ਇੰਟਰਨੈਸ਼ਨਲ ਡੈਸਕ: ਆਸਟ੍ਰੇਲੀਆ ਵਿਖੇ ਕੁਈਨਜ਼ਲੈਂਡ ਸੂਬੇ ਵਿਚ ਇਕ ਮਗਰਮੱਛ ਨੇ ਸ਼ਖਸ 'ਤੇ ਅਚਾਨਕ ਹਮਲਾ ਕਰ ਿਦੱਤਾ। ਕੁਈਨਜ਼ਲੈਂਡ ਦੇ ਇੱਕ ਦੂਰ-ਦੁਰਾਡੇ ਕੈਂਪਗ੍ਰਾਉਂਡ ਨੇੜੇ ਮਗਰਮੱਛ ਦੁਆਰਾ ਹਮਲਾ ਕੀਤੇ ਜਾਣ ਤੋਂ ਬਾਅਦ ਸ਼ਖਸ ਹਸਪਤਾਲ ਵਿੱਚ ਠੀਕ ਹੋ ਰਿਹਾ ਹੈ। ਚੰਗੀ ਕਿਸਮਤ ਨਾਲ 44 ਸਾਲਾ ਵਿਅਕਤੀ 4.5 ਮੀਟਰ ਦੇ ਮਗਰਮੱਛ ਨਾਲ ਲੜ ਕੇ ਆਪਣੀ ਜਾਨ ਬਚਾਉਣ ਵਿਚ ਕਾਮਯਾਬ ਰਿਹਾ, ਜਦੋਂ ਉਹ ਕੁੱਕਟਾਊਨ ਵਿੱਚ ਮੱਛੀਆਂ ਫੜਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਕੁਈਨਜ਼ਲੈਂਡ ਐਂਬੂਲੈਂਸ ਸੇਵਾ ਦੀ ਵੈਲੇਰੀ ਨੋਬਲ ਨੇ ਦੱਸਿਆ ਕਿ ਮਗਰਮੱਛ ਨੇ ਹਮਲਾ ਕਰਨ ਦੌਰਾਨ ਸ਼ਖ਼ਸ ਨੂੰ ਤਿੰਨ ਵਾਰ ਕੱਟਿਆ ਅਤੇ ਉਸਨੂੰ ਹੇਠਾਂ ਤੱਕ ਖਿੱਚਿਆ।" ਸ਼ਖ਼ਸ ਨੇ ਹਿੰਮਤ ਨਾ ਹਾਰਦਿਆਂ ਆਪਣੀ ਜਾਨ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ। ਉਸ ਨੇ ਮਗਰਮੱਛ ਦੀਆਂ ਅੱਖਾਂ ਵਿੱਚ ਆਪਣੀਆਂ ਉਂਗਲਾਂ ਨੂੰ ਕਈ ਵਾਰ ਮਾਰਿਆ ਅਤੇ ਕਿਨਾਰੇ ਵੱਲ ਤੈਰ ਕੇ ਪਹੁੰਚਣ ਵਿਚ ਸਫਲ ਰਿਹਾ। ਦੱਸਿਆ ਜਾਂਦਾ ਹੈ ਕਿ ਸ਼ਨੀਵਾਰ ਦੁਪਹਿਰ ਆਰਚਰ ਪੁਆਇੰਟ ਕੈਂਪ ਮੈਦਾਨ ਨੇੜੇ ਸ਼ਖ਼ਸ 'ਤੇ ਹਮਲਾ ਕੀਤਾ ਗਿਆ ਸੀ।ਹੈਲੀਕਾਪਟਰ ਦੁਆਰਾ ਸ਼ਖਸ ਨੂੰ ਕੇਰਨਜ਼ ਹਸਪਤਾਲ ਲੈ ਜਾਣ ਤੋਂ ਪਹਿਲਾਂ, ਬਚਾਅ ਅਮਲੇ ਨੂੰ ਉਸ ਦਾ ਮੁੱਢਲਾ ਇਲਾਜ ਕੀਤਾ। ਮਗਰਮੱਛ ਦੇ ਤੇਜ਼ ਹਮਲੇ ਵਿਚ ਸ਼ਖਸ ਨੂੰ ਕਈ ਫ੍ਰੈਕਚਰ ਹੋਏ, ਨਾਲ ਹੀ ਉਸ ਦੇ ਸਿਰ, ਢਿੱਡ ਅਤੇ ਲੱਤ ਵਿੱਚ ਗੰਭੀਰ ਸੱਟਾਂ ਲੱਗੀਆਂ। ਬਹੁਤ ਸਾਰੇ ਲੋਕਾਂ ਨੇ ਵਿਅਕਤੀ ਨੂੰ ਖੁਸ਼ਕਿਸਮਤ ਦੱਸਿਆ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ : 2 ਸਾਲਾ ਮਾਸੂਮ ਦੀ ਮਿਲੀ ਲਾਸ਼, ਪਿਤਾ 'ਤੇ ਲੱਗੇ ਕਤਲ ਦੇ ਦੋਸ਼
ਜਾਣਕਾਰੀ ਮੁਤਾਬਕ 44 ਸਾਲਾ ਵਿਅਕਤੀ ਦੀ ਹਾਲਤ ਸਥਿਰ ਹੈ। ਹਮਲੇ ਨੇ ਕੁੱਕ ਸ਼ਾਇਰ ਦੇ ਮੇਅਰ ਪੀਟਰ ਸਕਾਟ ਨੂੰ ਭਵਿੱਖ ਦੇ ਕੈਂਪਰਾਂ ਨੂੰ ਮਸ਼ਹੂਰ ਸਪੀਅਰਫਿਸ਼ਿੰਗ ਸਥਾਨ 'ਤੇ ਪਾਣੀ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਰੇਂਜਰਾਂ ਨਾਲ ਗੱਲ ਕਰਨ ਅਤੇ ਚੇਤਾਵਨੀ ਦੇਣ ਲਈ ਪ੍ਰੇਰਿਆ।" ਉਸਨੇ ਕਿਹਾ ਕਿ ਵਾਤਾਵਰਣ ਅਤੇ ਵਿਗਿਆਨ ਵਿਭਾਗ, ਕੁਈਨਜ਼ਲੈਂਡ ਹਮਲੇ ਦੀ ਜਾਂਚ ਕਰੇਗਾ ਅਤੇ ਪੁਸ਼ਟੀ ਕਰੇਗਾ ਕੀ ਮਗਰਮੱਛ ਅਜੇ ਵੀ ਖੇਤਰ ਵਿੱਚ ਹੈ ਜਾਂ ਨਹੀਂ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਟਲੀ : ਲੋਧੀ ਸ਼ਹਿਰ 'ਚ ਖਾਲਸਾ ਸਾਜਨਾ ਦਿਵਸ ਨੂੰ ਸਮਰਪਿਤ ਸਜਾਇਆ ਗਿਆ ਨਗਰ ਕੀਰਤਨ
NEXT STORY 
