ਹੈਲਥ ਡੈਸਕ- ਸਰਦੀਆਂ 'ਚ ਤਿਲ (Sesame Seeds) ਇਕ ਸੁਪਰਫੂਡ ਵਾਂਗ ਕੰਮ ਕਰਦੇ ਹਨ, ਜੋ ਸਿਹਤ ਲਈ ਬਹੁਤ ਫਾਇਦੇਮੰਦ ਹਨ। ਛੋਟੇ ਦਿਸਣ ਵਾਲੇ ਇਹ ਬੀਜ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਹੁੰਦੇ ਹਨ, ਜਿਨ੍ਹਾਂ 'ਚ ਪ੍ਰੋਟੀਨ, ਸਿਹਤਮੰਦ ਚਰਬੀ, ਫਾਈਬਰ, ਵਿਟਾਮਿਨ ਬੀ ਅਤੇ ਮਹੱਤਵਪੂਰਨ ਖਣਿਜ ਜਿਵੇਂ ਕਿ ਕੈਲਸ਼ੀਅਮ, ਆਇਰਨ, ਮੈਗਨੀਸ਼ੀਅਮ ਅਤੇ ਜ਼ਿੰਕ ਪਾਏ ਜਾਂਦੇ ਹਨ। ਇਨ੍ਹਾਂ ਨੂੰ ਰੋਜ਼ਾਨਾ ਖਾਣ ਨਾਲ ਨਾ ਸਿਰਫ਼ ਇਮਿਊਨਿਟੀ ਮਜ਼ਬੂਤ ਹੁੰਦੀ ਹੈ, ਸਗੋਂ ਸਿਹਤ 'ਚ ਸੁਧਾਰ ਆਉਂਦਾ ਹੈ।
ਇਹ ਵੀ ਪੜ੍ਹੋ : ਬੱਚੇ ਹੋਣ ਜਾਂ ਵੱਡੇ, ਇਸ ਆਸਾਨ ਨੁਸਖ਼ੇ ਨਾਲ ਤੁਰੰਤ ਮਿਲੇਗੀ ਸਰਦੀ-ਜ਼ੁਕਾਮ ਤੋਂ ਰਾਹਤ!
ਫੋਰਟਿਸ ਹਸਪਤਾਲ ਦੇ ਇਕ ਡਾਕਟਰ ਨੇ ਹਾਲ ਹੀ 'ਚ ਤਿਲ ਖਾਣ ਦੇ ਫਾਇਦਿਆਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ। ਉਨ੍ਹਾਂ ਮੁਤਾਬਕ, ਸਿਰਫ਼ 100 ਗ੍ਰਾਮ ਤਿਲਾਂ 'ਚ ਲਗਭਗ 900 ਤੋਂ 1000 ਮਿਲੀਗ੍ਰਾਮ ਕੈਲਸ਼ੀਅਮ ਹੁੰਦਾ ਹੈ। ਇਸ ਤੋਂ ਇਲਾਵਾ, ਇਸ 'ਚ ਮੈਗਨੀਸ਼ੀਅਮ, ਫਾਸਫੋਰਸ ਅਤੇ ਜ਼ਿੰਕ ਵਰਗੇ ਖਣਿਜ ਵੀ ਮੌਜੂਦ ਹੁੰਦੇ ਹਨ, ਜੋ ਪਾਚਨ ਅਤੇ ਮੈਟਾਬੋਲਿਜ਼ਮ ਦੋਵਾਂ ਲਈ ਜ਼ਰੂਰੀ ਹਨ।
ਇਹ ਵੀ ਪੜ੍ਹੋ : ਅੱਜ ਤੋਂ ਇਨ੍ਹਾਂ ਰਾਸ਼ੀਆਂ ਦੀ ਬਦਲਣ ਵਾਲੀ ਹੈ ਕਿਸਮਤ, ਨੋਟ ਗਿਣਨ ਲਈ ਹੋ ਜਾਓ ਤਿਆਰ!
