ਲੰਡਨ— ਜਹਾਜ਼ ਦਾ ਸਫਰ ਕਰਨ ਮਗਰੋਂ ਹੋਣ ਵਾਲੀ ਥਕਾਵਟ ਦੇ ਅਸਰ ਨੂੰ ਘੱਟ ਕਰਨ ਲਈ ਖਾਧੀ ਜਾਣ ਵਾਲੀ ਦਵਾਈ, ਕੈਂਸਰ ਦਵਾਈਆਂ ਦੇ ਭਿਆਨਕ ਮਾੜੇ ਪ੍ਰਭਾਵਾਂ ਨੂੰ ਰੋਕ ਸਕਦੀ ਹੈ। ਬ੍ਰਿਟੇਨ ਦੀ ਯੂਨੀਵਰਸਿਟੀ ਆਫ ਇਡਨਬਰਗ ਅਤੇ ਯੂਨੀਵਰਸਿਟੀ ਆਫ ਅਬਰਦੀਨ ਦੇ ਸ਼ੋਧ ਕਰਤਤਾਵਾਂ ਨੇ 'ਮੇਲਾਟੋਨਿਨ' ਨਾਂ ਇਕ ਦਵਾਈ ਦਾ ਪਤਾ ਲਗਾਇਆ ਹੈ, ਜੋ ਨਾੜੀਆਂ ਨੂੰ ਨੁਕਸਾਨ ਪਹੁੰਚਾਉਣ ਵਾਲੀ ਕੀਮੋਥੈਰੇਪੀ ਕਾਰਨ ਹੋਣ ਵਾਲੇ ਦਰਦ ਤੋਂ ਬਚਾਉਣ ਲਈ ਕਾਰਗਰ ਹੈ।
ਇਹ ਦਵਾਈ ਕੀਮੋਥੈਰੇਪੀ ਕਾਰਨ ਨਾੜੀ ਸਿਹਤ 'ਤੇ ਪੈਣ ਵਾਲੇ ਖਤਰਨਾਕ ਪ੍ਰਭਾਵਾਂ ਨੂੰ ਰੋਕ ਦਿੰਦੀ ਹੈ। ਉਨ੍ਹਾਂ ਨੇ ਕੀਮੋਥੈਰੇਪੀ ਕਾਰਨ ਨਾੜੀਆਂ ਵਿਚ ਹੋਣ ਵਾਲੇ ਤੇਜ਼ ਦਰਦ ਦੀ ਇਕ ਸਧਾਰਨ ਹਾਲਤ 'ਤੇ ਧਿਆਨ ਕੇਂਦਰਿਤ ਕੀਤਾ, ਜਿਸ ਕਾਰਨ ਛੂਹਣ ਜਾਂ ਠੰਡੇ ਤਾਪਮਾਨ ਵਿਚ ਕੰਬਣੀ ਅਤੇ ਦਰਦ ਮਹਿਸੂਸ ਹੁੰਦਾ ਹੈ। ਇਹ ਦਰਦ ਇੰਨਾ ਤੇਜ਼ ਹੋ ਸਕਦਾ ਹੈ ਕਿ ਮਰੀਜ਼ ਅੱਧ ਵਿਚਕਾਰ ਹੀ ਕੀਮੋਥੈਰੇਪੀ ਇਲਾਜ ਨੂੰ ਬੰਦ ਵੀ ਕਰ ਸਕਦਾ ਹੈ।
ਕੀਮੋਥੈਰੇਪੀ ਲੈ ਰਹੇ ਲੱਗਭਗ 70 ਫੀਸਦੀ ਮਰੀਜ਼ ਇਸ ਦਰਦ ਨਾਲ ਪ੍ਰਭਾਵਿਤ ਹੁੰਦੇ ਹਨ। ਸ਼ੋਧ ਕਰਤਾਵਾਂ ਨੇ ਆਪਣੀ ਸ਼ੋਧ ਵਿਚ ਦਰਸਾਇਆ ਹੈ ਕੀਮੋਥੈਰੇਪੀ ਤੋਂ ਪਹਿਲਾਂ ਮੇਲਾਟੋਨਿਨ ਦੇਣ ਨਾਲ ਨਾੜੀਆਂ 'ਤੇ ਹਾਨੀਕਾਰਕ ਪ੍ਰਭਾਵਾਂ ਅਤੇ ਦਰਦ ਦੇ ਲੱਛਣਾਂ ਨੂੰ ਵੱਧਣ ਤੋਂ ਰੋਕਿਆ ਜਾ ਸਕਦਾ ਹੈ। ਸ਼ੋਧ ਕਰਤਾਵਾਂ ਨੇ ਕਿਹ ਕਿ ਮੇਲਾਟੋਨਿਨ ਉਦੋਂ ਦਰਦ ਨੂੰ ਘੱਟ ਨਹੀਂ ਕਰਦੀ ਜਦੋਂ ਇਹ ਦਰਦ ਪਹਿਲਾਂ ਤੋਂ ਹੀ ਸ਼ੁਰੂ ਹੋ ਚੁੱਕਾ ਹੋਵੇ। ਇਸ਼ ਲਈ ਜੇ ਇਸ ਦਵਾਈ ਦਾ ਫਾਇਦਾ ਲੈਣਾ ਹੈ ਤਾਂ ਇਸ ਨੂੰ ਸਾਵਧਾਨੀ ਨਾਲ ਸ਼ੁਰੂ ਕਰਨਾ ਚਾਹੀਦਾ ਹੈ।
ਸਸਕਾਟੂਨ 'ਚ ਪਟੜੀ ਤੋਂ ਹੇਠਾਂ ਉਤਰੀ ਮਾਲ ਗੱਡੀ
NEXT STORY