ਮੁੰਬਈ- ਟੀ.ਵੀ. ਅਦਾਕਾਰਾ ਹਿਨਾ ਖ਼ਾਨ ਬ੍ਰੈਸਟ ਕੈਂਸਰ ਵਰਗੀ ਖ਼ਤਰਨਾਕ ਬੀਮਾਰੀ ਨਾਲ ਲੜਾਈ ਲੜ ਰਹੀ ਹੈ। ਅਦਾਕਾਰਾ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਆਪਣੀ ਹਾਲਤ ਬਿਆਨ ਕਰ ਰਹੀ ਹੈ। ਹਿਨਾ ਮੁੰਬਈ ਦੇ ਕੋਕਿਲਾਬੇਨ ਹਸਪਤਾਲ 'ਚ ਭਰਤੀ ਹੈ ਅਤੇ ਉੱਥੇ ਉਸਦਾ ਇਲਾਜ ਚੱਲ ਰਿਹਾ ਹੈ। ਅਦਾਕਾਰਾ ਕੀਮੋਥੈਰੇਪੀ ਸੈਸ਼ਨ ਲੈ ਰਹੀ ਹੈ। ਉਹ ਖੁਦ ਨੂੰ ਸਿਹਤਮੰਦ ਰੱਖਣ ਦੀ ਪੂਰੀ ਕੋਸ਼ਿਸ਼ ਵੀ ਕਰ ਰਹੀ ਹੈ। ਦਰਦ ਦੇ ਬਾਵਜੂਦ ਹਿਨਾ ਖ਼ਾਨ ਇਸ ਬੀਮਾਰੀ ਦਾ ਮੁਸਕਰਾਹਟ ਨਾਲ ਸਾਹਮਣਾ ਕਰ ਰਹੀ ਹੈ। ਅਦਾਕਾਰਾ ਆਪਣੇ ਪ੍ਰਸ਼ੰਸਕਾਂ ਨੂੰ ਵੀ ਪ੍ਰੇਰਿਤ ਕਰ ਰਹੀ ਹੈ।
ਕੀਮੋਥੈਰੇਪੀ ਦੌਰਾਨ ਹਿਨਾ ਖ਼ਾਨ ਨੇ ਪ੍ਰਸ਼ੰਸਕਾਂ ਨਾਲ ਇੱਕ ਵੀਡੀਓ ਸ਼ੇਅਰ ਕੀਤਾ, ਜਿਸ 'ਚ ਉਸ ਦੇ ਵਾਲ ਬਹੁਤ ਝੜ ਰਹੇ ਸਨ। ਹਿਨਾ ਖ਼ਾਨ ਨੇ ਵੀ ਆਪਣੇ ਸਾਰੇ ਵਾਲ ਕੱਟ ਦਿੱਤੇ ਸਨ। ਉਸ ਦੌਰਾਨ ਅਦਾਕਾਰਾ ਦੀ ਮਾਂ ਦੀ ਵੀ ਕਾਫੀ ਖਰਾਬ ਹਾਲਤ ਸੀ। ਪਰ ਹੁਣ ਖੁਦ ਨੂੰ ਥੋੜੀ ਜਿਹੀ ਖੁਸ਼ੀ ਦਿੰਦੇ ਹੋਏ ਹਿਨਾ ਨੇ ਆਪਣੇ ਵਾਲਾਂ ਨੂੰ ਬਚਾਉਣ ਲਈ ਖੁਦ ਦੇ ਵਾਲਾਂ ਦੀ ਬਣੀ ਵਿੱਗ ਬਣਵਾਈ ਹੈ।ਹਿਨਾ ਖ਼ਾਨ ਨੇ ਹਾਲ ਹੀ 'ਚ ਆਪਣੇ ਵਾਲਾਂ ਤੋਂ ਬਣਿਆ ਵਿੱਗ ਪਹਿਨਣ ਦਾ ਵੀਡੀਓ ਸ਼ੇਅਰ ਕੀਤਾ ਹੈ। ਅਦਾਕਾਰਾ ਕੈਂਸਰ ਦੇ ਇਲਾਜ ਦੌਰਾਨ ਆਪਣੇ ਵਾਲਾਂ ਤੋਂ ਬਣੀ ਵਿੱਗ ਪਹਿਨਦੀ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸਫੈਦ ਰੰਗ ਦਾ ਕ੍ਰੌਪ ਟਾਪ, ਬਲੈਕ ਐਂਡ ਵ੍ਹਾਈਟ ਪੋਲਕਾ ਡਾਟ ਜੈਕੇਟ ਅਤੇ ਬੇਜ ਕਲਰ ਦੀ ਟਰਾਊਜ਼ਰ ਪੈਂਟ 'ਚ ਹਿਨਾ ਖਾਨ ਹਮੇਸ਼ਾ ਦੀ ਤਰ੍ਹਾਂ ਕਾਫੀ ਖੂਬਸੂਰਤ ਲੱਗ ਰਹੀ ਸੀ ਪਰ ਇਸ ਵੀਡੀਓ 'ਚ ਉਨ੍ਹਾਂ ਦੀ ਖੁਸ਼ੀ ਕੁਝ ਹੋਰ ਹੀ ਦਿਖਾਈ ਦੇ ਰਹੀ ਹੈ ਵੀਡੀਓ 'ਚ ਅਦਾਕਾਰਾ ਆਪਣੇ ਵਾਲ ਦਿਖਾ ਰਹੀ ਹੈ ਜੋ ਕਿ ਟੋਪੀ ਨਾਲ ਜੁੜੇ ਹੋਏ ਹਨ।
