ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਸੁਨੀਲ ਸ਼ੈੱਟੀ ਨੇ ਇੰਸਟਾਗ੍ਰਾਮ ’ਤੇ ਧੀ ਆਥੀਆ ਸ਼ੈੱਟੀ ਨਾਲ ਇਕ ਬੇਹੱਦ ਖ਼ੂਬਸੂਰਤ ਤਸਵੀਰ ਸਾਂਝੀ ਕੀਤੀ ਹੈ। ਇਸ ਤਸਵੀਰ ’ਚ ਆਥੀਆ ਪਾਪਾ ਦੀ ਗੋਦ ’ਚ ਬੈਠੀ ਨਜ਼ਰ ਆ ਰਹੀ ਹੈ। ਉੱਧਰ ਸੁਨੀਲ ਸ਼ੈੱਟੀ ਨੇ ਆਥੀਆ ਲਈ ਭਾਵੁਕ ਮੈਸੇਜ ਵੀ ਲਿਖਿਆ ਹੈ। ਦੋਵਾਂ ਦੀ ਇਹ ਤਸਵੀਰ ਸੋਸ਼ਲ ਮੀਡੀਆ ’ਤੇ ਬੇਹੱਦ ਵਾਇਰਲ ਹੋ ਰਹੀ ਹੈ। ਧੀ ਆਥੀਆ ਦੇ ਲਈ ਪਾਪਾ ਸੁਨੀਲ ਸ਼ੈੱਟੀ ਦਾ ਪਿਆਰ ਸਾਫ਼ ਝਲਕ ਰਿਹਾ ਹੈ।
ਸੁਨੀਲ ਨੇ ਇੰਸਟਾਗ੍ਰਾਮ ’ਤੇ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ ਕਿ ਚਾਹੇ ਉਹ ਕਿੰਨੀ ਹੀ ਵੱਡੀ ਹੋ ਜਾਵੇ ਪਰ ਹਮੇਸ਼ਾ ਆਪਣੇ ਪਾਪਾ ਦੇ ਕਰੀਬ ਹੀ ਕਰੇਗੀ। ਇਸ ਤਸਵੀਰ ’ਚ ਆਥੀਆ ਪਾਪਾ ਸੁਨੀਲ ਦੀ ਗੋਦ ’ਚ ਬੈਠੀ ਹੋਈ ਹੈ। ਸੁਨੀਲ ਵੀ ਉਨ੍ਹਾਂ ਨੂੰ ਭਰਪੂਰ ਪਿਆਰ ਦੇ ਰਹੇ ਹਨ। ਇਹ ਤਸਵੀਰ ਆਥੀਆ ਦੇ ਪ੍ਰਸ਼ੰਸਕਾਂ ਨੂੰ ਵੀ ਖ਼ੂਬ ਪਸੰਦ ਆ ਰਹੀ ਹੈ। ਇਕ ਇੰਟਰਵਿਊ ’ਚ ਸੁਨੀਲ ਨੇ ਕਿਹਾ ਕਿ ਆਥੀਆ ਬਾਲੀਵੁੱਡ ’ਚ ਵੀ ਸਫ਼ਲ ਰਹੇਗੀ। ਮੈਂ ਉਸ ਨੂੰ ਬਹੁਤ ਕਰੀਬ ਤੋਂ ਜਾਣਦਾ ਹਾਂ। ਸੁਨੀਲ ਨੇ ਅੱਗੇ ਕਿਹਾ ਕਿ ਉਹ ਹਮੇਸ਼ਾ ਆਥੀਆ ਦੇ ਨਾਲ ਖੜ੍ਹੇ ਰਹਿਣਗੇ।
ਫ਼ਿਲਮ ‘ਮੋਤੀਚੂਰ ਚਕਨਾਚੂਰ’ ’ਚ ਆਈ ਸੀ ਨਜ਼ਰ
ਫ਼ਿਲਮਾਂ ’ਚ ਕੰਮ ਦੀ ਗੱਲ ਕਰੀਏ ਤਾਂ ਆਥੀਆ ਸ਼ੈੱਟੀ ਨੂੰ ਪਿਛਲੀ ਵਾਰ ਨਵਾਜ਼ੂਦੀਨ ਸਿਦੀਕੀ ਦੇ ਨਾਲ ‘ਮੋਤੀਚੂਰ ਚਕਨਾਚੂਰ’ ’ਚ ਦੇਖਿਆ ਗਿਆ ਸੀ। ਹਾਲਾਂਕਿ ਇਹ ਫ਼ਿਲਮ ਜ਼ਿਆਦਾ ਕਮਾਈ ਨਹੀਂ ਕਰ ਪਾਈ ਪਰ ਆਥੀਆ ਨੂੰ ਇਕ ਵੱਖਰੀ ਪਛਾਣ ਮਿਲੀ। ਆਥੀਆ ਸੋਸ਼ਲ ਮੀਡੀਆ ’ਤੇ ਵੀ ਕਾਫ਼ੀ ਸਰਗਰਮ ਰਹਿੰਦੀ ਹੈ ਅਤੇ ਸਮੇਂ-ਸਮੇਂ ’ਤੇ ਤਸਵੀਰਾਂ ਅਤੇ ਵੀਡੀਓਜ਼ ਸਾਂਝੀਆਂ ਕਰਦੀ ਰਹਿੰਦੀ ਹੈ। ਆਥੀਆ ਨੂੰ ਚਾਹੁਣ ਵਾਲੇ ਉਨ੍ਹਾਂ ਦੇ ਪ੍ਰਸ਼ੰਸਕ ਲੱਖਾਂ ’ਚ ਹਨ। ਆਥੀਆ ਸਮੇਂ-ਸਮੇਂ ’ਤੇ ਫੋਟੋਸ਼ੂਟ ਵੀ ਕਰਵਾਉਂਦੀ ਰਹਿੰਦੀ ਹੈ। ਉੱਧਰ ਆਥੀਆ ਦੇ ਪ੍ਰਸ਼ੰਸਕ ਵੀ ਉਨ੍ਹਾਂ ਨੂੰ ਭਰਪੂਰ ਪਿਆਰ ਦਿੰਦੇ ਹਨ।
ਗੁਰਦਾਸ ਮਾਨ ਨੇ ਪੰਜਾਬ ਪੁਲਸ ਦੀਆਂ ਧੱਕੇਸ਼ਾਹੀਆਂ ਨੂੰ ਲਿਆਂਦਾ ਸੀ ਲੋਕਾਂ ਸਾਹਮਣੇ, ਕਿਸਾਨੀ ਘੋਲ 'ਚੋਂ ਪਰਤੇ ਸਨ ਚੁਪ-ਚਪੀ
NEXT STORY