ਟੋਰਾਂਟੋ (ਭਾਸ਼ਾ): ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਚੀਨੀ ਅਦਾਲਤ ਵੱਲੋਂ ਬੁੱਧਵਾਰ ਨੂੰ ਜਾਸੂਸੀ ਦੇ ਮਾਮਲੇ ਵਿਚ ਕੈਨੇਡੀਅਨ ਕਾਰੋਬਾਰੀ ਮਾਈਕਲ ਸਪੈਵਰ ਨੂੰ 11 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਉਣਾ “ਬਿਲਕੁੱਲ ਅਸਵੀਕਾਰਯੋਗ” ਹੈ ਅਤੇ ਉਹਨਾਂ ਨੇ ਤੁਰੰਤ ਸਪੈਵਰ ਦੀ ਰਿਹਾਈ ਦੀ ਮੰਗ ਕੀਤੀ। ਟਰੂਡੋ ਨੇ ਇੱਕ ਬਿਆਨ ਵਿਚ ਕਿਹਾ,“ਮਾਈਕਲ ਸਪੈਵਰ ਨੂੰ ਚੀਨ ਵੱਲੋਂ ਦਿੱਤੀ ਸਜ਼ਾ ਬਿਲਕੁੱਲ ਅਸਵੀਕਾਰਯੋਗ ਅਤੇ ਬੇਇਨਸਾਫੀ ਭਰਪੂਰ ਹੈ। ਉਨ੍ਹਾਂ ਨੇ ਕਿਹਾ,“ਸਪੈਵਰ 'ਤੇ ਫ਼ੈਸਲਾ ਢਾਈ ਸਾਲਾਂ ਤੋਂ ਵੱਧ ਦੀ ਮਨਮਾਨੀ ਨਜ਼ਰਬੰਦੀ, ਕਾਨੂੰਨੀ ਪ੍ਰਕਿਰਿਆ ਵਿਚ ਪਾਰਦਰਸ਼ਿਤਾ ਦੀ ਘਾਟ ਦੇ ਬਾਅਦ ਆਇਆ ਹੈ।ਇਸ ਮੁਕੱਦਮੇ ਨੇ ਅੰਤਰਰਾਸ਼ਟਰੀ ਕਾਨੂੰਨ ਦੁਆਰਾ ਲੋੜੀਂਦੇ ਘੱਟੋ ਘੱਟ ਮਾਪਦੰਡਾਂ ਨੂੰ ਵੀ ਪੂਰਾ ਨਹੀਂ ਕੀਤਾ।”
ਬੀਜਿੰਗ ਵਿਚ ਸੰਯੁਕਤ ਰਾਜ ਦੇ ਦੂਤਾਵਾਸ ਨੇ ਵੀ ਇੱਕ ਬਿਆਨ ਵਿਚ ਸਜ਼ਾ ਦੀ ਨਿੰਦਾ ਕਰਦਿਆਂ ਕਿਹਾ ਕਿ ਸਪੈਵਰ ਅਤੇ ਜਾਸੂਸੀ ਦੇ ਦੋਸ਼ ਵਾਲੇ ਇੱਕ ਹੋਰ ਕੈਨੇਡੀਅਨ ਵਿਰੁੱਧ ਕਾਰਵਾਈ "ਮਨੁੱਖਾਂ ਨੂੰ ਸੌਦੇਬਾਜ਼ੀ ਦੇ ਲਾਭ ਵਜੋਂ ਵਰਤਣ" ਦੀ ਕੋਸ਼ਿਸ਼ ਸੀ।