ਗੈਜੇਟ ਡੈਸਕ - OpenAI ਨੇ ਇਸ ਸਾਲ ਮਈ 'ਚ GPT-4 ਦੇ ਨਾਲ ChatGPT ਦਾ ਨਵਾਂ ਫੀਚਰ ਦਿਖਾਇਆ ਸੀ। ਇਹ ਫੀਚਰ ਵੀਡੀਓ ਸ਼ੇਅਰਿੰਗ ਦੀ ਸਹੂਲਤ ਦਿੰਦਾ ਹੈ। ਹਾਲਾਂਕਿ, ਇਸ ’ਚ ਤਕਨੀਕੀ ਸੁਧਾਰਾਂ ਕਾਰਨ, ਸਾਨੂੰ ਇਸ ਦੇ ਆਉਣ ਲਈ ਇੰਨਾ ਲੰਬਾ ਇੰਤਜ਼ਾਰ ਕਰਨਾ ਪਿਆ। ਆਓ ਜਾਣਦੇ ਹਾਂ ਕਿ ChatGPT ਦਾ ਵੀਡੀਓ ਅਤੇ ਸਕ੍ਰੀਨ ਸ਼ੇਅਰਿੰਗ ਫੀਚਰ ਕਿਵੇਂ ਕੰਮ ਕਰਦਾ ਹੈ। OpenAI ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਦੁਨੀਆ ’ਚ ਇਕ ਵੱਡੀ ਛਾਲ ਮਾਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਕੰਪਨੀ ਨੇ ChatGPT ਮੋਬਾਈਲ ਐਪ ’ਚ ਵੀਡੀਓ ਅਤੇ ਸਕ੍ਰੀਨ ਸ਼ੇਅਰਿੰਗ ਫੀਚਰ ਜਾਰੀ ਕੀਤਾ ਹੈ।
ਇਸ ਫੀਚਰ ਦੀ ਮਦਦ ਨਾਲ ਵੀਡੀਓ ਅਤੇ ਵਾਇਸ ਰਾਹੀਂ AI ਚੈਟਬੋਟ ਨਾਲ ਗੱਲ ਕਰਨਾ ਆਸਾਨ ਹੋ ਜਾਵੇਗਾ। OpenAI ਨੇ ChatGPT ਚੈਟਬੋਟ ਨਾਲ ਗੱਲਬਾਤ ਨੂੰ ਵਧੇਰੇ ਆਰਾਮਦਾਇਕ ਅਤੇ ਆਸਾਨ ਬਣਾਉਣ ਲਈ ਇਹ ਫੀਚਰ ਜਾਰੀ ਕੀਤਾ ਹੈ। ਆਏ ਜਾਣਦੇ ਹਾਂ ਕਿ ਵੀਡੀਓ ਅਤੇ ਸਕ੍ਰੀਨ ਸ਼ੇਅਰਿੰਗ ਫੀਚਰ ਤੋਂ ਸਾਨੂੰ ਕਿਵੇਂ ਫਾਇਦਾ ਮਿਲੇਗਾ। ਚੈਟਜੀਪੀਟੀ ਐਪ ’ਚ ਇਸ ਨਵੇਂ ਅਪਡੇਟ ਤੋਂ ਬਾਅਦ, ਰੀਅਲ ਟਾਈਮ ’ਚ AI ਨਾਲ ਗੱਲ ਕਰਨਾ ਬਹੁਤ ਵਧੀਆ ਹੋ ਜਾਵੇਗਾ। ਐਪ ’ਚ ਨਵਾਂ ਫੀਚਰ ਐਡਵਾਂਸਡ ਵਾਇਸ ਮੋਡ ਦਾ ਹਿੱਸਾ ਹੈ। ਚੈਟ ਬਾਰ ਦੇ ਹੇਠਾਂ ਖੱਬੇ ਪਾਸੇ ਇਕ ਵੀਡੀਓ ਆਈਕਨ ਦਿਖਾਈ ਦੇਵੇਗਾ, ਜੋ ਤੁਹਾਨੂੰ ਵੀਡੀਓ ਰਾਹੀਂ ਚੈਟਜੀਪੀਟੀ ਨਾਲ ਗੱਲ ਕਰਨ ਦੀ ਇਜਾਜ਼ਤ ਦੇਵੇਗਾ।
