ਇੰਟਰਨੈਸ਼ਨਲ ਡੈਸਕ : ਮੰਗਲਵਾਰ ਸ਼ਾਮ ਨੂੰ ਅਮਰੀਕਾ ਦੇ ਕੈਂਟਕੀ ਵਿੱਚ ਲੁਈਸਵਿਲ ਮੁਹੰਮਦ ਅਲੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਉਡਾਣ ਭਰਨ ਤੋਂ ਕੁਝ ਮਿੰਟਾਂ ਬਾਅਦ ਹੀ ਇੱਕ UPS ਕਾਰਗੋ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਜਹਾਜ਼ ਨੂੰ ਅਚਾਨਕ ਅੱਗ ਲੱਗ ਗਈ, ਜਿਸ ਨਾਲ ਆਸਮਾਨ ਵਿੱਚ ਕਾਲੇ ਧੂੰਏਂ ਦਾ ਵੱਡਾ ਗੁਬਾਰ ਫੈਲ ਗਿਆ। ਹਾਦਸੇ ਤੋਂ ਬਾਅਦ ਹਵਾਈ ਅੱਡੇ ਨੂੰ ਤੁਰੰਤ ਬੰਦ ਕਰ ਦਿੱਤਾ ਗਿਆ ਅਤੇ ਆਲੇ-ਦੁਆਲੇ ਦੇ ਖੇਤਰ ਦੇ ਨਿਵਾਸੀਆਂ ਨੂੰ ਆਪਣੇ ਘਰਾਂ 'ਚ ਹੀ ਰਹਿਣ ਦੇ ਆਦੇਸ਼ ਜਾਰੀ ਕੀਤੇ ਗਏ।
UPS ਦਾ MD-11F ਜਹਾਜ਼ ਹਾਦਸੇ ਦਾ ਸ਼ਿਕਾਰ
ਫੈਡਰਲ ਏਵੀਏਸ਼ਨ ਐਡਮਿਨਿਸਟ੍ਰੇਸ਼ਨ (FAA) ਅਨੁਸਾਰ, ਹਾਦਸਾਗ੍ਰਸਤ ਜਹਾਜ਼ UPS ਫਲਾਈਟ 2976 ਸੀ, ਜੋ ਕਿ ਇੱਕ ਮੈਕਡੋਨਲ ਡਗਲਸ MD-11F ਮਾਡਲ ਸੀ। ਜਹਾਜ਼ ਲੁਈਸਵਿਲ ਤੋਂ ਹੋਨੋਲੂਲੂ (ਹਵਾਈ) ਜਾ ਰਿਹਾ ਸੀ। ਜਹਾਜ਼ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 5:15 ਵਜੇ (4 ਨਵੰਬਰ) ਉਡਾਣ ਭਰਨ ਤੋਂ ਕੁਝ ਮਿੰਟ ਬਾਅਦ ਹੀ ਹਵਾਈ ਅੱਡੇ ਦੇ ਦੱਖਣੀ ਖੇਤਰ ਵਿੱਚ ਹਾਦਸਾਗ੍ਰਸਤ ਹੋ ਗਿਆ। ਲੁਈਸਵਿਲ ਹਵਾਈ ਅੱਡਾ UPS ਵਰਲਡਪੋਰਟ ਦਾ ਮੁੱਖ ਦਫਤਰ ਹੈ, ਜੋ ਕਿ ਕੰਪਨੀ ਦਾ ਗਲੋਬਲ ਏਅਰ ਕਾਰਗੋ ਹੱਬ ਅਤੇ ਦੁਨੀਆ ਦਾ ਸਭ ਤੋਂ ਵੱਡਾ ਪਾਰਸਲ ਪ੍ਰੋਸੈਸਿੰਗ ਸੈਂਟਰ ਹੈ।
