ਜਲੰਧਰ— ਭਾਰਤੀ ਰਸੋਈ 'ਚ ਅਦਰਕ ਦਾ ਇਸਤੇਮਾਲ ਲਗਭਗ ਰੋਜ਼ਾਨਾ ਹੀ ਹੁੰਦਾ ਹੈ। ਇਹ ਸਿਰਫ ਖਾਣਾ ਖਾਣ ਦਾ ਸੁਆਦ ਹੀ ਨਹੀਂ ਸਗੋਂ ਸਿਹਤ ਨਾਲ ਜੁੜੇ ਕਈ ਲਾਭ ਵੀ ਦਿੰਦਾ ਹੈ। ਸਰਦੀ-ਖਾਂਸੀ ਤੋਂ ਬਚਣ ਲਈ ਅਦਰਕ ਕਾਫੀ ਫਾਇਦੇਮੰਦ ਹੈ। ਇਸ 'ਚ ਆਇਰਨ, ਕੈਲਸ਼ੀਅਮ, ਕਲੋਰੀਨ ਅਤੇ ਵਿਟਾਮਿਨਸ ਵਰਗੇ ਪੋਸ਼ਟਿਕ ਤੱਤ ਹੁੰਦੇ ਹਨ। ਆਯੁਰਵੇਦ 'ਚ ਵੀ ਅਦਰਕ ਦੀਆਂ ਕਈ ਖੂਬੀਆਂ ਹੁੰਦੀਆਂ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਅਦਰਕ ਕਈਆਂ ਲਈ ਜ਼ਹਿਰ ਵਾਂਗ ਵੀ ਕੰਮ ਕਰ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੇ ਲੋਕਾਂ ਲਈ ਅਦਰਕ ਦਾ ਸੇਵਨ ਫਾਇਦੇਮੰਦ ਨਹੀਂ ਹੁੰਦਾ।
ਗਰਭਵਤੀ ਔਰਤਾਂ ਕਰਨ ਅਦਰਕ ਤੋਂ ਪਰਹੇਜ਼
ਪ੍ਰੈਗਨੈਂਸੀ ਦੇ ਸ਼ੁਰੂਆਤੀ ਦੌਰ 'ਚ ਔਰਤਾਂ ਲਈ ਅਦਰਕ ਦਾ ਸੇਵਨ ਵਧੀਆ ਹੁੰਦਾ ਹੈ ਕਿਉਂਕਿ ਇਹ ਕਮਜ਼ੋਰੀ ਨੂੰ ਕਰਨ 'ਚ ਮਦਦ ਕਰਦਾ ਹੈ। ਉਥੇ ਹੀ ਆਖਰੀ ਤਿੰਨ ਮਹੀਨਿਆਂ 'ਚ ਪ੍ਰੈਗਨੈਂਟ ਔਰਤਾਂ ਨੂੰ ਅਦਰਕ ਦੇ ਸੇਵਨ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਇਸ ਦੇ ਸੇਵਨ ਨਾਲ ਪ੍ਰੀ-ਮੈਚਿਓਰ ਡਿਲੀਵਰੀ ਅਤੇ ਲੇਬਰ ਦਾ ਖਤਰਾ ਵੱਧ ਜਾਂਦਾ ਹੈ।
ਭਾਰ ਵਧਾਉਣ ਵਾਲੇ ਲੋਕ ਨਾ ਕਰਨ ਅਦਰਕ ਦੀ ਵਰਤੋਂ
ਜੋ ਲੋਕ ਆਪਣਾ ਭਾਰ ਵਧਾਉਣਾ ਚਾਹੁੰਦੇ ਹਨ, ਉਨ੍ਹਾਂ ਲੋਕਾਂ ਨੂੰ ਅਦਰਕ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ ਕਿਉਂਕਿ ਅਦਰਕ ਭੁੱਖ ਘੱਟ ਕਰਦਾ ਹੈ ਜੋ ਭਾਰ ਘੱਟ ਕਰਨ 'ਚ ਮਦਦ ਕਰਦਾ ਹੈ। ਜੇਕਰ ਤੁਸੀਂ ਭਾਰ ਵਧਾਉਣਾ ਚਾਹੁੰਦੇ ਹੋ ਤਾਂ ਇਸ ਦੇ ਸੇਵਨ ਨਾਲ ਤੁਹਾਡੇ ਸਰੀਰ 'ਤੇ ਉਲਟਾ ਅਸਰ ਹੁੰਦਾ ਹੈ।
ਹੀਮੋਫੀਲੀਆ ਨਾਲ ਪੀੜਤ ਲੋਕ ਨਾ ਕਰਨ ਅਦਰਕ ਦੀ ਵਰਤੋਂ
ਹੀਮੋਫੀਲੀਆ ਨਾਲ ਪੀੜਤ ਲੋਕਾਂ ਲਈ ਅਦਰਕ ਦਾ ਸੇਵਨ ਜ਼ਹਿਰ ਦੇ ਬਰਾਬਰ ਹੈ ਕਿਉਂਕਿ ਅਦਰਕ ਖਾਣ ਨਾਲ ਖੂਨ ਪਤਲਾ ਹੋਣ ਲੱਗਦਾ ਹੈ। ਜੋ ਇਸ ਬੀਮਾਰੀ ਨਾਲ ਪੀੜਤ ਹਨ, ਉਨ੍ਹਾਂ ਲੋਕਾਂ ਨੂੰ ਅਦਰਕ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
ਰੋਜ਼ਾਨਾ ਦਵਾਈਆਂ ਦਾ ਸੇਵਨ ਕਰਨ ਵਾਲੇ ਕਰਨ ਪਰਹੇਜ਼
ਜੋ ਲੋਕ ਰੋਜ਼ਾਨਾ ਦਵਾਈਆਂ ਦਾ ਸੇਵਨ ਕਰਦੇ ਹਨ, ਅਜਿਹੇ ਲੋਕਾਂ ਤੋਂ ਬਚਾਅ ਕਰਨਾ ਚਾਹੀਦਾ ਹੈ। ਅਜਿਹਾ ਇਸ ਲਈ ਕਿਉਂਕਿ ਦਵਾਈਆਂ 'ਚ ਮੌਜੂਦ ਡਰੱਗਜ਼ ਵਰਗੇ ਬੇਟਾ-ਬਲਾਕਰਸ, ਐਂਟੀਕੋਗੁਲੈਂਟਸ ਅਤੇ ਇੰਸੁਲਿਨ ਅਦਰਕ ਦੇ ਨਾਲ ਮਿਲ ਕੇ ਖਤਰਨਾਕ ਮਿਸ਼ਰਣ ਬਣਾਉਂਦੇ ਹਨ ਜੋ ਸਰੀਰ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ।
ਚਮੜੀ ਦੇ ਰੋਗਾਂ ਲਈ ਲੋਕ ਬਹੁਤ ਘੱਟ ਲੈਂਦੇ ਹਨ ਡਾਕਟਰੀ ਸਲਾਹ
NEXT STORY 
