ਹੈਲਥ ਡੈਸਕ - ਪੌਦਿਆਂ ਤੋਂ ਮਿਲਣ ਵਾਲੇ ਪ੍ਰੋਟੀਨ (ਪਲਾਂਟ ਪ੍ਰੋਟੀਨ) ਦੀ ਖਪਤ ਪਸ਼ੂ ਪ੍ਰੋਟੀਨ (ਜਾਨਵਰ ਪ੍ਰੋਟੀਨ) ਦੇ ਮੁਕਾਬਲੇ ਦਿਲ ਦੀ ਬਿਮਾਰੀ (ਸੀਵੀਡੀ) ਅਤੇ ਕੋਰੋਨਰੀ ਦਿਲ ਦੀ ਬਿਮਾਰੀ (ਸੀਐਚਡੀ) ਦੇ ਜੋਖਮ ਨੂੰ ਘਟਾ ਸਕਦੀ ਹੈ। ਇਹ ਦਾਅਵਾ ਇਕ ਨਵੀਂ ਖੋਜ ’ਚ ਕੀਤਾ ਗਿਆ ਹੈ। ਖੋਜ ਦੇ ਅਨੁਸਾਰ, ਜੋ ਲੋਕ ਆਪਣੀ ਖੁਰਾਕ ’ਚ ਲਾਲ ਅਤੇ ਪ੍ਰੋਸੈਸਡ ਮੀਟ ਦੀ ਥਾਂ ਪੌਦਿਆਂ ਤੋਂ ਮਿਲਣ ਵਾਲੇ ਪ੍ਰੋਟੀਨ, ਖਾਸ ਤੌਰ 'ਤੇ ਅਖਰੋਟ ਅਤੇ ਦਾਲਾਂ ਨਾਲ ਬਦਲਦੇ ਹਨ, ਉਨ੍ਹਾਂ ਦੇ ਦਿਲ ਦੀ ਸਿਹਤ ’ਚ ਸੁਧਾਰ ਹੁੰਦਾ ਹੈ।
ਪੜ੍ਹੋ ਇਹ ਵੀ ਖਬਰ - Bleeding eye disease : ਅੱਖਾਂ ਦੀ ਉਹ ਜਾਨਲੇਵਾ ਬੀਮਾਰੀ ਜਿਸ ਨਾਲ 8 ਦਿਨ ’ਚ ਹੋ ਜਾਂਦੀ ਹੈ ਮਰੀਜ਼ ਦੀ ਮੌਤ
ਇਹ ਖੋਜ ਹਾਰਵਰਡ ਟੀ.ਐਚ. ਚੈਨ ਸਕੂਲ ਆਫ਼ ਪਬਲਿਕ ਹੈਲਥ ਦੇ ਵਿਗਿਆਨੀਆਂ ਅਤੇ ਇਸ ਨੂੰ ਅਮਰੀਕੀ ਜਰਨਲ ਆਫ਼ ਕਲੀਨਿਕਲ ਨਿਊਟ੍ਰੀਸ਼ਨ ’ਚ ਪ੍ਰਕਾਸ਼ਿਤ ਕੀਤਾ ਗਿਆ ਹੈ। ਅਧਿਐਨ ਨੇ ਸੁਝਾਅ ਦਿੱਤਾ ਕਿ ਪੌਦੇ-ਜਾਨਵਰ ਪ੍ਰੋਟੀਨ ਦਾ ਆਦਰਸ਼ ਅਨੁਪਾਤ 1:2 ਜਾਂ ਇਸ ਤੋਂ ਵੱਧ ਹੋਣਾ ਚਾਹੀਦਾ ਹੈ। ਇਸ ਦੌਰਾਨ ਪ੍ਰਮੁੱਖ ਲੇਖਕ ਨੇ ਕਿਹਾ ਕਿ ਅਮਰੀਕਾ ’ਚ ਔਸਤਨ ਲੋਕ 1:3 ਦੇ ਅਨੁਪਾਤ ’ਚ ਪੌਦਿਆਂ ਅਤੇ ਜਾਨਵਰਾਂ ਦੇ ਪ੍ਰੋਟੀਨ ਦਾ ਸੇਵਨ ਕਰਦੇ ਹਨ ਪਰ ਸਾਡੀ ਖੋਜ ਨੇ ਪਾਇਆ ਕਿ 1:2 ਜਾਂ ਇਸ ਤੋਂ ਵੱਧ ਦਾ ਅਨੁਪਾਤ ਦਿਲ ਦੀ ਬਿਮਾਰੀ ਨੂੰ ਰੋਕਣ ’ਚ ਵਧੇਰੇ ਪ੍ਰਭਾਵਸ਼ਾਲੀ ਹੈ।
ਪੜ੍ਹੋ ਇਹ ਵੀ ਖਬਰ - ਕਿਉਂ ਹੁੰਦੀ ਹੈ Food allergies? ਕੀ ਹੈ ਇਸ ਦੇ ਲੱਛਣ ਤੇ ਇਸ ਤੋਂ ਬਚਾਅ ਦੇ ਤਰੀਕੇ
30 ਸਾਲਾਂ ਦੇ ਡੇਟਾ ਦੇ ਵਿਸ਼ਲੇਸ਼ਣ
