ਜੁਬਾ (ਬਿਊਰੋ): ਅਫ਼ਰੀਕੀ ਦੇਸ਼ ਦੱਖਣੀ ਸੂਡਾਨ ਵਿੱਚ ਇੱਕ ਭੇਡ ਨੂੰ ਕਤਲ ਦੇ ਦੋਸ਼ ਵਿੱਚ 3 ਸਾਲ ਲਈ ਜੇਲ੍ਹ ਭੇਜਣ ਦਾ ਅਨੋਖਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਭੇਡ 'ਤੇ ਇਕ ਬਜ਼ੁਰਗ ਔਰਤ ਅਧਿਆਊ ਚੱਪਿੰਗ (45) ਨੂੰ ਆਪਣੇ ਸਿੰਙਾਂ ਨਾਲ ਮਾਰਨ ਦਾ ਦੋਸ਼ੀ ਪਾਇਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਭੇਡ ਨੇ ਔਰਤ ਦੀ ਛਾਤੀ 'ਤੇ ਕਈ ਵਾਰ ਕੀਤੇ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਭੇਡ ਨੂੰ ਹੁਣ ਸਜ਼ਾ ਦੇ ਤੌਰ 'ਤੇ ਫ਼ੌਜ ਦੇ ਕੈਂਪ ਵਿਚ ਤਿੰਨ ਸਾਲ ਤੱਕ ਸੇਵਾ ਕਰਨੀ ਪਵੇਗੀ।
ਦੱਖਣੀ ਸੂਡਾਨ ਦੇ ਬਜ਼ੁਰਗਾਂ ਨੇ ਦੋਸ਼ੀ ਭੇਡਾਂ ਨੂੰ ਸਜ਼ਾ ਸੁਣਾਈ ਹੈ। ਦੂਜੇ ਪਾਸੇ ਪੀੜਤ ਪਰਿਵਾਰ ਵੱਲੋਂ ਦੱਸਿਆ ਗਿਆ ਹੈ ਕਿ ‘ਖੂਨ ਦੇ ਬਦਲੇ ਖੂਨ’ ਦੇ ਨਿਯਮ ਤਹਿਤ ਭੇਡ ਦੇ ਮਾਲਕ ਵੱਲੋਂ 5 ਗਊਆਂ ਵੀ ਮੁਆਵਜ਼ੇ ਵਜੋਂ ਦਿੱਤੀਆਂ ਜਾਣਗੀਆਂ। ਪੁਲਸ ਅਧਿਕਾਰੀ ਇਲੀਜਾਹ ਮੇਬੋਰ ਨੇ ਸੂਡਾਨ ਦੇ ਆਈ ਰੇਡੀਓ ਨੂੰ ਦੱਸਿਆ ਕਿ ਭੇਡਾਂ ਨੇ ਔਰਤ ਦੀਆਂ ਪਸਲੀਆਂ 'ਤੇ ਹਮਲਾ ਕੀਤਾ ਅਤੇ ਬਜ਼ੁਰਗ ਔਰਤ ਦੀ ਤੁਰੰਤ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਇਹ ਘਟਨਾ ਰੂਮਬੇਕ ਪੂਰਬੀ ਇਲਾਕੇ ਵਿੱਚ ਵਾਪਰੀ।
ਪੜ੍ਹੋ ਇਹ ਅਹਿਮ ਖ਼ਬਰ- ਹੈਰਾਨੀਜਨਕ! ਲੱਖਾਂ ਰੁਪਏ ਖਰਚ ਕੇ ਸ਼ਖ਼ਸ ਬਣ ਗਿਆ 'ਕੁੱਤਾ', ਵੀਡੀਓ ਵਾਇਰਲ
