ਸਿੰਗਾਪੁਰ (ਭਾਸ਼ਾ)- ਸਿੰਗਾਪੁਰ ਦੇ ਇੱਕ ਕੈਸੀਨੋ ਵਿੱਚ 34 ਵਾਰ ਹੋਰ ਜੂਏਬਾਜ਼ਾਂ ਦਾ ਨਕਦੀ ਟੋਕਨ ਚੋਰੀ ਕਰਨ ਦੇ ਦੋਸ਼ ਵਿੱਚ ਭਾਰਤੀ ਮੂਲ ਦੇ ਇੱਕ ਵਿਅਕਤੀ ਨੂੰ ਸ਼ੁੱਕਰਵਾਰ ਨੂੰ 5 ਹਫ਼ਤਿਆਂ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ। ਚੈਨਲ ਨਿਊਜ਼ ਏਸ਼ੀਆ ਨੇ ਆਪਣੀਆਂ ਰਿਪੋਰਟਾਂ ਵਿਚ ਕਿਹਾ ਹੈ ਕਿ ਦੋਸ਼ੀ ਚਿਨਾਸਾਮੀ ਮੁਨੀਰਾਜ (26) ਨੂੰ ਅਦਾਲਤ ਨੇ ਦੋਸ਼ੀ ਪਾਇਆ ਹੈ। ਉਸ 'ਤੇ ਹੋਰ ਜੂਏਬਾਜ਼ਾਂ ਵੱਲੋਂ ਜਿੱਤੇ ਗਏ 175 ਸਿੰਗਾਪੁਰ ਡਾਲਰ (126 ਅਮਰੀਕੀ ਡਾਲਰ) ਦੀ ਚੋਰੀ ਦਾ ਦੋਸ਼ ਹੈ, ਜਿਸ ਵਿੱਚ ਉਸਨੂੰ ਦੋਸ਼ੀ ਮੰਨਿਆ ਗਿਆ ਹੈ।
ਅਦਾਲਤ ਵਿੱਚ ਦਲੀਲ ਦਿੱਤੀ ਗਈ ਕਿ ਨਿਰਮਾਣ ਖੇਤਰ ਵਿੱਚ ਕੰਮ ਕਰਨ ਵਾਲੇ ਚਿਨਾਸਾਮੀ ਇਸ ਸਾਲ ਜੁਲਾਈ ਵਿੱਚ ਚਾਰ ਦਿਨਾਂ ਲਈ ਬੇਫਰੰਟ ਐਵੇਨਿਊ ਸਥਿਤ ਮਰੀਨਾ ਬੇ ਸੈਂਡ ਕੈਸੀਨੋ ਵਿੱਚ ਗਿਆ ਸੀ। ਇਨ੍ਹਾਂ ਸਾਰੇ ਦਿਨਾਂ ਵਿਚ ਉਸ ਨੇ ਟੋਕਨ ਖ਼ਤਮ ਹੋਣ ਤੋਂ ਬਾਅਦ ਦੂਜੇ ਲੋਕਾਂ ਦੇ ਨਕਦ ਟੋਕਨ ਚੋਰੀ ਕੀਤੇ। ਇਸ ਸਾਲ 10 ਤੋਂ 14 ਜੁਲਾਈ ਦੇ ਵਿਚਕਾਰ ਚਿਨਾਸਾਮੀ ਨੇ 34 ਮੌਕਿਆਂ 'ਤੇ 845 ਸਿੰਗਾਪੁਰ ਡਾਲਰ ਮੁੱਲ ਦੇ ਨਕਦ ਟੋਕਨ ਚੋਰੀ ਕੀਤੇ।
ਇਸ ਸਾਲ 10 ਜੁਲਾਈ ਨੂੰ ਅੱਧੀ ਰਾਤ ਤੋਂ ਬਾਅਦ ਇੱਕ ਵਜੇ ਦੇ ਕਰੀਬ ਉਹ ਕੈਸੀਨੋ ਵਿੱਚ ‘ਸਿਕ-ਬੋ’ ਦੀ ਖੇਡ ਖੇਡ ਰਿਹਾ ਸੀ। ਉਸ ਨੇ ਡੀਲਰ ਨੂੰ ਝੂਠ ਬੋਲਿਆ ਕਿ ਉਹ ਸੱਟਾ ਜਿੱਤ ਗਿਆ ਹੈ। ਹਾਲਾਂਕਿ, ਜਿੱਤਣ ਵਾਲੀ ਬਾਜ਼ੀ ਅਸਲ ਵਿੱਚ ਕਿਸੇ ਹੋਰ ਜੂਏਬਾਜ਼ ਨੇ ਲਗਾਈ ਸੀ। ਅਖ਼ਬਾਰ ਦੀਆਂ ਖ਼ਬਰਾਂ ਵਿਚ ਚਿਨਾਸਾਮੀ ਦੀ ਕੌਮੀਅਤ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਉਸ ਨੂੰ 14 ਜੁਲਾਈ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
ਨੇਪਾਲ ਚੋਣ: ਬਾਲੀਵੁੱਡ ਅਦਾਕਾਰਾ ਮਨੀਸ਼ਾ ਕੋਇਰਾਲਾ ਹਿੰਦੂ ਸਮਰਥਕ ਪਾਰਟੀ ਦੇ ਹੱਕ ’ਚ ਕਰੇਗੀ ਪ੍ਰਚਾਰ
NEXT STORY 
