ਜਲੰਧਰ- ਰਿਲਾਇੰਸ ਜੀਓ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਜਲਦੀ ਹੀ ਰਿਲਾਇੰਸ ਜੀਓ ਦੇ 4G ਫੀਚਰਜ਼ ਫੋਨ ਮਾਰਕੀਟ 'ਚ ਉਤਾਰਨ ਦੀ ਤਿਆਰੀ ਕਰ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਜੀਓ ਦੇ ਫੀਚਰਜ਼ ਫੋਨ ਆਉਣ ਨਾਲ ਸਮਾਰਟਫੋਨ ਖਰੀਦਣ ਵਾਲੇ ਯੂਜ਼ਰਸ ਦੀ ਗਿਣਤੀ 'ਚ ਕਮੀਂ ਆਉਣ ਦੀ ਉਮੀਦ ਹੈ। ਇਸ ਤੋਂ ਪਹਿਲਾਂ 2016 'ਚ ਵੀ ਕਈ ਕਾਰਨਾਂ ਦੇ ਚੱਲਦੇ ਸਮਾਰਟਫੋਨ ਦੀ ਵਿਕਰੀ 'ਚ ਕਮੀਂ ਆਈ ਸੀ। ਬਰੋਕਰੇਜ਼ ਫਰਮ ਜੇ.ਪੀ. ਮਾਰਗਨ ਨੇ ਇਕ ਰਿਪੋਰਟ 'ਚ ਦੱਸਿਆ ਹੈ ਕਿ ਸਾਲ ਦੇ ਚੌਥੇ ਕੁਆਟਰ 'ਚ ਸਮਾਰਨਫੋਨ ਦੀ ਸ਼ਿਪਮੈਂਟ ਕੁਆਟਰ-ਦਰ-ਕੁਆਟਰ ਦੇ ਆਧਾਰ 'ਤੇ 20 ਤੋਂ 25 ਫੀਸਦੀ ਅਤੇ ਸਾਲਾਨਾ ਅਧਾਰ 'ਤੇ 2 ਫੀਸਦੀ ਡਿੱਗ ਸਕਦੀ ਹੈ। ਇਸ ਨਾਲ 2016 'ਚ ਸਮਾਰਟਫੋਨ ਦੀ ਕੁੱਲ ਸ਼ਿਪਮੈਂਟ 10.8 ਕਰੋੜ ਯੂਨਿਟ ਰਹਿ ਸਕਦੀ ਹੈ। ਸਮਾਰਟਫੋਨ ਦੀ ਸੇਲ 'ਤੇ ਨੋਟਬੰਦੀ ਦਾ ਬਹੁਤ ਅਸਰ ਪਿਆ ਹੈ।
ਮਾਈਕ੍ਰੋਮੈਕਸ ਦੇ ਚੀਫ ਮਾਰਕੀਟਿੰਗ ਅਧਿਕਾਰੀ ਸ਼ੁਭਜੀਤ ਸੇਨ ਨੇ ਬਰੋਕਰੇਜ਼ ਫਰਮ ਜੇ.ਪੀ. ਮਾਰਗਨ ਦੀ ਇਸ ਰਿਪੋਰਟ 'ਤੇ ਆਪਣੀ ਸਹਿਮਤੀ ਜਤਾਈ ਹੈ। ਉਨ੍ਹਾਂ ਕਿਹਾ ਹੈ ਕਿ ਜੀਓ ਦੇ 4G ਫੀਚਰਜ਼ ਫੋਨ ਦਾ ਸਮਾਰਟਫੋਨ ਦੇ ਵਾਧੇ 'ਤੇ ਅਸਰ ਪੈ ਸਕਦਾ ਹੈ।
ਹਾਲਾਂਕਿ, ਇਹ ਵੀ ਸਾਫ ਕਿਹਾ ਗਿਆ ਹੈ ਕਿ ਜੋ ਲੋਕ ਫੀਚਰਜ਼ ਫੋਨ ਤੋਂ ਬਾਅਦ ਸਮਾਰਟਫੋਨ ਦੀ ਵਰਤੋਂ ਕਰਦੇ ਹਨ, ਉਨ੍ਹਾਂ ਦੀ ਗਿਣਤੀ 'ਚ ਸਥਾਈ ਤੌਰ 'ਤੇ ਅਸਰ ਪੈ ਸਕਦਾ ਹੈ।
ਇਸ ਤੋਂ ਪਹਿਲਾਂ ਰਿਲਾਇੰਸ ਜੀਓ ਦੇ ਪਹਿਲੇ 4G ਫੀਚਰਜ਼ ਫੋਨ ਦੀ ਤਸਵੀਰ ਸਾਹਮਣੇ ਆਈ ਸੀ। ਇਸ 'ਚ Myjio , jio Live TV, jio Video ਅਤੇ jio Music ਦੀਆਂ ਸ਼ਾਰਟਕਟ ਕੀਜ਼ ਦਿੱਤੀਆਂ ਗਈਆਂ ਹਨ। ਫੋਨ 'ਚ ਟੀ9 ਕੀ-ਪੈਡ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਇਸ 'ਚ ਟਾਰਚਲਾਈਟ ਵੀ ਦਿੱਤੀ ਗਈ ਹੈ। ਇਸ ਫੋਨ ਦਾ ਨਿਰਮਾਣ ਕਿਸ ਕੰਪਨੀ ਨੇ ਕੀਤਾ ਹੈ, ਇਸ ਦਾ ਪਤਾ ਫਿਲਹਾਲ ਨਹੀਂ ਲੱਗ ਰਿਹਾ। ਇਸ ਦੇ ਨਾਲ ਹੀ ਸਪੈਸੀਫਿਕੇਸ਼ਨ ਦੀ ਜਾਣਕਾਰੀ ਵੀ ਨਹੀਂ ਮਿਲ ਰਹੀ ਹੈ।
ਤਾਜ਼ਾ ਰਿਪੋਰਟ ਮੁਤਾਬਿਕ, ਜੀਓ ਜਲਦੀ ਹੀ 999 ਰੁਪਏ 'ਚ ਸ਼ੁਰੂ ਹੋਣ ਵਾਲੇ 4G VoLTE ਫੀਚਰਜ਼ ਫੋਨ ਨੂੰ ਲਾਂਚ ਕਰਨ ਵਾਲੀ ਹੈ। ਇਹ ਫੋਨ ਐਂਡਰਾਇਡ ਆਪਰੇਟਿੰਗ ਸਿਸਟਮ 'ਤੇ ਕੰਮ ਕਰੇਗਾ।
ਸਮਾਰਟਫੋਨ 'ਚ ਬਿਨਾਂ ਕਿਸੇ ਐਪ ਦੇ ਇਸ ਤਰ੍ਹਾਂ HIDE ਕਰੋ ਆਪਣਾ ਪਰਸਨਲ ਡਾਟਾ
NEXT STORY 