ਸੋਸ਼ਲ ਮੀਡੀਆ 'ਤੇ ਦਿਸਿਆ ਭਿਆਨਕ ਮੰਜ਼ਰ
ਇਸ ਘਟਨਾ ਦੇ ਕਈ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਹਨ, ਜਿਨ੍ਹਾਂ ਵਿੱਚ ਫਰਨ ਵੈਲੀ ਰੋਡ ਅਤੇ ਗ੍ਰੇਡ ਲੇਨ ਦੇ ਨੇੜੇ ਤੋਂ ਕਾਲਾ ਧੂੰਆਂ ਉੱਠਦਾ ਸਾਫ਼ ਦਿਖਾਈ ਦੇ ਰਿਹਾ ਸੀ। ਚਸ਼ਮਦੀਦਾਂ ਨੇ ਦੱਸਿਆ ਕਿ "ਆਵਾਜ਼ ਇੰਨੀ ਉੱਚੀ ਸੀ ਕਿ ਪੂਰਾ ਇਲਾਕਾ ਕੰਬ ਗਿਆ। ਕੁਝ ਸਕਿੰਟਾਂ ਬਾਅਦ ਅੱਗ ਦਾ ਇੱਕ ਵੱਡਾ ਗੋਲਾ ਆਸਮਾਨ ਵਿੱਚ ਉੱਠਦਾ ਦੇਖਿਆ ਗਿਆ।" ਅੱਗ ਲੱਗਣ ਤੋਂ ਬਾਅਦ ਐਮਰਜੈਂਸੀ ਸੇਵਾਵਾਂ ਦੀਆਂ ਟੀਮਾਂ ਮੌਕੇ 'ਤੇ ਪਹੁੰਚੀਆਂ ਅਤੇ ਅੱਗ 'ਤੇ ਕਾਬੂ ਪਾਉਣ ਲਈ ਬਚਾਅ ਕਾਰਜ ਘੰਟਿਆਂ ਤੱਕ ਜਾਰੀ ਰਹੇ।
ਇਹ ਵੀ ਪੜ੍ਹੋ : ਬ੍ਰਿਟੇਨ ਦੇ ਸਭ ਤੋਂ ਅਮੀਰ ਸ਼ਖ਼ਸ ਸਨ ਗੋਪੀਚੰਦ ਪੀ ਹਿੰਦੂਜਾ, ਪਿੱਛੇ ਛੱਡ ਗਏ ਇੰਨੀ ਜਾਇਦਾਦ
ਪੁਲਸ ਨੇ ਹਾਦਸੇ ਦੀ ਕੀਤੀ ਪੁਸ਼ਟੀ, ਕਈ ਜ਼ਖਮੀ
ਲੂਈਸਵਿਲ ਮੈਟਰੋ ਪੁਲਸ ਵਿਭਾਗ (ਐਲਐਮਪੀਡੀ) ਨੇ ਆਪਣੇ ਅਧਿਕਾਰਤ ਟਵਿੱਟਰ ਅਕਾਊਂਟ 'ਤੇ ਪੁਸ਼ਟੀ ਕੀਤੀ ਕਿ ਜਹਾਜ਼ ਹਾਦਸੇ ਤੋਂ ਬਾਅਦ "ਕਈ ਲੋਕਾਂ ਦੇ ਜ਼ਖਮੀ" ਹੋਣ ਦੀ ਰਿਪੋਰਟ ਕੀਤੀ ਗਈ ਹੈ। ਹਾਲਾਂਕਿ, ਮਰਨ ਵਾਲਿਆਂ ਦੀ ਗਿਣਤੀ ਦੀ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਪੁਸ਼ਟੀ ਨਹੀਂ ਕੀਤੀ ਗਈ ਹੈ। ਪੁਲਸ ਨੇ ਬਚਾਅ ਟੀਮਾਂ ਨੂੰ ਬਿਨਾਂ ਕਿਸੇ ਰੁਕਾਵਟ ਦੇ ਕੰਮ ਕਰਨ ਦੀ ਆਗਿਆ ਦੇਣ ਲਈ ਸਟੂਗੇਸ ਅਤੇ ਕ੍ਰਿਟੇਂਡਨ ਐਵੇਨਿਊ ਦੇ ਵਿਚਕਾਰ ਗ੍ਰੇਡ ਲੇਨ ਨੂੰ ਅਣਮਿੱਥੇ ਸਮੇਂ ਲਈ ਬੰਦ ਕਰ ਦਿੱਤਾ ਹੈ।
