ਗੈਜੇਟ ਡੈਸਕ– ਐਲੋਨ ਮਸਕ ਦੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਸਟਾਰਟਅੱਪ xAI ਨੂੰ ਉਸ ਦੇ ਸੋਸ਼ਲ ਮੀਡੀਆ ਪਲੇਟਫਾਰਮ X ’ਚ ਜੋੜਿਆ ਜਾਵੇਗਾ ਤੇ ਇਕ ਵੱਖਰੀ ਐਪ ਦੇ ਤੌਰ ’ਤੇ ਵੀ ਉਪਲੱਬਧ ਹੋਵੇਗਾ। ਇਹ ਜਾਣਕਾਰੀ ਮਸਕ ਨੇ ਐਤਵਾਰ ਨੂੰ ਇਕ ਪੋਸਟ ਰਾਹੀਂ ਦਿੱਤੀ।
ਅਰਬਪਤੀ ਨੇ ਇਹ ਵੀ ਕਿਹਾ ਕਿ xAI ਨੇ ਸ਼ੁੱਕਰਵਾਰ ਨੂੰ ਸਾਰੇ X ਪ੍ਰੀਮੀਅਮ ਪਲੱਸ ਸਬਸਕ੍ਰਾਈਬਰਸ ਲਈ ਉਪਲੱਬਧ ਕਰਵਾਉਣ ਤੋਂ ਬਾਅਦ ਆਪਣਾ ਪਹਿਲਾ AI ਮਾਡਲ Grok ਨਾਂ ਦਾ ਇਕ ਬੋਟ ਜਾਰੀ ਕੀਤਾ।
ਸਟਾਰਟਅੱਪ ਦਾ ਉਦੇਸ਼ AI ਟੂਲ ਬਣਾਉਣਾ ਹੈ, ਜੋ ‘ਸਮਝ ਤੇ ਗਿਆਨ ਦੀ ਖੋਜ ’ਚ ਮਨੁੱਖਤਾ ਦੀ ਮਦਦ ਕਰਦੇ ਹਨ’ ਤੇ Grok ਨੂੰ ਥੋੜ੍ਹੀ ਸਮਝਦਾਰੀ ਨਾਲ ਸਵਾਲਾਂ ਦੇ ਜਵਾਬ ਦੇਣ ਲਈ ਤਿਆਰ ਕੀਤਾ ਗਿਆ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਵਿਰਾਟ ਦੇ 49ਵੇਂ ਸੈਂਕੜੇ 'ਤੇ Elon Musk ਨੇ ਬਦਲ ਦਿੱਤਾ Like Button!, ਤੁਸੀਂ ਵੀ ਕਰੋ Try
ਮਸਕ, ਜਿਸ ਨੇ ਬਿਗ ਟੈੱਕ ਦੇ AI ਯਤਨਾਂ ਦੀ ਸੈਂਸਰਸ਼ਿਪ ਨਾਲ ਪ੍ਰਭਾਵਿਤ ਹੋਣ ਦੀ ਆਲੋਚਨਾ ਕੀਤੀ ਹੈ, ਨੇ ਜੁਲਾਈ ’ਚ xAI ਨੂੰ ਲਾਂਚ ਕੀਤਾ, ਇਸ ਨੂੰ ‘ਵੱਧ ਤੋਂ ਵੱਧ ਸੱਚਾਈ ਦੀ ਖੋਜ ਕਰਨ ਵਾਲਾ AI’ ਕਿਹਾ, ਜੋ ਕਿ ਗੂਗਲ ਦੇ ਬਾਰਡ ਤੇ ਮਾਈਕ੍ਰੋਸਾਫਟ ਦੇ ਬਿੰਗ AI ਦਾ ਮੁਕਾਬਲਾ ਕਰਨ ਲਈ ਬ੍ਰਹਿਮੰਡ ਦੀ ਪ੍ਰਕਿਰਤੀ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਦਾ ਹੈ।
ਮਸਕ ਨੇ ਕਿਹਾ, ‘‘Grok ਕੋਲ X ਪਲੇਟਫਾਰਮ ਦੁਆਰਾ ਜਾਣਕਾਰੀ ਤੱਕ ਰੀਅਲ-ਟਾਈਮ ਪਹੁੰਚ ਹੈ, ਜੋ ਕਿ ਦੂਜੇ ਮਾਡਲਾਂ ਨਾਲੋਂ ਇਕ ਵੱਡਾ ਫ਼ਾਇਦਾ ਹੈ।’’
ਸੋਸ਼ਲ ਮੀਡੀਆ ਫਰਮ X, ਜੋ ਪਹਿਲਾਂ ਟਵਿਟਰ ਵਜੋਂ ਜਾਣੀ ਜਾਂਦੀ ਸੀ, ਜਿਸ ਦੀ ਮਾਲਕੀ ਮਸਕ ਕੋਲ ਹੈ, xAI ਤੋਂ ਵੱਖਰੀ ਹੈ ਪਰ ਕੰਪਨੀਆਂ ਮਿਲ ਕੇ ਕੰਮ ਕਰਦੀਆਂ ਹਨ। xAI ਆਪਣੀ ਇਲੈਕਟ੍ਰਿਕ ਕਾਰ ਨਿਰਮਾਤਾ ਕੰਪਨੀ ਟੇਸਲਾ ਤੇ ਹੋਰ ਕੰਪਨੀਆਂ ਨਾਲ ਵੀ ਕੰਮ ਕਰਦਾ ਹੈ।
ਪਿਛਲੇ ਹਫ਼ਤੇ ਮਸਕ ਨੇ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੂੰ ਕਿਹਾ ਕਿ ਉਹ ਸੋਚਦਾ ਹੈ ਕਿ AI ਇਤਿਹਾਸ ਦੀ ਸਭ ਤੋਂ ਵਿਘਨਕਾਰੀ ਸ਼ਕਤੀ ਸੀ। ਟੈਕਨਾਲੋਜੀ ਸਭ ਕੁਝ ਕਰਨ ਤੇ ਰੁਜ਼ਗਾਰ ਬਣਾਉਣ ਦੇ ਯੋਗ ਹੋਵੇਗੀ, ਜਿਵੇਂ ਕਿ ਅਸੀਂ ਜਾਣਦੇ ਹਾਂ ਕਿ ਇਹ ਬੀਤੇ ਸਮੇਂ ਦੀ ਗੱਲ ਹੈ।
2015 ’ਚ ਮਸਕ ਨੇ ChatGPT ਦੇ ਪਿੱਛੇ ਵਾਲੀ ਕੰਪਨੀ OpenAI ਦੀ ਸਹਿ-ਸਥਾਪਨਾ ਕੀਤੀ, ਜਿਸ ਨੇ ਦੁਨੀਆ ਭਰ ’ਚ ਜਨਰੇਟਿਵ AI ਟੈਕਨਾਲੋਜੀ ਲਈ ਇਕ ਜਨੂੰਨ ਪੈਦਾ ਕੀਤਾ ਹੈ ਪਰ 2018 ’ਚ ਉਹ ਬੋਰਡ ਤੋਂ ਹੱਟ ਗਏ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਵਿਰਾਟ ਦੇ 49ਵੇਂ ਸੈਂਕੜੇ 'ਤੇ Elon Musk ਨੇ ਬਦਲ ਦਿੱਤਾ Like Button!, ਤੁਸੀਂ ਵੀ ਕਰੋ Try
NEXT STORY