ਤਾਇਪੇ - ਤਾਈਵਾਨ ਵਿਚ ਇਕ ਬੈਂਕ ਕਰਮੀ ਨੇ 'ਪੇਡ ਲੀਵ' ਦਾ ਵਧ ਤੋਂ ਵਧ ਫਾਇਦਾ ਲੈਣ ਦਾ ਇਕ ਅਨੋਖਾ ਤਰੀਕਾ ਅਪਣਾਇਆ। ਉਸ ਨੇ 37 ਦਿਨਾਂ ਵਿਚ 4 ਵਾਰ ਵਿਆਹ ਕੀਤੇ, 3 ਵਾਰ ਤਲਾਕ ਦਿੱਤਾ ਅਤੇ 32 ਦਿਨ ਦੀ ਪੇਡ ਲੀਵ ਲੈ ਲਈ। ਹਾਲਾਂਕਿ, ਉਸ ਦੀ ਇਹ ਚਾਲਾਕੀ ਜ਼ਿਆਦਾ ਦਿਨ ਤੱਕ ਕੰਮ ਨਾ ਆਈ ਕਿਉਂਕਿ ਜਿਸ ਬੈਂਕ ਵਿਚ ਉਹ ਕੰਮ ਕਰਦਾ ਸੀ, ਉਸ ਨੇ ਉਸ ਨੂੰ ਛੁੱਟੀ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਇਸ 'ਤੇ ਉਸ ਨੇ ਤਾਇਪੇ ਸਿਟੀ ਲੇਬਰ ਬਿਊਰੋ ਵਿਚ ਬੈਂਕ ਖਿਲਾਫ ਲੇਬਰ ਕਾਨੂੰਨਾਂ ਦੇ ਉਲੰਘਣ ਦਾ ਮਾਮਲਾ ਦਰਜ ਕਰਾਇਆ।
ਇਹ ਵੀ ਪੜੋ - ਲਾਕਡਾਊਨ ਖਤਮ ਹੁੰਦੇ ਹੀ ਲੋਕਾਂ ਨਾਲ ਰੈਸਤੋਰੈਂਟ ਹੋਏ ਫੁਲ, ਪੀ ਗਏ 28 ਲੱਖ ਲੀਟਰ 'ਬੀਅਰ'
ਦਰਅਸਲ, ਤਾਈਵਾਨ ਦੇ ਕਾਨੂੰਨ ਮੁਤਾਬਕ ਇਕ ਵਿਅਕਤੀ ਨੂੰ ਆਪਣੇ ਵਿਆਹ 'ਤੇ 8 ਦਿਨ ਦੀ ਪੇਡ ਲੀਵ ਦਿੱਤੀ ਜਾਂਦੀ ਹੈ। ਇਸ ਵਿਅਕਤੀ ਨੇ ਵੀ ਪਿਛਲੇ ਸਾਲ ਅਪ੍ਰੈਲ ਵਿਚ ਵਿਆਹ ਵੇਲੇ 8 ਦਿਨ ਦੀ ਛੁੱਟੀ ਅਪਲਾਈ ਕੀਤੀ ਜੋ ਉਸ ਨੂੰ ਮਿਲ ਗਈ। ਛੁੱਟੀ ਦੇ ਆਖਰੀ ਦਿਨ ਉਸ ਨੇ ਆਪਣੀ ਪਤਨੀ ਨੂੰ ਤਲਾਕ ਦੇ ਦਿੱਤਾ ਪਰ ਅਗਲੇ ਹੀ ਦਿਨ ਉਸ ਨਾਲ ਵਿਆਹ ਕਰ ਕੇ ਦੁਬਾਰਾ ਪੇਡ ਲੀਵ ਅਪਲਾਈ ਕਰ ਦਿੱਤੀ। ਉਸ ਦਾ ਆਖਣਾ ਸੀ ਕਿ ਉਸ ਨੇ ਦੂਜਾ ਵਿਆਹ ਕੀਤਾ ਹੈ, ਅਜਿਹੇ ਵਿਚ ਨਿਯਮਾਂ ਮੁਤਾਬਕ ਉਸ ਨੂੰ ਇਹ ਛੁੱਟੀ ਲੈਣ ਦਾ ਅਧਿਕਾਰ ਹੈ।