ChatGPT ’ਤੇ ਸਕ੍ਰੀਨ ਸ਼ੇਅਰਿੰਗ
ਚੈਟਜੀਪੀਟੀ 'ਤੇ ਸਕ੍ਰੀਨ ਸ਼ੇਅਰਿੰਗ ਸ਼ੁਰੂ ਕਰਨ ਲਈ, ਤੁਹਾਨੂੰ ਥ੍ਰੀ-ਡੌਟ ਮੀਨੂ 'ਤੇ ‘Share Screen’ ਨੂੰ ਚੁਣਨਾ ਹੋਵੇਗਾ। ਓਪਨਏਆਈ ਨੇ ਇਸ ਸਾਲ ਮਈ ’ਚ ਇਸ ਫੀਚਰ ਦਾ ਪ੍ਰਦਰਸ਼ਨ ਕੀਤਾ ਸੀ। ਹਾਲਾਂਕਿ, ਇਸ ’ਚ ਹੋਰ ਸੁਧਾਰ ਕਰਨ ’ਚ ਦੇਰੀ ਹੋਈ ਅਤੇ ਹੁਣ ਇਹ ਫੀਚਰ ਜਾਰੀ ਕਰ ਦਿੱਤਾ ਗਿਆ ਹੈ।
ਇਨ੍ਹਾਂ ਯੂਜ਼ਰਾਂ ਨੂੰ ਮਿਲੇਗਾ ਫਾਇਦਾ
ChatGPT ਟੀਮ ਤੋਂ ਇਲਾਵਾ, ChatGPT Plus ਅਤੇ ChatGPT Pro ਉਪਭੋਗਤਾਵਾਂ ਨੂੰ ChatGPT ਦੇ ਨਵੇਂ ਵੀਡੀਓ ਅਤੇ ਸਕ੍ਰੀਨ ਸ਼ੇਅਰਿੰਗ ਫੀਚਰਜ਼ ਤੋਂ ਲਾਭ ਮਿਲੇਗਾ। ਇਹ ਲੋਕ ਅਗਲੇ ਹਫਤੇ ਲੇਟੈਸਟ ਐਪ ਵਰਜ਼ਨ ਰਾਹੀਂ ਨਵੇਂ ਫੀਚਰ ਦਾ ਫਾਇਦਾ ਉਠਾ ਸਕਣਗੇ।
chatgpt ਪਲਾਨ ਦੀ ਕੀਮਤ
chatgpt ਪ੍ਰੋ ਪਲਾਨ ਪਿਛਲੇ ਹਫਤੇ ਲਗਭਗ 17000 ਰੁਪਏ ਪ੍ਰਤੀ ਮਹੀਨਾ ਦੀ ਦਰ ਨਾਲ ਲਾਂਚ ਕੀਤਾ ਗਿਆ ਸੀ। ਇਸ ਪਲਾਨ ਨੂੰ ਖਾਸ ਤੌਰ 'ਤੇ ਪੇਸ਼ੇਵਰਾਂ ਅਤੇ ਖੋਜਕਰਤਾਵਾਂ ਲਈ ਤਿਆਰ ਕੀਤੀ ਗਈ ਹੈ ਜੋ ਡੇਟਾ ਵਿਗਿਆਨ, ਪ੍ਰੋਗਰਾਮਿੰਗ ਅਤੇ ਕਾਨੂੰਨੀ ਵਿਸ਼ਲੇਸ਼ਣ ਵਰਗੇ ਖੇਤਰਾਂ ’ਚ ਕੰਮ ਕਰਦੇ ਹਨ। ਚੈਟਜੀਪੀਟੀ ਪ੍ਰੋ ਖਰੀਦਣ ਵਾਲੇ ਗਾਹਕ OpenAI ਦੇ o1 ਮਾਡਲ ਦੇ ਨਾਲ-ਨਾਲ o1-mini, GPT-4o ਅਤੇ ਐਡਵਾਂਸਡ ਵਾਇਸ ਫੀਚਰ ਦਾ ਅਸੀਮਿਤ ਲਾਭ ਲੈ ਸਕਦੇ ਹਨ। ਚੈਟਜੀਪੀਟੀ ਪਲੱਸ ਪਲਾਨ ਦੀ ਕੀਮਤ ਲਗਭਗ 1700 ਰੁਪਏ ਪ੍ਰਤੀ ਮਹੀਨਾ ਹੈ।
WhatsApp ਲਿਆ ਰਿਹੈ ਧਾਕੜ ਫੀਚਰ, Calling ਤੋਂ ਲੈ ਕੇ Chatting ਤੱਕ ਮਿਲਣਗੇ New Experience
NEXT STORY 
