ਗੈਜੇਟ ਡੈਸਕ - ਭਾਰਤ ਦੀ ਸਰਕਾਰੀ ਟੈਲੀਕਾਮ ਕੰਪਨੀ BSNL (ਭਾਰਤ ਸੰਚਾਰ ਨਿਗਮ ਲਿਮਿਟੇਡ) ਦੇਸ਼ ਭਰ ਵਿੱਚ 4ਜੀ ਨੈੱਟਵਰਕ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। ਇਸ ਦੇ ਲਈ ਕੰਪਨੀ ਨੇ ਤੇਜ਼ੀ ਨਾਲ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਕੰਪਨੀ ਭਵਿੱਖ ਵਿੱਚ ਇਸ ਨੈੱਟਵਰਕ ਨੂੰ 5ਜੀ ਵਿੱਚ ਅਪਗ੍ਰੇਡ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਪ੍ਰੋਜੈਕਟ ਨੂੰ ਸਫਲ ਬਣਾਉਣ ਲਈ, BSNL ਨੇ ਟਾਟਾ ਗਰੁੱਪ ਦੀ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (TCS) ਨਾਲ ਸਾਂਝੇਦਾਰੀ ਕੀਤੀ ਹੈ। ਰਿਪੋਰਟਾਂ ਮੁਤਾਬਕ, BSNL ਦਾ 4G ਨੈੱਟਵਰਕ ਮਈ 2025 ਤੱਕ ਪੂਰੀ ਤਰ੍ਹਾਂ ਨਾਲ ਚਾਲੂ ਹੋ ਜਾਵੇਗਾ। ਅਜਿਹੇ 'ਚ ਜਿਓ ਅਤੇ ਏਅਰਟੈੱਲ ਦੀਆਂ ਮੁਸ਼ਕਲਾਂ ਵਧ ਸਕਦੀਆਂ ਹਨ। ਆਓ ਜਾਣਦੇ ਹਾਂ ਇਸ ਬਾਰੇ।
BSNL ਅਤੇ TCS ਦੀ ਪਾਰਟਨਰਸ਼ਿੱਪ
BSNL ਨੇ ਆਪਣੇ 4G ਨੈੱਟਵਰਕ ਨੂੰ ਦੇਸ਼ ਦੇ ਹਰ ਕੋਨੇ ਤੱਕ ਪਹੁੰਚਾਉਣ ਲਈ TCS ਨਾਲ ਸਾਂਝੇਦਾਰੀ ਕੀਤੀ ਹੈ। ਮੀਡੀਆ ਰਿਪੋਰਟਾਂ ਵਿੱਚ ਸਾਹਮਣੇ ਆਇਆ ਹੈ ਕਿ BSNL ਨੇ ਆਪਣੀਆਂ ਸਾਈਟਾਂ ਅਤੇ ਫ੍ਰੀਕੁਐਂਸੀ ਬੈਂਡਾਂ ਦੀ ਪਛਾਣ ਕਰ ਲਈ ਹੈ, ਜਿਸ ਤੋਂ ਬਾਅਦ ਇਸਨੂੰ 5G ਵਿੱਚ ਅਪਗ੍ਰੇਡ ਕੀਤਾ ਜਾਵੇਗਾ। ਟੀ.ਸੀ.ਐਸ. ਇਸ ਪ੍ਰੋਜੈਕਟ ਵਿੱਚ ਸਲਾਹਕਾਰ ਵਜੋਂ ਕੰਮ ਕਰੇਗੀ। ਕੰਪਨੀ BSNL ਦੇ ਨੈੱਟਵਰਕ ਵਿੱਚ TCS ਦੇ ਰੇਡੀਓ ਡਿਵਾਈਸ ਨੂੰ ਇੰਸਟਾਲ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਜਿਸ ਨੂੰ ਬਾਅਦ ਵਿੱਚ ਸਾਫਟਵੇਅਰ ਅੱਪਗ੍ਰੇਡ ਦੀ ਮਦਦ ਨਾਲ 5G ਵਿੱਚ ਬਦਲਿਆ ਜਾ ਸਕਦਾ ਹੈ।
BSNL ਦਾ ਮੌਜੂਦਾ ਨੈੱਟਵਰਕ ਅਧਾਰ
BSNL ਦਾ ਕੋਰ ਨੈੱਟਵਰਕ ਸੈਂਟਰ ਫਾਰ ਡਿਵੈਲਪਮੈਂਟ ਆਫ ਟੈਲੀਮੈਟਿਕਸ (C-DoT), ਭਾਰਤ ਸਰਕਾਰ ਦੁਆਰਾ ਵਿਕਸਤ ਕੀਤਾ ਗਿਆ ਹੈ, ਜੋ ਪਹਿਲਾਂ ਹੀ 5G ਗੈਰ-ਸਟੈਂਡਅਲੋਨ (NSA) ਮੋਡ ਦਾ ਸਮਰਥਨ ਕਰਦਾ ਹੈ। BSNL ਕੋਲ 700 MHz, 900 MHz, 2100 MHz, 2500 MHz ਅਤੇ 3500 MHz ਸਪੈਕਟ੍ਰਮ ਬੈਂਡਾਂ ਵਿੱਚ ਲਾਇਸੰਸ ਹਨ। ਕੰਪਨੀ ਦੀ ਯੋਜਨਾ ਹੈ ਕਿ C-DoT ਅਤੇ Tata ਦੀ ਕੰਪਨੀ Tejas Networks ਮਿਲ ਕੇ ਦੇਸ਼ ਭਰ ਵਿੱਚ 100,000 4G ਸਾਈਟਾਂ ਨੂੰ ਸਥਾਪਿਤ ਕਰੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਤੱਕ BSNL 65,000 ਤੋਂ ਜ਼ਿਆਦਾ ਸਾਈਟਾਂ ਨੂੰ ਐਕਟੀਵੇਟ ਕਰ ਚੁੱਕਾ ਹੈ।
ਗਾਹਕਾਂ ਦੀਆਂ ਲੱਗਣਗੀਆਂ ਮੌਜਾਂ, ਇਸ ਫੋਨ ਨਾਲ ਫ੍ਰੀ ਮਿਲੇਗਾ YouTube Premium ਦਾ ਸਬਸਕ੍ਰਿਪਸ਼ਨ
NEXT STORY 