ਇਹ ਅਧਿਐਨ ਲਗਭਗ 203,000 ਮਰਦਾਂ ਅਤੇ ਔਰਤਾਂ ਦੀ ਖੁਰਾਕ, ਜੀਵਨ ਸ਼ੈਲੀ ਅਤੇ ਦਿਲ ਦੀ ਸਿਹਤ 'ਤੇ 30 ਸਾਲਾਂ ਦੇ ਅੰਕੜਿਆਂ 'ਤੇ ਅਧਾਰਿਤ ਸੀ। ਅਧਿਐਨ ਦੌਰਾਨ 16,118 ਦਿਲ ਦੀ ਬਿਮਾਰੀ ਦੇ ਮਾਮਲੇ ਦਰਜ ਕੀਤੇ ਗਏ ਸਨ, ਜਿਨ੍ਹਾਂ ’ਚ 10,000 ਤੋਂ ਵੱਧ ਕੋਰੋਨਰੀ ਦਿਲ ਦੀ ਬਿਮਾਰੀ ਅਤੇ 6,000 ਸਟ੍ਰੋਕ ਕੇਸ ਸ਼ਾਮਲ ਸਨ। ਨਤੀਜਿਆਂ ’ਚ ਪਾਇਆ ਗਿਆ ਕਿ ਜਿਨ੍ਹਾਂ ਲੋਕਾਂ ਨੇ 1:1.3 ਦੇ ਅਨੁਪਾਤ ’ਚ ਪੌਦੇ-ਜਾਨਵਰ ਪ੍ਰੋਟੀਨ ਦੀ ਖਪਤ ਕੀਤੀ ਸੀ ਉਨ੍ਹਾਂ ’ਚ ਸੀਵੀਡੀ ਦਾ 19% ਘੱਟ ਜੋਖਮ ਅਤੇ ਸੀ.ਐੱਚ.ਡੀ. ਦਾ 27% ਘੱਟ ਜੋਖਮ ਸੀ।
ਪੜ੍ਹੋ ਇਹ ਵੀ ਖਬਰ - ਆਖਿਰ ਕਿਉਂ ਆਉਂਦੀ ਹੈ ਹਿੱਚਕੀ? ਜਾਣੋ ਇਸ ਦੇ ਕਾਰਨ ਤੇ ਇਲਾਜ
ਪਲਾਂਟ ਪ੍ਰੋਟੀਨ ਦੇ ਫਾਇਦੇ
ਖੋਜਕਰਤਾਵਾਂ ਦੇ ਅਨੁਸਾਰ, ਪੌਦੇ ਦੇ ਪ੍ਰੋਟੀਨ ਦਾ ਸੇਵਨ ਕਰਨ ਨਾਲ ਬਲੱਡ ਪ੍ਰੈਸ਼ਰ, ਬਲੱਡ ਲਿਪਿਡ ਅਤੇ ਸੋਜ ਦੇ ਬਾਇਓਮਾਰਕਰ ’ਚ ਸੁਧਾਰ ਹੁੰਦਾ ਹੈ। ਇਸ ਦਾ ਮੁੱਖ ਕਾਰਨ ਇਹ ਹੈ ਕਿ ਪੌਦਿਆਂ ਦੇ ਪ੍ਰੋਟੀਨ ਦੇ ਨਾਲ-ਨਾਲ ਫਾਈਬਰ, ਐਂਟੀਆਕਸੀਡੈਂਟ, ਵਿਟਾਮਿਨ, ਖਣਿਜ ਅਤੇ ਸਿਹਤਮੰਦ ਚਰਬੀ ਦੀ ਮਾਤਰਾ ਵੀ ਜ਼ਿਆਦਾ ਹੁੰਦੀ ਹੈ। ਖੋਜਕਰਤਾਵਾਂ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀ ਖੁਰਾਕ ਨਾ ਸਿਰਫ ਮਨੁੱਖੀ ਸਿਹਤ ਲਈ, ਸਗੋਂ ਵਾਤਾਵਰਣ ਲਈ ਵੀ ਫਾਇਦੇਮੰਦ ਹੈ।
ਨੋਟ : ਦੱਸ ਦਈਏ ਕਿ ਉਪਰ ਦਿੱਤੇ ਗਏ ਤੱਥ ਆਮ ਜਾਣਕਾਰੀ ਉਤੇ ਆਧਾਰਿਤ ਹਨ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ
ਟਰੂਡੋ ਸਰਕਾਰ ਦੇ ਹੱਕ 'ਚ ਨਿੱਤਰੇ ਜਗਮੀਤ ਸਿੰਘ, ਆਖੀ ਇਹ ਗੱਲ
NEXT STORY 
