ਨਵੀਂ ਦਿੱਲੀ (ਏਜੰਸੀ)- ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਨੇ ਕਾਨਸ ਫਿਲਮ ਫੈਸਟੀਵਲ (Cannes Film Festival) ਦੇ ਰੈੱਡ ਕਾਰਪੇਟ 'ਤੇ ਉਨ੍ਹਾਂ ਨੂੰ ਨਜ਼ਰਅੰਦਾਜ਼ ਕੀਤੇ ਜਾਣ ਦੇ ਦਾਅਵੇ ਕਰਨ ਵਾਲੇ ਟ੍ਰੋਲਰਾਂ ਨੂੰ ਬਹੁਤ ਹੀ ਸ਼ਾਲੀਨਤਾ ਨਾਲ ਜਵਾਬ ਦੇ ਕੇ ਉਨ੍ਹਾਂ ਦਾ ਮੂੰਹ ਬੰਦ ਕਰ ਦਿੱਤਾ ਹੈ। ਅਦਾਕਾਰਾ ਇਸ ਵੱਕਾਰੀ ਫਿਲਮ ਫੈਸਟੀਵਲ ਵਿੱਚ L'Oreal Paris ਦੀ ਭਾਰਤ ਦੀ ਗਲੋਬਲ ਐਂਬੈਸਡਰ ਵਜੋਂ ਸ਼ਾਮਲ ਹੋ ਰਹੀ ਹੈ।
ਜਿਵੇਂ ਹੀ ਰੈੱਡ ਕਾਰਪੇਟ ਦੇ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋਏ, ਕੁਝ ਯੂਜ਼ਰਸ ਨੇ ਕਿਹਾ ਕਿ ਪੈਪਰਾਜ਼ੀ ਨੇ ਉਸਨੂੰ ਨਜ਼ਰਅੰਦਾਜ਼ ਕੀਤਾ। ਇੱਕ ਵੀਡੀਓ ਵਿੱਚ, ਅਦਾਕਾਰਾ ਉਨ੍ਹਾਂ ਫੋਟੋਗ੍ਰਾਫ਼ਰਾਂ ਦੇ ਸਾਹਮਣੇ ਖੜ੍ਹੀ ਦਿਖਾਈ ਦਿੱਤੀ ਜਿਨ੍ਹਾਂ ਨੇ ਆਪਣੇ ਕੈਮਰੇ ਹੇਠਾਂ ਕੀਤੇ ਸਨ। ਇਸ ਨਾਲ ਔਨਲਾਈਨ ਯੂਜ਼ਰਸ ਵੱਲੋਂ ਮਿਲੀਆਂ-ਜੁਲੀਆਂ ਪ੍ਰਤੀਕਿਰਿਆ ਆਈਆਂ।
ਕੁਝ ਲੋਕਾਂ ਨੇ ਅਦਾਕਾਰਾ ਦਾ ਸਮਰਥਨ ਕੀਤਾ, ਜਦੋਂ ਕਿ ਕੁਝ ਨੇ ਉਸਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਉਸਨੂੰ ਅੰਤਰਰਾਸ਼ਟਰੀ ਮਾਨਤਾ ਨਹੀਂ ਮਿਲੀ। ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ, ਭੱਟ ਨੇ ਫੈਸਟੀਵਲ ਦੀਆਂ ਕਈ ਫੋਟੋਆਂ ਅਤੇ ਵੀਡੀਓ ਸਾਂਝੇ ਕੀਤੇ। ਬਹੁਤ ਸਾਰੇ ਉਪਭੋਗਤਾਵਾਂ ਨੇ ਪੋਸਟਾਂ ਦੀ ਪ੍ਰਸ਼ੰਸਾ ਕੀਤੀ, ਜਦੋਂ ਕਿ ਇੱਕ ਨੇ ਲਿਖਿਆ, "ਕਿੰਨੇ ਅਫ਼ਸੋਸਦੀ ਗੱਲ ਹੈ ਕਿ ਕਿਸੇ ਨੇ ਤੁਹਾਨੂੰ ਨੋਟਿਸ ਨਹੀਂ ਕੀਤਾ।" ਇਸ ਦਾ ਜਵਾਬ ਦਿੰਦੇ ਹੋਏ, ਅਦਾਕਾਰਾ ਨੇ ਲਿਖਿਆ, "ਅਫ਼ਸੋਸ ਕਿਸ ਗੱਲ ਦਾ ਪਿਆਰੇ? ਤੁਸੀਂ ਤਾਂ ਮੈਨੂੰ ਨੋਟਿਸ ਕੀਤਾ!" ਦੱਸਣਯੋਗ ਹੈ ਕਿ ਆਲੀਆ ਭੱਟ ਨੇ ਸਾਲ 2025 ਤੋਂ ਬਾਅਦ ਦੂਜੀ ਵਾਰ ਇਸ ਫੈਸਟੀਵਲ ਵਿੱਚ ਸ਼ਿਰਕਤ ਕੀਤੀ ਹੈ। 12 ਮਈ ਨੂੰ ਸ਼ੁਰੂ ਹੋਇਆ ਇਹ ਕਾਨਸ ਫਿਲਮ ਮਹੋਤਸਵ 23 ਮਈ ਨੂੰ ਸਮਾਪਤ ਹੋਵੇਗਾ।
ਜੂਨੀਅਰ NTR ਦੇ ਜਨਮਦਿਨ ਤੋਂ ਪਹਿਲਾਂ ਮੇਕਰਸ ਨੇ ਸਾਂਝੀ ਕੀਤੀ ਫਿਲਮ ਦੀ ਨਵੀਂ ਝਲਕ
NEXT STORY 
