ਮੁੰਬਈ (ਏਜੰਸੀ)- ਬਾਲੀਵੁੱਡ ਫਿਲਮ ਨਿਰਮਾਤਾ ਵਿਵੇਕ ਰੰਜਨ ਅਗਨੀਹੋਤਰੀ ਦੀ ਆਉਣ ਵਾਲੀ ਫਿਲਮ ਦਿ ਬੰਗਾਲ ਫਾਈਲਜ਼ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਵਿਵੇਕ ਰੰਜਨ ਅਗਨੀਹੋਤਰੀ, ਜੋ ਆਪਣੀਆਂ ਬੇਬਾਕ ਕਹਾਣੀਆਂ ਅਤੇ ਦਮਦਾਰ ਫਿਲਮਾਂ ਲਈ ਜਾਣੇ ਜਾਂਦੇ ਹਨ, ਹੁਣ 'ਦਿ ਬੰਗਾਲ ਫਾਈਲਜ਼: ਰਾਈਟ ਟੂ ਲਾਈਫ' ਲੈ ਕੇ ਆ ਰਹੇ ਹਨ। ਇਸ ਤੋਂ ਪਹਿਲਾਂ, ਉਹ ਦਿ ਤਾਸ਼ਕੰਦ ਫਾਈਲਜ਼ ਅਤੇ ਦਿ ਕਸ਼ਮੀਰ ਫਾਈਲਜ਼ ਵਰਗੀਆਂ ਫਿਲਮਾਂ ਦੇ ਚੁੱਕੇ ਹਨ। ਇਹ ਫਿਲਮ ਪਹਿਲਾਂ ਦਿ ਦਿੱਲੀ ਫਾਈਲਜ਼ ਦੇ ਨਾਮ ਹੇਠ ਬਣਾਈ ਜਾ ਰਹੀ ਸੀ, ਪਰ ਹੁਣ ਇਸਦਾ ਨਾਮ ਬਦਲ ਦਿੱਤਾ ਗਿਆ ਹੈ।
ਇਸ ਫਿਲਮ ਦਾ ਟੀਜ਼ਰ ਇੱਕ ਵਾਰ ਫਿਰ ਭਾਰਤ ਦੇ ਅਤੀਤ ਦੇ ਡਰਾਉਣੇ ਪਹਿਲੂ ਦੀ ਝਲਕ ਦਿੰਦਾ ਹੈ। ਦਿ ਬੰਗਾਲ ਫਾਈਲਜ਼ ਨੂੰ ਵਿਵੇਕ ਅਗਨੀਹੋਤਰੀ ਨੇ ਲਿਖਿਆ ਹੈ ਅਤੇ ਅਭਿਸ਼ੇਕ ਅਗਰਵਾਲ ਅਤੇ ਪੱਲਵੀ ਜੋਸ਼ੀ ਦੁਆਰਾ ਨਿਰਮਿਤ ਕੀਤਾ ਗਿਆ ਹੈ। ਇਸ ਫਿਲਮ ਵਿੱਚ ਮਿਥੁਨ ਚੱਕਰਵਰਤੀ, ਪੱਲਵੀ ਜੋਸ਼ੀ, ਅਨੁਪਮ ਖੇਰ ਅਤੇ ਦਰਸ਼ਨ ਕੁਮਾਰ ਵਰਗੇ ਅਦਾਕਾਰ ਨਜ਼ਰ ਆਉਣਗੇ। ਤੇਜ ਨਾਰਾਇਣ ਅਗਰਵਾਲ ਅਤੇ ਆਈ ਐੱਮ ਬੁੱਧਾ ਪ੍ਰੋਡਕਸ਼ਨ ਦੁਆਰਾ ਪੇਸ਼ ਕੀਤੀ ਗਈ ਇਹ ਫਿਲਮ ਵਿਵੇਕ ਦੀ ਫਾਈਲਜ਼ ਟ੍ਰਾਈਲੋਜੀ ਦਾ ਹਿੱਸਾ ਹੈ, ਜਿਸ ਵਿੱਚ ਦਿ ਕਸ਼ਮੀਰ ਫਾਈਲਜ਼ ਅਤੇ ਦਿ ਤਾਸ਼ਕੰਦ ਫਾਈਲਜ਼ ਸ਼ਾਮਲ ਹਨ। ਇਹ ਫਿਲਮ 5 ਸਤੰਬਰ 2025 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਅਨੰਨਿਆ ਪਾਂਡੇ ਨੇ ਕਰਵਾਈ ਲਿਪ ਸਰਜਰੀ? ਅਦਾਕਾਰਾ ਦੀਆਂ ਤਸਵੀਰਾਂ ਆਈਆਂ ਸਾਹਮਣੇ
NEXT STORY 
