ਮੁੰਬਈ- ਜਿਸ ਹਥਿਆਰ ਨਾਲ ਸੈਫ ਅਲੀ ਖਾਨ 'ਤੇ ਹਮਲਾ ਕੀਤਾ ਗਿਆ ਸੀ, ਉਸ ਦੀ ਤਸਵੀਰ ਸਾਹਮਣੇ ਆਈ ਹੈ। ਲੀਲਾਵਤੀ ਹਸਪਤਾਲ ਦੇ ਡਾਕਟਰਾਂ ਨੇ ਸਰਜਰੀ ਦੌਰਾਨ ਸੈਫ ਦੀ ਰੀੜ੍ਹ ਦੀ ਹੱਡੀ ਤੋਂ ਹਥਿਆਰ ਦਾ ਇੱਕ ਟੁਕੜਾ ਕੱਢਿਆ ਹੈ। ਇਹ ਹਥਿਆਰ ਚਾਕੂ ਵਰਗਾ ਲੱਗਦਾ ਹੈ। ਜਦਕਿ ਉਸ ਦੇ ਛੋਟੇ ਪੁੱਤਰ ਦੇ ਦੇਖਭਾਲ ਕਰਨ ਵਾਲੀ ਮੇਡ ਨੇ ਪੁਲਸ ਨੂੰ ਦਿੱਤੇ ਆਪਣੇ ਬਿਆਨ 'ਚ ਕਿਹਾ ਸੀ ਕਿ ਹਮਲਾਵਰ ਹੈਕਸਾ ਬਲੇਡ ਵਰਗਾ ਹਥਿਆਰ ਲੈ ਕੇ ਜਾ ਰਿਹਾ ਸੀ ਪਰ ਇਹ ਹਥਿਆਰ ਬਿਲਕੁਲ ਚਾਕੂ ਵਰਗਾ ਲੱਗਦਾ ਹੈ। ਇਸ ਦੀ ਤਸਵੀਰ ਹਸਪਤਾਲ ਵੱਲੋਂ ਜਾਰੀ ਕੀਤੀ ਗਈ ਹੈ।ਇਹ ਚਾਕੂ ਲਗਭਗ ਢਾਈ ਇੰਚ ਲੰਬਾ ਹੈ, ਜਿਸ ਨੂੰ ਡਾਕਟਰ ਨੇ ਸੈਫ ਦੀ ਰੀੜ੍ਹ ਦੀ ਹੱਡੀ ਤੋਂ ਕੱਢ ਦਿੱਤਾ ਹੈ। ਡਾਕਟਰ ਨੇ ਕਿਹਾ ਕਿ ਜੇਕਰ ਇਹ ਟੁਕੜਾ ਦੋ ਮਿਲੀਮੀਟਰ ਹੋਰ ਅੰਦਰ ਚਲਾ ਜਾਂਦਾ, ਤਾਂ ਸੱਟ ਹੋਰ ਡੂੰਘੀ ਹੋ ਸਕਦੀ ਸੀ। ਸੈਫ ਦੀ ਸਿਹਤ ਪਹਿਲਾਂ ਨਾਲੋਂ ਬਿਹਤਰ ਹੈ। ਉਸ ਨੂੰ ਹੁਣ ਆਈ.ਸੀ.ਯੂ. ਤੋਂ ਇੱਕ ਵਿਸ਼ੇਸ਼ ਕਮਰੇ 'ਚ ਤਬਦੀਲ ਕਰ ਦਿੱਤਾ ਗਿਆ ਹੈ। ਉਸ ਦੀ ਸਿਹਤਯਾਬੀ 'ਚ ਲਗਭਗ ਇੱਕ ਹਫ਼ਤਾ ਲੱਗ ਸਕਦਾ ਹੈ।
ਇਹ ਵੀ ਪੜ੍ਹੋ-'ਰਾਇਲ ਕਿੰਗਜ਼ ਪੰਜਾਬ' ਦੇ ਬ੍ਰਾਂਡ ਅੰਬੈਸਡਰ ਬਣੇ ਗੁਰਪ੍ਰੀਤ ਘੁੱਗੀ
ਸੈਫ 'ਤੇ ਚਾਕੂ ਨਾਲ ਹੋਇਆ ਹਮਲਾ
ਸੈਫ 'ਤੇ ਚਾਕੂ ਨਾਲ ਹਮਲਾ ਕੀਤਾ ਗਿਆ। ਚਾਕੂ ਸਾਫ਼ ਦਿਖਾਈ ਦੇ ਰਿਹਾ ਹੈ। ਜਦਕਿ ਸੈਫ ਦੀ ਮੇਡ ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਅਣਪਛਾਤੇ ਦੋਸ਼ੀ ਨੇ ਸੈਫ 'ਤੇ ਹੈਕਸਾ ਬਲੇਡ ਵਰਗੇ ਹਥਿਆਰ ਨਾਲ ਹਮਲਾ ਕੀਤਾ ਸੀ। ਹਾਲਾਂਕਿ, ਪੁਲਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਇਹ ਵੀ ਪੜ੍ਹੋ-ਸ਼ਾਹਰੁਖ ਸੀ ਨਿਸ਼ਾਨਾ! ਸੈਫ ਬਣੇ ਸ਼ਿਕਾਰ
ਸੈਫ ਨੂੰ ਇਸ ਵੇਲੇ ਬੈੱਡ ਰੈਸਟ ਦੀ ਹੈ ਲੋੜ -ਡਾਕਟਰ
ਲੀਲਾਵਤੀ ਹਸਪਤਾਲ ਵੱਲੋਂ ਜਾਰੀ ਸਿਹਤ ਬੁਲੇਟਿਨ ਅਨੁਸਾਰ, ਸੈਫ ਅਲੀ ਖਾਨ ਦੀ ਹਾਲਤ ਹੁਣ ਸਥਿਰ ਹੈ। ਹੁਣ ਉਹ ਆਪਣੇ ਆਪ ਤੁਰਨ-ਫਿਰਨ ਦੇ ਯੋਗ ਹੈ। ਉਸ ਨੂੰ ਜ਼ਿਆਦਾ ਹਿੱਲਣ-ਜੁੱਲਣ ਦੀ ਇਜਾਜ਼ਤ ਨਹੀਂ ਹੈ। ਹਾਲਾਂਕਿ, ਉਸ ਨੂੰ ਪੂਰੀ ਤਰ੍ਹਾਂ ਠੀਕ ਹੋਣ ਵਿੱਚ ਸਮਾਂ ਲੱਗੇਗਾ। ਇਸ ਵੇਲੇ ਉਸ ਨੂੰ ਆਰਾਮ ਦੀ ਲੋੜ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੈਫ ਅਲੀ ਖਾਨ 'ਤੇ ਹੋਏ ਹਮਲੇ 'ਤੇ ਆਇਆ ਸ਼ਾਹਿਦ ਕਪੂਰ ਦਾ ਬਿਆਨ
NEXT STORY 
