ਨਵੀਂ ਦਿੱਲੀ : ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਆਪਣੇ ਬੇਬਾਕ ਅੰਦਾਜ਼ ਅਤੇ ਹਾਸੇ-ਮਜ਼ਾਕ ਲਈ ਜਾਣੀ ਜਾਂਦੀ ਹੈ, ਪਰ ਹਾਲ ਹੀ ਵਿੱਚ ਉਨ੍ਹਾਂ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਕਾਫੀ ਭਾਵੁਕ ਨਜ਼ਰ ਆ ਰਹੀ ਹੈ। ਭਾਰਤੀ ਨੇ ਰੋਂਦਿਆਂ ਹੋਇਆਂ ਇਹ ਕਹਿ ਦਿੱਤਾ ਕਿ ਉਹ ਰੱਬ ਦਾ ਸ਼ੁਕਰ ਮਨਾਉਂਦੀ ਹੈ ਕਿ ਉਸ ਦੇ ਧੀ ਨਹੀਂ ਹੋਈ, ਜਿਸ ਨੂੰ ਸੁਣ ਕੇ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਹੈਰਾਨ ਰਹਿ ਗਏ ਹਨ।
ਵੱਡੇ ਬੇਟੇ 'ਗੋਲੇ' ਦੀ ਗੱਲ ਸੁਣ ਭਾਵੁਕ ਹੋਈ ਭਾਰਤੀ
ਦਰਅਸਲ, ਇਹ ਸਾਰਾ ਮਾਮਲਾ ਭਾਰਤੀ ਦੇ ਇੱਕ ਵਲੌਗ ਤੋਂ ਸ਼ੁਰੂ ਹੋਇਆ। ਵਲੌਗ ਵਿੱਚ ਭਾਰਤੀ ਦਾ ਵੱਡਾ ਬੇਟਾ ਲਕਸ਼ਿਆ (ਗੋਲਾ) ਮਜ਼ਾਕ ਵਿੱਚ ਕਹਿੰਦਾ ਹੈ ਕਿ ਉਹ ਘਰ ਛੱਡ ਕੇ ਜਾ ਰਿਹਾ ਹੈ ਅਤੇ ਆਪਣਾ ਬੈਗ ਪੈਕ ਕਰਨ ਲੱਗਦਾ ਹੈ। ਬੇਟੇ ਦੇ ਮੂੰਹੋਂ ਇਹ ਗੱਲ ਸੁਣ ਕੇ ਭਾਰਤੀ ਇੰਨੀ ਭਾਵੁਕ ਹੋ ਜਾਂਦੀ ਹੈ ਕਿ ਉਸ ਦੀਆਂ ਅੱਖਾਂ ਵਿੱਚ ਹੰਝੂ ਆ ਜਾਂਦੇ ਹਨ। ਉਸ ਨੇ ਕਿਹਾ ਕਿ ਜੇਕਰ ਬੇਟੇ ਦੀ ਇਹ ਗੱਲ ਸੁਣ ਕੇ ਉਸ ਦਾ ਇਹ ਹਾਲ ਹੈ, ਤਾਂ ਉਹ ਧੀ ਦੀ ਜੁਦਾਈ ਦਾ ਗ਼ਮ ਕਦੇ ਨਹੀਂ ਸਹਿ ਪਾਉਂਦੀ।
ਧੀਆਂ ਦੇ ਮਾਪਿਆਂ ਨੂੰ ਕੀਤਾ ਸਲਾਮ
ਭਾਰਤੀ ਨੇ ਨਮ ਅੱਖਾਂ ਨਾਲ ਕਿਹਾ, "ਅਜਿਹਾ ਲੱਗਦਾ ਹੈ ਕਿ ਸ਼ੁਕਰ ਹੈ ਭਗਵਾਨ ਦਾ ਜੋ ਧੀ ਨਹੀਂ ਹੈ, ਨਹੀਂ ਤਾਂ ਮੈਂ ਤਾਂ ਮਰ ਹੀ ਜਾਂਦੀ। ਇਹ ਸੋਚ ਕੇ ਕਿ ਇਸ ਨੂੰ ਪਾਲ-ਪੋਸ ਕੇ ਵੱਡਾ ਕਰਕੇ ਇਸ ਦਾ ਵਿਆਹ ਕਰ ਦੇਣਾ ਹੈ"। ਉਸ ਨੇ ਅੱਗੇ ਕਿਹਾ ਕਿ ਉਹ ਮਾਂ-ਬਾਪ ਧੰਨ ਹਨ ਜੋ ਆਪਣੀਆਂ ਧੀਆਂ ਨੂੰ ਪੜ੍ਹਾ-ਲਿਖਾ ਕੇ ਅਤੇ ਸੰਸਕਾਰੀ ਬਣਾ ਕੇ ਦਿਲ 'ਤੇ ਪੱਥਰ ਰੱਖ ਕੇ ਉਨ੍ਹਾਂ ਨੂੰ ਵਿਦਾ ਕਰ ਦਿੰਦੇ ਹਨ।
ਦੂਜੇ ਬੇਟੇ 'ਕਾਜੂ' ਦੇ ਜਨਮ ਤੋਂ ਬਾਅਦ ਚਰਚਾ 'ਚ ਭਾਰਤੀ
ਜ਼ਿਕਰਯੋਗ ਹੈ ਕਿ ਭਾਰਤੀ ਸਿੰਘ ਨੇ ਬੀਤੀ 19 ਦਸੰਬਰ ਨੂੰ ਆਪਣੇ ਦੂਜੇ ਬੇਟੇ 'ਕਾਜੂ' ਨੂੰ ਜਨਮ ਦਿੱਤਾ ਹੈ। ਹਾਲਾਂਕਿ ਭਾਰਤੀ ਹਮੇਸ਼ਾ ਤੋਂ ਇੱਕ ਧੀ ਚਾਹੁੰਦੀ ਸੀ, ਪਰ ਹੁਣ ਬੇਟੇ ਦੀ ਜੁਦਾਈ ਦੇ ਖਿਆਲ ਨੇ ਉਸ ਦੀ ਸੋਚ ਬਦਲ ਦਿੱਤੀ ਹੈ।
ਸੋਸ਼ਲ ਮੀਡੀਆ 'ਤੇ ਮਿਲੀ-ਜੁਲੀ ਪ੍ਰਤੀਕਿਰਿਆ
ਭਾਰਤੀ ਦੀ ਇਸ ਵੀਡੀਓ 'ਤੇ ਲੋਕ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਕੁਝ ਪ੍ਰਸ਼ੰਸਕ ਭਾਰਤੀ ਦੇ ਪਿਆਰ ਨੂੰ ਦੇਖ ਕੇ ਭਾਵੁਕ ਹੋ ਰਹੇ ਹਨ।
ਗੁਰਦਾਸ ਮਾਨ ਨੇ ਦੇਸ਼-ਵਿਦੇਸ਼ ਦੇ ਪੰਜਾਬੀਆਂ ਨੂੰ ਦਿੱਤੀ ਲੋਹੜੀ ਦੀ ਵਧਾਈ
NEXT STORY 