ਇਹ ਵੀ ਪੜੋ - ਆਨਲਾਈਨ ਸ਼ਾਪਿੰਗ : ਵਿਅਕਤੀ ਨੇ ਆਰਡਰ ਕੀਤੇ ਸਨ Apple ਤੇ ਘਰ ਪਹੁੰਚਿਆ I-Phone
ਦੂਜੇ ਵਿਆਹ ਦੀ ਛੁੱਟੀ ਦੇ 8ਵੇਂ ਦਿਨ ਫਿਰ ਤੋਂ ਆਪਣੀ ਪਤਨੀ ਨੂੰ ਤਲਾਕ ਦੇ ਕੇ ਅਗਲੇ ਦਿਨ ਫਿਰ ਤੋਂ ਵਿਆਹ ਕਰਾ ਕੇ ਛੁੱਟ ਮੰਗੀ। ਅਜਿਹਾ ਕਰ ਕੇ ਉਸ ਨੇ 37 ਦਿਨ ਵਿਚ 4 ਵਾਰ ਆਪਣੀ ਹੀ ਪਤਨੀ ਨਾਲ ਵਿਆਹ ਕੀਤਾ ਜਿਸ ਵਿਚ 3 ਵਾਰ ਉਸ ਨੂੰ ਤਲਾਕ ਦੇ ਕੇ 32 ਦਿਨ ਦੀ ਪੇਡ ਲੀਵ ਲਈ। ਹਾਲਾਂਕਿ ਇਸ ਤੋਂ ਪਹਿਲਾਂ ਕਿ ਉਸ ਦੇ ਬੈਂਕ ਵਾਲੇ ਛੁੱਟੀਆਂ ਮਨਜ਼ੂਰ ਕਰਦੇ, ਉਨ੍ਹਾਂ ਇਸ ਸ਼ਖਸ ਦੀ ਨੀਅਤ 'ਤੇ ਸ਼ੱਕ ਹੋਇਆ ਅਤੇ ਚੌਥੇ ਵਿਆਹ ਦੀ ਛੁੱਟੀ ਦੀ ਮਨਜ਼ੂਰੀ ਦੇਣ ਤੋਂ ਬੈਂਕ ਨੇ ਇਨਕਾਰ ਕਰ ਦਿੱਤਾ। ਬਸ, ਇਹੀ ਗੱਲ ਇਸ ਸ਼ਖਸ ਨੂੰ ਬਰਦਾਸ਼ਤ ਨਹੀਂ ਹੋਈ ਅਤੇ ਉਸ ਨੇ ਸਿਟੀ ਲੇਬਰ ਬਿਊਰੋ ਵਿਚ ਲੇਬਰ ਛੁੱਟੀ ਦੇ ਨਿਯਮਾਂ ਦੀ ਧਾਰਾ-2 ਦਾ ਉਲੰਘਣ ਕਰਨ ਦਾ ਦੋਸ਼ ਲਾ ਕੇ ਬੈਂਕ ਖਿਲਾਫ ਸ਼ਿਕਾਇਤ ਕਰ ਦਿੱਤੀ। ਇਸ ਕਾਨੂੰਨ ਮੁਤਾਬਕ ਸਾਰੇ ਕਰਮੀਆਂ ਨੂੰ ਵਿਆਹ ਵੇਲੇ 8 ਦਿਨ ਦੀ ਪੇਡ ਲੀਵ ਮਿਲਦੀ ਹੈ ਅਤੇ ਇਸ ਸ਼ਖਸ ਨੇ 4 ਵਾਰ ਵਿਆਹ ਕੀਤਾ ਸੀ, ਅਜਿਹੇ ਵਿਚ ਉਹ 32 ਦਿਨ ਦਾ ਹੱਕਦਾਰ ਹੈ।