ਹੱਡੀਆਂ ਲਈ ਵਰਦਾਨ
ਡਾਕਟਰ ਨੇ ਦੱਸਿਆ ਕਿ ਜਿਹੜੇ ਬੱਚੇ ਦੁੱਧ ਨਹੀਂ ਪੀਂਦੇ, ਉਨ੍ਹਾਂ ਨੂੰ ਕੈਲਸ਼ੀਅਮ ਦੇਣ ਲਈ ਤਿਲਾਂ ਨੂੰ ਖੁਰਾਕ 'ਚ ਸ਼ਾਮਲ ਕਰਨਾ ਚਾਹੀਦਾ ਹੈ। ਤਿਲਾਂ 'ਚ ਕੁਦਰਤੀ ਕੈਲਸ਼ੀਅਮ ਅਤੇ ਹੋਰ ਜ਼ਰੂਰੀ ਖਣਿਜ ਹੁੰਦੇ ਹਨ ਜੋ ਬੱਚਿਆਂ ਦੀਆਂ ਹੱਡੀਆਂ ਨੂੰ ਮਜ਼ਬੂਤ ਬਣਾਉਣ 'ਚ ਸਹਾਇਤਾ ਕਰ ਸਕਦੇ ਹਨ।
ਤਿਲ ਖਾਣ ਦਾ ਸਹੀ ਤਰੀਕਾ:
ਹੱਡੀਆਂ ਦੀ ਮਜ਼ਬੂਤੀ ਲਈ, ਡਾਕਟਰ ਸਲਾਹ ਦਿੰਦੇ ਹਨ ਕਿ ਰੋਜ਼ਾਨਾ 1 ਤੋਂ 2 ਚਮਚ ਤਿਲ ਆਪਣੇ ਖਾਣੇ 'ਚ ਮਿਲਾ ਕੇ ਖਾਓ ਅਤੇ ਨਾਲ ਹੀ ਹਲਕੀ ਧੁੱਪ ਜਾਂ ਵਿਟਾਮਿਨ ਡੀ ਸਪਲੀਮੈਂਟ ਵੀ ਲਓ। ਇਹ ਆਦਤ ਹੱਡੀਆਂ ਨੂੰ ਲੰਬੇ ਸਮੇਂ ਤੱਕ ਮਜ਼ਬੂਤ ਬਣਾਏ ਰੱਖਣ 'ਚ ਮਦਦ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ : ਰੋਜ਼ ਪੀਣ ਵਾਲੇ ਜਾਂ ਹਫ਼ਤੇ 'ਚ ਇਕੋ ਦਿਨ ਪੀਣ ਵਾਲੇ ? ਜਾਣੋ ਕਿਨ੍ਹਾਂ ਲੋਕਾਂ 'ਤੇ ਹੁੰਦੈ ਸ਼ਰਾਬ ਦਾ ਜ਼ਿਆਦਾ ਅਸਰ
ਡਾਕਟਰ ਦੀ ਚਿਤਾਵਨੀ:
ਡਾਕਟਰ ਨੇ ਖਾਸ ਤੌਰ 'ਤੇ ਜ਼ੋਰ ਦਿੱਤਾ ਕਿ ਤਿਲਾਂ ਨੂੰ ਕਦੇ ਵੀ ਕੱਚਾ (Raw) ਨਹੀਂ ਖਾਣਾ ਚਾਹੀਦਾ। ਉਨ੍ਹਾਂ ਅਨੁਸਾਰ, ਕੱਚੇ ਤਿਲਾਂ 'ਚ 'ਫਾਈਟੇਟਸ' (Phytates) ਨਾਮੀ ਇਕ ਕੰਪਾਊਂਡ ਹੁੰਦਾ ਹੈ ਜੋ ਕੈਲਸ਼ੀਅਮ ਨੂੰ ਸਰੀਰ 'ਚ ਜਜ਼ਬ ਹੋਣ ਤੋਂ ਰੋਕ ਸਕਦਾ ਹੈ। ਇਸ ਲਈ, ਤਿਲਾਂ ਨੂੰ ਹਮੇਸ਼ਾ ਹਲਕਾ ਭੁੰਨ ਕੇ ਜਾਂ ਫਿਰ ਰਾਤ ਭਰ ਭਿਓਂ ਕੇ ਹੀ ਖਾਣਾ ਚਾਹੀਦਾ ਹੈ।
ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
ਬੱਚੇ ਹੋਣ ਜਾਂ ਵੱਡੇ, ਇਸ ਆਸਾਨ ਨੁਸਖ਼ੇ ਨਾਲ ਤੁਰੰਤ ਮਿਲੇਗੀ ਸਰਦੀ-ਜ਼ੁਕਾਮ ਤੋਂ ਰਾਹਤ!
NEXT STORY 