ਏਅਰਪੋਰਟ ਅਤੇ ਗਵਰਨਰ ਦਾ ਬਿਆਨ
ਲੂਈਸਵਿਲ ਮੁਹੰਮਦ ਅਲੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ, "ਇੱਕ ਜਹਾਜ਼ ਹਾਦਸੇ ਦੀ ਪੁਸ਼ਟੀ ਹੋਈ ਹੈ। ਐਮਰਜੈਂਸੀ ਸੇਵਾਵਾਂ ਮੌਕੇ 'ਤੇ ਹਨ। ਹਵਾਈ ਖੇਤਰ ਨੂੰ ਅਸਥਾਈ ਤੌਰ 'ਤੇ ਬੰਦ ਕਰ ਦਿੱਤਾ ਗਿਆ ਹੈ।"
ਇਹ ਵੀ ਪੜ੍ਹੋ : ਕਿਤੇ ਤੁਹਾਡੇ ਆਧਾਰ ਕਾਰਡ 'ਤੇ ਕਿਸੇ ਨੇ Loan ਤਾਂ ਨਹੀਂ ਲੈ ਲਿਆ! ਮੁਫ਼ਤ 'ਚ ਇਸ ਤਰ੍ਹਾਂ ਕਰੋ ਚੈੱਕ
ਹਾਦਸੇ ਨਾਲ ਜੁੜੇ ਤਕਨੀਕੀ ਸੰਕੇਤ
FlightRadar24 ਅਨੁਸਾਰ, ਜਹਾਜ਼ (ਰਜਿਸਟ੍ਰੇਸ਼ਨ ਨੰਬਰ N259UP) ਨੇ ਸ਼ਾਮ 5:10 ਵਜੇ ਉਡਾਣ ਭਰੀ। ਡੇਟਾ ਤੋਂ ਪਤਾ ਚੱਲਿਆ ਕਿ ਉਡਾਣ ਦੇ ਪਹਿਲੇ ਕੁਝ ਮਿੰਟਾਂ ਦੌਰਾਨ ਜਹਾਜ਼ ਨੇ ਉਚਾਈ ਪ੍ਰਾਪਤ ਕੀਤੀ, ਪਰ ਕੁਝ ਮਿੰਟਾਂ ਬਾਅਦ ਅਚਾਨਕ ਰਾਡਾਰ ਤੋਂ ਗਾਇਬ ਹੋ ਗਿਆ। ਇਹ ਦਰਸਾਉਂਦਾ ਹੈ ਕਿ ਜਹਾਜ਼ ਨੂੰ ਉਡਾਣ ਭਰਨ ਤੋਂ ਬਾਅਦ ਕੋਈ ਗੰਭੀਰ ਸਮੱਸਿਆ ਆਈ ਹੋ ਸਕਦੀ ਹੈ, ਜਿਵੇਂ ਕਿ ਤਕਨੀਕੀ ਖਰਾਬੀ ਜਾਂ ਇੰਜਣ ਫੇਲ੍ਹ ਹੋਣਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਬ੍ਰਿਟੇਨ ਦੇ ਹਸਪਤਾਲਾਂ ’ਚ ਐਮਰਜੈਂਸੀ ਸੇਵਾਵਾਂ ਠੱਪ, ਸਿਹਤ ਵਿਵਸਥਾ ਦੀ ਖੁੱਲ੍ਹੀ ਪੋਲ
NEXT STORY 
