ਜਲੰਧਰ- ਸੈਮਸੰਗ ਦੇ ਸਮਾਰਟਫੋਨ ਤੋਂ ਇਲਾਵਾ ਕੰਪਨੀ ਦੇ ਖੁਦ ਦੇ ਪ੍ਰੋਸੈਸਰ Exynos 7872 ਬਾਰੇ ਕਾਫੀ ਸਮੇਂ ਤੋਂ ਜਾਣਕਾਰੀ ਸਾਹਮਣੇ ਆ ਰਹੀ ਹੈ। ਇਸ ਪ੍ਰੋਸੈਸਰ ਨੂੰ ਲੈ ਕੇ ਕਿਹਾ ਜਾ ਰਿਹਾ ਹੈ ਕਿ ਇਹ ਚਿੱਪਸੈੱਟ 14nm ਡਿਜ਼ਾਇਨ ਦੇ ਨਾਲ ਬਣਿਆ ਹੋਵੇਗਾ ਅਤੇ ਸੈਮਸੰਗ ਦੇ ਐਂਟਰੀ ਲੈਵਲ ਫੋਨ ਲਈ ਪੇਸ਼ ਕੀਤਾ ਜਾ ਸਕਦਾ ਹੈ। ਸੈਮਸੰਗ ਤੋਂ ਇਲਾਵਾ ਕਈ ਹੋਰ ਦੂਜੀਆਂ ਕੰਪਨੀਆਂ ਹਨ ਜੋ ਸਮਾਰਟਫੋਨ ਨਿਰਮਾਣ ਦੇ ਨਾਲ ਹੀ ਆਪਣਾ ਖੁਦ ਦਾ ਪ੍ਰੋਸੈਸਰ ਫੋਨ 'ਚ ਉਪਲੱਬਧ ਕਰ ਰਹੀਆਂ ਹਨ।
ਹੁਣ Exynos 7872 ਪ੍ਰੋਸੈਸਰ ਨੂੰ ਬਲੂਟੁਥ S97 ਵੈੱਬਸਾਈਟ 'ਤੇ ਲਿਸਟ ਕੀਤਾ ਗਿਆ ਹੈ। ਜਾਣਕਾਰੀ ਮੁਤਾਬਕ Exynos 7872 ਨੂੰ ਬਲੂਟੁਥ 4.2 ਤੋਂ ਸਰਟੀਫਿਕੇਸ਼ਨ ਪ੍ਰਾਪਤ ਹੋਇਆ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਕੰਪਨੀ ਇਸ ਪ੍ਰੋਸੈਸਰ ਨੂੰ ਜਲਦੀ ਹੀ ਕਿਸੇ ਫੋਨ ਦੇ ਨਾਲ ਬਾਜ਼ਾਰ 'ਚ ਪੇਸ਼ ਕਰ ਸਕਦੀ ਹੈ।
ਇਸ ਤੋਂ ਪਹਿਲਾਂ ਸਾਹਮਣੇ ਆਈ ਰਿਪੋਰਟ ਮੁਤਾਬਕ Exynos 7872 'ਚ ਸਿਕਸ ਕੋਰ-ਟੂ ਕੋਰਟੈਕਸ-ਏ73 ਕੋਰ ਅਤੇ ਚਾਰ ਕੋਰਟੈਕਸ-ਏ53 ਕੋਰ ਹੋਣਗੇ ਅਤੇ ਇਸ ਵਿਚ Mali G71 ਜੀ.ਪੀ.ਯੂ. ਹੋਵੇਗਾ। ਇਸ ਦੇ ਨਾਲ ਹੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਸੈਮਸੰਗ ਦੇ ਆਉਣ ਵਾਲੇ ਸਮਾਰਟਫੋਨ ਗਲੈਕਸੀ ਏ3 (2018) 'ਚ ਇਸ ਨੂੰ ਪੇਸ਼ ਕੀਤਾ ਜਾਵੇਗਾ।
ਕੁਝ ਸਮਾਂ ਪਹਿਲਾਂ ਖਬਰ ਆਈ ਸੀ ਕਿ ਕੰਪਨੀ ਆਪਣੀ ਮਿਡ-ਰੇਂਜ ਚਿੱਪਸੈੱਟ 'ਤੇ ਕੰਮ ਕਰ ਰਹੀ ਹੈ, ਜਿਸ ਨੂੰ Exynos 9610 ਕਿਹਾ ਜਾ ਸਕਦਾ ਹੈ। ਉਥੇ ਹੀ ਕੰਪਨੀ ਨੇ ਹਾਲ ਹੀ 'ਚ ਲਾਂਚ ਹੋਏ ਗਲੈਕਸੀ ਐੱਸ 8 ਅਤੇ ਗਲੈਕਸੀ ਐੱਸ 8 ਪਲੱਸ 'ਚ Exynos 8895 ਚਿੱਪਸੈੱਟ ਦਾ ਇਸਤੇਮਾਲ ਕੀਤਾ ਹੈ। ਨਾਲ ਹੀ ਸੈਮਸੰਗ ਗਲੈਕਸੀ ਐੱਸ 8 ਅਤੇ ਸੈਮਸੰਗ ਗਲੈਕਸੀ ਐੱਸ 8 ਪਲੱਸ 'ਚ ਕੁਆਲਕਾਮ ਸਨੈਪਡ੍ਰੈਗਨ 835 ਐੱਸ.ਓ.ਸੀ. ਦੇ ਨਾਲ ਪੇਸ਼ ਕੀਤਾ ਗਿਆ ਸੀ।
ਇਨ੍ਹਾਂ ਸਪੀਕਰਸ 'ਤੇ ਮਿਲ ਰਿਹੈ ਭਾਰੀ ਡਿਸਕਾਊਂਟ
NEXT STORY 
