ ਕੇਂਦਰ ’ਚ ਤਾਇਨਾਤ ਸਟਾਫ਼ ਨਰਸ ਦੀ ਸਕੂਟਰੀ ਵੀ ਚੋਰੀ ਕਰਕੇ ਲੈ ਗਏ ਸਨ। ਇਸ ਤੋਂ ਇਲਾਵਾ ਚੋਰਾਂ ਨੇ ਹਸਪਤਾਲ ਦੇ ਟਰੌਮਾ ਵਾਰਡ ਦੇ ਬਾਹਰ ਸੁਰੱਖਿਆ ਕਰਮਚਾਰੀਆਂ ਦੇ ਕਮਰੇ ਦੇ ਬਾਹਰ ਪਾਰਕ ਸਕੂਟਰ ਵੀ ਚੋਰੀ ਕਰ ਲਿਆ। ਇਸ ਤੋਂ ਇਹ ਵੀ ਪਤਾ ਲੱਗਦਾ ਹੈ ਕਿ ਚੋਰ ਸੁਰੱਖਿਆ ਮੁਲਾਜ਼ਮਾਂ ਤੋਂ ਵੀ ਨਹੀਂ ਡਰਦੇ। ਹਸਪਤਾਲ ਦੀ ਹਾਲਤ ਅਜਿਹੀ ਹੈ ਕਿ ਡਿਊਟੀ ਦੌਰਾਨ ਹਰ ਸਟਾਫ਼ ਆਪਣੇ ਪਾਰਕ ਕੀਤੇ ਵਾਹਨ ਨੂੰ ਵਾਰ-ਵਾਰ ਚੈੱਕ ਕਰਨ ਲਈ ਆਉਂਦਾ ਹੈ ਕਿ ਕਿਤੇ ਚੋਰਾਂ ਨੇ ਵਾਹਨ ਚੋਰੀ ਤਾਂ ਨਹੀਂ ਕਰ ਲਿਆ। ਇਸ ਦੇ ਨਾਲ ਹੀ ਕੁਝ ਕਰਮਚਾਰੀ ਆਪਣੇ ਵਾਹਨ ਆਪਣੇ ਵਾਰਡ ਦੇ ਬਾਹਰ ਪਾਰਕ ਕਰਦੇ ਹਨ। ਹਸਪਤਾਲ ’ਚ ਤਾਇਨਾਤ ਇਕ ਸਟਾਫ਼ ਨੇ ਦੱਸਿਆ ਕਿ ਕੁਝ ਨਸ਼ੇੜੀ ਵਿਅਕਤੀ ਬਿਨਾਂ ਕਿਸੇ ਕਾਰਨ ਹਸਪਤਾਲ ’ਚ ਘੁੰਮਦੇ ਰਹਿੰਦੇ ਹਨ ਅਤੇ ਵਾਹਨਾਂ ਦੀ ਰੇਕੀ ਕਰ ਕੇ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੰਦੇ ਹਨ। ਇਸ ਦੇ ਨਾਲ ਹੀ ਨਸ਼ਾ ਛੱਡ ਚੁੱਕੇ ਨੌਜਵਾਨ ਹਸਪਤਾਲ ’ਚ ਕੰਟੀਨ ਨੇੜੇ ਓ.ਐੱਸ.ਟੀ. ਸੈਂਟਰ ’ਚ ਦਵਾਈ ਲੈਣ ਆਉਂਦੇ ਹਨ। ਕੁਝ ਨੌਜਵਾਨ ਤਾਂ ਦਵਾਈ ਲੈਣ ਤੋਂ ਬਾਅਦ ਵੀ ਸ਼ਾਮ ਤੱਕ ਬੈਠੇ ਰਹਿੰਦੇ ਹਨ ਤੇ ਰੇਕੀ ਵੀ ਕਰਦੇ ਹਨ। ਉਨ੍ਹਾਂ ਨੂੰ ਬੇਲੋੜਾ ਹਸਪਤਾਲ ’ਚ ਬੈਠਣਾ ਬੰਦ ਕਰਨਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ: ਵੱਡੀ ਖ਼ਬਰ: UK ਦੇ ਸਿੱਖ ਐੱਮ. ਪੀ. ਤਨਮਨਜੀਤ ਸਿੰਘ ਢੇਸੀ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ
ਸੁਰੱਖਿਆ ਕਰਮਚਾਰੀ ਵੀ ਡਰੇ, ਜੰਜ਼ੀਰ ਲਾ ਕੇ ਸੁਰੱਖਿਅਤ ਰੱਖਦੇ ਹਨ ਆਪਣੇ ਵਾਹਨ
ਚੋਰਾਂ ਕਾਰਨ ਜਿੱਥੇ ਸਟਾਫ਼ ਵੀ ਆਪਣੇ ਵਾਹਨਾਂ ਨੂੰ ਲੈ ਕੇ ਅਸੁਰੱਖਿਅਤ ਮਹਿਸੂਸ ਕਰ ਰਿਹਾ ਹੈ, ਉੱਥੇ ਹੀ ਹਸਪਤਾਲ ’ਚ ਤਾਇਨਾਤ ਪੈਸਕੋ ਦੇ ਸੁਰੱਖਿਆ ਮੁਲਾਜ਼ਮ ਵੀ ਚੋਰਾਂ ਤੋਂ ਪ੍ਰੇਸ਼ਾਨ ਹਨ, ਜਦੋਂ ਤੋਂ ਉਨ੍ਹਾਂ ਦੇ ਸਾਥੀ ਦਾ ਮੋਟਰਸਾਈਕਲ ਚੋਰੀ ਕਰ ਲਿਆ ਗਿਆ ਸੀ, ਉਦੋਂ ਤੋਂ ਉਸ ਨੂੰ ਡਰ ਹੈ ਕਿ ਕਿਤੇ ਉਨ੍ਹਾਂ ਦਾ ਮਹਿੰਗਾ ਮੋਟਰਸਾਈਕਲ ਵੀ ਕੋਈ ਚੋਰ ਚੋਰੀ ਨਾ ਕਰ ਲੈਣ।ਟਰੌਮਾ ਵਾਰਡ ਦੇ ਬਾਹਰ ਉਨ੍ਹਾਂ ਦੇ ਕਮਰੇ ਹਨ, ਜਿੱਥੇ ਉਹ ਖੁਦ ਮੌਜੂਦ ਰਹਿੰਦੇ ਹਨ। ਉਕਤ ਕਮਰੇ ਦੇ ਬਾਹਰ ਪਾਰਕ ਆਪਣੇ ਤੇ ਉਸ ਦੇ ਸਾਥੀਆਂ ਦੇ ਮੋਟਰਸਾਈਕਲਾਂ ਨੂੰ ਵੀ ਜੰਜ਼ੀਰਾਂ ਨਾਲ ਬੰਨ੍ਹ ਕੇ ਰੱਖਿਆ ਹੋਇਆ ਹੈ। ਕੁਝ ਸਮਾਂ ਪਹਿਲਾਂ 108 ਐਂਬੂਲੈਂਸ ’ਚ ਈ. ਐੱਨ. ਟੀ. ਅਨਿਲ ਸ਼ਰਮਾ ਨੇ ਰਾਤ ਸਮੇਂ ਆਪਣਾ ਮੋਟਰਸਾਈਕਲ ਸਿਵਲ ਹਸਪਤਾਲ ਦੇ ਗਾਇਨੀਕੋਲਾਜੀ ਵਾਰਡ ਦੇ ਬਾਹਰ ਖੜ੍ਹਾ ਕੀਤਾ ਸੀ। ਵਾਪਸ ਆਉਣ 'ਤੇ ਪਤਾ ਲੱਗਾ ਕਿ ਮੋਟਰਸਾਈਕਲ ਚੋਰੀ ਹੋ ਗਿਆ ਸੀ। ਕਾਫੀ ਭਾਲ ਕਰਨ ਤੋਂ ਬਾਅਦ ਉਸ ਨੇ ਦੇਖਿਆ ਕਿ ਉਸ ਦਾ ਯਾਮਾਹਾ ਹਸਪਤਾਲ ਦੇ ਬਿਲਕੁਲ ਬਾਹਰ ਅਲੀ ਪੁਲੀ ’ਚ ਇਕ ਮੋਟਰਸਾਈਕਲ ਦੀ ਦੁਕਾਨ ਦੇ ਬਾਹਰ ਖੜ੍ਹਾ ਸੀ। ਕੁਝ ਨੌਜਵਾਨ ਯਾਮਾਹਾ ਦਾ ਰੰਗ ਬਦਲਣ ਲਈ ਉਸ ’ਤੇ ਕਾਲੀ ਟੇਪ ਲਾ ਰਹੇ ਸਨ। ਅਨਿਲ ਦਾ ਕਹਿਣਾ ਹੈ ਕਿ ਉਸ ਨੇ ਟਾਇਰਾਂ ਰਾਹੀਂ ਆਪਣੇ ਮੋਟਰਸਾਈਕਲ ਦੀ ਪਛਾਣ ਕੀਤੀ ਤੇ ਪੁਲਸ ਨੂੰ ਸੂਚਿਤ ਕੀਤਾ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਉਸ ਨੂੰ ਮੋਟਰਸਾਈਕਲ ਦੇ ਦਿੱਤਾ ਤੇ ਇਹ ਵੀ ਕਿਹਾ ਕਿ ਜੇਕਰ ਉਹ ਪੁਲਸ ਨੂੰ ਸ਼ਿਕਾਇਤ ਕਰਦਾ ਹੈ ਤਾਂ ਪੁਲਸ ਮਾਮਲਾ ਦਰਜ ਕਰੇਗੀ ਤੇ ਉਸ ਨੂੰ ਅਦਾਲਤ ਜਾਣਾ ਪਵੇਗਾ। ਅਨਿਲ ਦਾ ਕਹਿਣਾ ਹੈ ਕਿ ਇਹ ਸੁਣ ਕੇ ਉਹ ਡਰ ਗਿਆ ਤੇ ਬਿਨਾਂ ਸ਼ਿਕਾਇਤ ਦੇ ਮੋਟਰਸਾਈਕਲ ਲੈ ਕੇ ਚਲਾ ਗਿਆ।
ਇਹ ਵੀ ਪੜ੍ਹੋ: ਪੰਜਾਬ ਹੋ ਰਿਹੈ ਖ਼ਾਲੀ, ਅਨੇਕਾਂ ਘਰਾਂ ਤੇ ਕੋਠੀਆਂ ਨੂੰ ਲੱਗ ਰਹੇ ਹਨ 'ਜਿੰਦਰੇ', ਹੈਰਾਨ ਕਰਨ ਵਾਲੀ ਹੈ ਰਿਪੋਰਟ
ਲੋਕ ਪਾਰਕਿੰਗ ’ਚ ਖੜ੍ਹੇ ਨਹੀਂ ਕਰਦੇ ਵਾਹਨ, ਚੋਰੀ ਹੋ ਜਾਂਦੇ ਹਨ : ਕਪਿਲ
ਹਸਪਤਾਲ ’ਚ ਪਾਰਕਿੰਗ ਦਾ ਠੇਕਾ ਚਲਾ ਰਹੇ ਠੇਕੇਦਾਰ ਕਪਿਲ ਸ਼ਰਮਾ ਨੇ ਕਿਹਾ ਕਿ ਅਜਿਹਾ ਨਹੀਂ ਹੈ ਕਿ ਹਸਪਤਾਲ ’ਚ ਵਾਹਨ ਸੁਰੱਖਿਅਤ ਨਹੀਂ ਹਨ। ਹਸਪਤਾਲ ’ਚ ਪਰਚੀ ਲੈ ਕੇ ਖੜ੍ਹੇ ਵਾਹਨਾਂ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਠੇਕੇਦਾਰ ਦੀ ਹੈ। ਨੌਜਵਾਨਾਂ ਨੂੰ ਹਸਪਤਾਲ ’ਚ ਗੱਡੀਆਂ ਪਾਰਕ ਕਰਨ ਸਮੇਂ ਤੇ ਹਸਪਤਾਲ ’ਚੋਂ ਵਾਹਨਾਂ ਨੂੰ ਬਾਹਰ ਜਾਣ ਸਮੇਂ ਨਿਯਮਾਂ ਅਨੁਸਾਰ ਰੱਖਿਆ ਗਿਆ ਹੈ। ਉਹ ਪਰਚੀਆਂ ਦੀ ਜਾਂਚ ਕਰਨ ਤੋਂ ਬਾਅਦ ਹੀ ਵਾਹਨਾਂ ਨੂੰ ਹਸਪਤਾਲ ਤੋਂ ਬਾਹਰ ਜਾਣ ਦਿੰਦੇ ਹਨ। ਕਪਿਲ ਦਾ ਕਹਿਣਾ ਹੈ ਕਿ ਸਿਰਫ਼ ਕੁਝ ਪੈਸੇ ਬਚਾਉਣ ਲਈ ਲੋਕ ਬਿਨਾਂ ਪਾਰਕਿੰਗ ਦੇ ਆਪਣੇ ਮਹਿੰਗੇ ਵਾਹਨ ਪਾਰਕ ਕਰਦੇ ਹਨ, ਜਿਸ ਤੋਂ ਬਾਅਦ ਉਹ ਚੋਰੀ ਹੋ ਜਾਂਦੇ ਹਨ।
ਪੁਲਸ ਜਲਦ ਕਰੇਗੀ ਕਾਰਵਾਈ : ਐੱਸ. ਐੱਚ. ਓ. ਗੁਰਪ੍ਰੀਤ ਸਿੰਘ
ਥਾਣਾ ਨੰ. 4 ਦੇ ਐੱਸ. ਐੱਚ. ਓ. ਗੁਰਪ੍ਰੀਤ ਸਿੰਘ, ਜੋ ਕਿ ਅੰਡਰ ਟ੍ਰੇਨਿੰਗ ਕੰਮ ਕਰ ਰਹੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੁਲਸ ਚੋਰੀ ਦੀਆਂ ਘਟਨਾਵਾਂ ਨੂੰ ਲੈ ਕੇ ਗੰਭੀਰ ਹੈ। ਸਿਵਲ ਹਸਪਤਾਲ ’ਚ ਚੋਰਾਂ ’ਤੇ ਸ਼ਿਕੰਜਾ ਕੱਸਣ ਲਈ ਪੁਲਸ ਜਲਦ ਹੀ ਵੱਡੀ ਕਾਰਵਾਈ ਕਰੇਗੀ।
ਇਹ ਵੀ ਪੜ੍ਹੋ: ਜਲੰਧਰ ਵਿਖੇ ਰਵੀ ਜਿਊਲਰਜ਼ 'ਚ ਹੋਈ ਲੁੱਟ ਦੇ ਮਾਮਲੇ 'ਚ ਨਵਾਂ ਮੋੜ, ਮਾਲਕ ਹੀ ਨਿਕਲਿਆ ਝੂਠੀ ਕਹਾਣੀ ਦਾ ਰਚੇਤਾ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਵੱਡੀ ਖ਼ਬਰ: UK ਦੇ ਸਿੱਖ ਐੱਮ. ਪੀ. ਤਨਮਨਜੀਤ ਸਿੰਘ ਢੇਸੀ ਨੂੰ ਮਿਲੀ ਜਾਨੋਂ ਮਾਰਨ ਦੀ ਧਮਕੀ
NEXT STORY 