ਇਹ ਵੀ ਪੜੋ - ਪਾਕਿ 'ਚ ਧਰਨਾ ਖਤਮ ਕਰਾਉਣ ਪਹੁੰਚੀ ਪੁਲਸ 'ਤੇ ਹੋਇਆ ਹਮਲਾ, 3 ਦੀ ਮੌਤ
ਇਸ ਵਿਅਕਤੀ ਦੀ ਸ਼ਿਕਾਇਤ 'ਤੇ ਲੇਬਰ ਬਿਊਰੋ ਨੇ ਜਾਂਚ ਵਿਚ ਪਾਇਆ ਕਿ ਉਸ ਨੂੰ ਚੌਥੀ ਵਾਰ ਛੁੱਟੀ ਨਾ ਦੇ ਕੇ ਬੈਂਕ ਨੇ ਹੀ ਕਾਨੂੰਨਾਂ ਦਾ ਉਲੰਘਣ ਕੀਤਾ। ਬਿਊਰੋ ਨੇ ਬੈਂਕ ਨੂੰ 700 ਡਾਲਰ ਜ਼ੁਰਮਾਨਾ ਕੀਤਾ। ਹਾਲਾਂਕਿ ਬੈਂਕ ਨੇ ਇਸ ਫੈਸਲੇ ਖਿਲਾਫ ਅਪੀਲ ਕੀਤੀ। ਆਪਣੀ ਅਪੀਲ ਵਿਚ ਬੈਂਕ ਨੇ ਦਾਅਵਾ ਕੀਤਾ ਕਿ ਕਿਸੇ ਕਰਮੀ ਵੱਲੋਂ ਮੈਰਿਜ ਲੀਵ ਦੀ ਗਲਤ ਵਰਤੋਂ ਲੇਬਰ ਛੁੱਟੀ ਦੇ ਨਿਯਮਾਂ ਅਧੀਨ ਛੁੱਟੀ ਲੈਣ ਦਾ ਕਾਨੂੰਨੀ ਕਾਰਣ ਨਹੀਂ ਹੋ ਸਕਦਾ ਹੈ। ਹਾਲਾਂਕਿ ਬੈਂਕ ਦੀ ਇਹ ਅਪੀਲ ਵੀ ਪਿਛਲੇ ਦਿਨੀਂ ਖਾਰਿਜ ਹੋ ਗਈ। ਜਿਸ ਬਿਊਰੋ ਵਿਚ ਇਹ ਅਪੀਲ ਕੀਤੀ ਗਈ ਸੀ ਉਸ ਨੇ ਸਿਟੀ ਬਿਊਰੋ ਦਾ ਫੈਸਲਾ ਸਹੀ ਠਹਿਰਾਉਂਦੇ ਹੋਏ ਕਿਹਾ ਕਿ ਵਿਅਕਤੀ ਦਾ ਵਿਹਾਰ ਭਾਵੇਂ ਅਨੈਤਿਕ ਸੀ ਪਰ ਅਜਿਹਾ ਕਰ ਕੇ ਉਸ ਨੇ ਕਾਨੂੰਨ ਨਹੀਂ ਤੋੜਿਆ ਬਲਿਕ ਛੁੱਟੀ ਦੀ ਮਨਜ਼ੂਰੀ ਨਾ ਦੇ ਕੇ ਬੈਂਕ ਨੇ ਜ਼ਰੂਰ ਧਾਰਾ-2 ਦਾ ਉਲੰਘਣ ਕੀਤਾ ਹੈ।
ਇਹ ਵੀ ਪੜੋ - Live TV 'ਤੇ ਮਹਿਲਾ ਨੇ ਮੌਲਾਨਾ ਨੇ ਮਾਰਿਆ ਥੱਪੜ, ਮੂੰਹ 'ਤੇ ਸੁੱਟਿਆ ਜੂਸ ਨਾਲ ਭਰਿਆ ਗਿਲਾਸ (ਵੀਡੀਓ)
UK ਨੇ ਭਾਰਤ ਨੂੰ ਪਾਇਆ 'Red List' 'ਚ, ਯਾਤਰੀਆਂ ਦੀ ਐਂਟਰੀ 'ਤੇ ਲਾਇਆ ਬੈਨ
NEXT STORY