ਵੀਡੀਓ ਸ਼ੇਅਰ ਕਰਦੇ ਹੋਏ ਹਿਨਾ ਨੇ ਇਕ ਲੰਮਾ ਨੋਟ ਲਿਖਿਆ ਅਤੇ ਖੁਲਾਸਾ ਕੀਤਾ ਕਿ ਵਿੱਗ ਉਸ ਦੇ ਆਪਣੇ ਵਾਲਾਂ ਤੋਂ ਬਣਾਈ ਗਈ ਹੈ। ਅਦਾਕਾਰਾ ਨੇ ਕਿਹਾ ਕਿ ਜਦੋਂ ਉਸ ਨੂੰ ਪਹਿਲੀ ਵਾਰ ਆਪਣੇ ਕੈਂਸਰ ਬਾਰੇ ਪਤਾ ਲੱਗਾ ਤਾਂ ਉਸ ਨੂੰ ਪਤਾ ਸੀ ਕਿ ਉਸ ਦੇ ਵਾਲ ਝੜ ਜਾਣਗੇ। ਹਿਨਾ ਖ਼ਾਨ ਨੇ ਕਿਹਾ ਕਿ ਜਦੋਂ ਉਸ ਦੇ ਵਾਲ ਸਿਹਤਮੰਦ ਸਨ, ਤਾਂ ਉਸ ਨੇ ਆਪਣੀਆਂ ਸ਼ਰਤਾਂ 'ਤੇ ਆਪਣੇ ਵਾਲ ਕੱਟਣ ਦਾ ਫੈਸਲਾ ਕੀਤਾ ਅਤੇ ਇਸ ਤੋਂ ਵਿੱਗ ਬਣਾਉਣ ਦਾ ਫੈਸਲਾ ਕੀਤਾ, ਕਿਉਂਕਿ ਉਸ ਨੂੰ ਯਕੀਨ ਸੀ ਕਿ ਇਹ ਚੀਜ਼ ਉਸ ਨੂੰ ਇਸ ਮੁਸ਼ਕਲ ਸਮੇਂ 'ਚ ਆਰਾਮ ਦੇਵੇਗੀ।
ਹਿਨਾ ਨੇ ਉਨ੍ਹਾਂ ਸਾਰੀਆਂ ਔਰਤਾਂ ਨੂੰ ਸੰਦੇਸ਼ ਦਿੱਤਾ ਜੋ ਉਨ੍ਹਾਂ ਵਾਂਗ ਕੈਂਸਰ ਨਾਲ ਲੜ ਰਹੀਆਂ ਹਨ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਵੀ ਇਹ ਵਿਕਲਪ ਚੁਣਨਾ ਚਾਹੀਦਾ ਹੈ ਕਿਉਂਕਿ ਇਸ ਨਾਲ ਲੜਾਈ ਥੋੜ੍ਹੀ ਆਸਾਨ ਹੋ ਜਾਵੇਗੀ ਅਤੇ ਉਨ੍ਹਾਂ ਨੂੰ ਘਰ ਦਾ ਅਹਿਸਾਸ ਹੋਵੇਗਾ। ਹਿਨਾ ਖਾਨ ਨੇ ਕਿਹਾ ਕਿ ਜਦੋਂ ਉਹ ਵਿੱਗ ਪਾਉਂਦੀ ਹੈ ਤਾਂ ਅਜਿਹਾ ਮਹਿਸੂਸ ਹੁੰਦਾ ਹੈ ਕਿ ਉਹ ਆਪਣੇ ਵਾਲਾਂ ਨਾਲ ਮੁੜ ਜੁੜ ਗਈ ਹੈ, ਜੋ ਕੈਂਸਰ ਦੇ ਇਲਾਜ ਕਾਰਨ ਉਸ ਨੂੰ ਕੱਟਣੇ ਪਏ ਸਨ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ਵੀ ਅਦਾਕਾਰਾ ਦੇ ਹੌਂਸਲੇ ਦੀ ਤਾਰੀਫ ਕਰ ਰਹੇ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਬਰਿੰਦਰ ਢਪਈ ਦਾ ਗੀਤ ‘ਡੇਂਜਰ ਡਰਿੱਲ’ ਬਣਿਆ ਚਰਚਾ ਦਾ ਵਿਸ਼ਾ, ਯੂਟਿਊਬ ’ਤੇ ਪਾ ਰਿਹਾ ਧੁੰਮਾਂ (ਵੀਡੀਓ)
NEXT STORY 