ਅਫਰੀਕਾ 'ਚ ਗਾਂ ਇਕ ਸੰਪੱਤੀ ਵਾਂਗ
ਮੇਬੋਰ ਨੇ ਕਿਹਾ ਕਿ ਪੁਲਸ ਵਜੋਂ ਸਾਡੀ ਭੂਮਿਕਾ ਸੁਰੱਖਿਆ ਪ੍ਰਦਾਨ ਕਰਨਾ ਅਤੇ ਲੜਾਈ ਨੂੰ ਖ਼ਤਮ ਕਰਨਾ ਹੈ। ਇਸ ਭੇਡ ਨੂੰ ਫੜ ਲਿਆ ਗਿਆ ਹੈ ਅਤੇ ਇਸ ਸਮੇਂ ਪੁਲਸ ਸਟੇਸ਼ਨ ਵਿਚ ਹਿਰਾਸਤ ਵਿਚ ਰੱਖਿਆ ਗਿਆ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਸਥਾਨਕ ਬਜ਼ੁਰਗਾਂ ਨਾਲ ਗੱਲਬਾਤ ਕਰਕੇ ਦੋਵੇਂ ਪਰਿਵਾਰ ਇਸ ਗੱਲ 'ਤੇ ਸਹਿਮਤ ਹੋਏ ਹਨ ਕਿ ਭੇਡਾਂ ਦੇ ਮਾਲਕ ਨੂੰ ਗਾਂ ਉਨ੍ਹਾਂ ਨੂੰ ਦੇਣੀ ਪਵੇਗੀ। ਅਫ਼ਰੀਕਾ ਵਿੱਚ, ਗਾਂ ਨੂੰ ਇੱਕ ਸੰਪੱਤੀ ਦੇ ਰੂਪ ਵਿੱਚ ਦੇਖਿਆ ਜਾਂਦਾ ਹੈ ਅਤੇ ਬਹੁਤ ਸਾਰੇ ਆਦਿਵਾਸੀ ਕਬੀਲੇ ਇਸ ਲਈ ਲੜਦੇ ਹਨ।
ਇਸ ਭੇਡ ਦੇ ਮਾਲਕ ਦੀ ਪਛਾਣ ਦੁਓਨੇ ਮਨਿਆਂਗ ਵਜੋਂ ਹੋਈ ਹੈ। ਕਾਉਂਟੀ ਦੇ ਪ੍ਰਸ਼ਾਸਕ ਪਾਲ ਅਧੌਂਗ ਜੋਕ ਨੇ ਕਿਹਾ ਕਿ ਭੇਡ ਦਾ ਮਾਲਕ ਅਤੇ ਪੀੜਤ ਦੋਵੇਂ ਨਜ਼ਦੀਕੀ ਰਿਸ਼ਤੇਦਾਰ ਅਤੇ ਗੁਆਂਢੀ ਹਨ। ਇਹ ਵੀ ਸਹਿਮਤੀ ਬਣੀ ਹੈ ਕਿ ਜਦੋਂ ਇਹ ਭੇਡ ਜੇਲ੍ਹ ਤੋਂ ਰਿਹਾਅ ਹੋਵੇਗੀ ਤਾਂ ਇਹ ਮ੍ਰਿਤਕ ਔਰਤ ਦੇ ਪਰਿਵਾਰ ਨੂੰ ਤੋਹਫ਼ੇ ਵਜੋਂ ਦਿੱਤੀ ਜਾਵੇਗੀ। ਦੋਵਾਂ ਪਰਿਵਾਰਾਂ ਨੇ ਪੁਲਸ ਦੇ ਸਾਹਮਣੇ ਸਮਝੌਤੇ 'ਤੇ ਦਸਤਖ਼ਤ ਕਰ ਦਿੱਤੇ ਹਨ।
UAE ਦੇ ਇਕ ਰੈਸਟੋਰੈਂਟ 'ਚ ਹੋਇਆ ਧਮਾਕਾ, ਭਾਰਤੀ ਨਾਗਰਿਕ ਸਮੇਤ 2 ਦੀ ਮੌਤ
NEXT STORY 