ਜਾਸੂਸੀ ਦੇ ਮਾਮਲੇ ਵਾਸ਼ਿੰਗਟਨ ਅਤੇ ਬੀਜਿੰਗ ਨਾਲ ਜੁੜੇ ਵਿਆਪਕ ਕੂਟਨੀਤਕ ਵਿਵਾਦ ਵਿਚ ਉਲਝੇ ਹੋਏ ਹਨ ਅਤੇ ਸਪੈਵਰ ਨੂੰ ਸਜ਼ਾ ਉਦੋਂ ਸੁਣਾਈ ਗਈ ਜਦੋਂ ਕੈਨੇਡਾ ਦੇ ਵਕੀਲ ਚੀਨੀ ਦੂਰਸੰਚਾਰ ਕੰਪਨੀ ਹੁਵੇਈ (HWT.UL) ਦੇ ਮੁੱਖ ਵਿੱਤੀ ਅਧਿਕਾਰੀ ਦੀ ਨੁਮਾਇੰਦਗੀ ਕਰਦੇ ਹੋਏ ਅਦਾਲਤ ਨੂੰ ਉਸ ਦੀ ਹਵਾਲਗੀ ਨਾ ਕਰਨ ਲਈ ਯਕੀਨ ਦਿਵਾਉਣ ਲਈ ਅੰਤਮ ਦਬਾਅ ਬਣਾਉਂਦੇ ਹਨ।
ਸਪੈਵਰ ਦੇ ਪਰਿਵਾਰ ਨੇ ਇਕ ਬਿਆਨ ਵਿਚ ਕਿਹਾ ਕਿ ਭਾਵੇਕਿ ਅਸੀਂ ਦੋਸ਼ਾਂ ਤੋਂ ਅਸਹਿਮਤ ਹਾਂ ਪਰ ਸਾਨੂੰ ਅਹਿਸਾਸ ਹੈ ਕਿ ਸਪੈਵਰ ਨੂੰ ਘਰ ਲਿਆਉਣ ਦੀ ਪ੍ਰਕਿਰਿਆ ਵਿਚ ਇਹ ਅਗਲਾ ਕਦਮ ਹੈ। ਅਸੀਂ ਇਸ ਚੁਣੌਤੀਪੂਰਨ ਸਮੇਂ ਵਿਚ ਉਹਨਾਂ ਦਾ ਸਮਰਥਨ ਕਰਨਾ ਜਾਰੀ ਰੱਖਾਂਗੇ। ਕੈਨੇਡੀਅਨ ਵਿਦੇਸ਼ ਮੰਤਰੀ ਮਾਰਕ ਗਾਰਨੇਉ ਨੇ ਮੰਗਲਵਾਰ ਨੂੰ ਇੱਕ ਬਿਆਨ ਵਿਚ ਕਿਹਾ,“ਇਹ ਫ਼ੈਸਲਾ ਇੱਕ ਕਾਨੂੰਨੀ ਪ੍ਰਕਿਰਿਆ ਦੇ ਬਾਅਦ ਲਿਆ ਗਿਆ, ਜਿਸ ਵਿਚ ਨਿਰਪੱਖਤਾ ਅਤੇ ਪਾਰਦਰਸ਼ਿਤਾ ਦੋਵਾਂ ਦੀ ਘਾਟ ਸੀ।ਇਹ ਮੁਕੱਦਮਾ ਅੰਤਰਰਾਸ਼ਟਰੀ ਕਾਨੂੰਨ ਦੁਆਰਾ ਲੋੜੀਂਦੇ ਘੱਟੋ ਘੱਟ ਮਾਪਦੰਡਾਂ ਨੂੰ ਪੂਰਾ ਨਹੀਂ ਕਰਦਾ।” ਉਨ੍ਹਾਂ ਨੇ ਕਿਹਾ,“ਅਸੀਂ ਢਾਈ ਸਾਲਾਂ ਦੇ ਵੱਧ ਸਮੇਂ ਤੋਂ ਕਹਿ ਰਹੇ ਹਾਂ ਕਿ ਮਾਈਕਲ ਸਪੈਵਰ ਅਤੇ ਮਾਈਕਲ ਕੋਵਰਿਗ ਦੀ ਨਜ਼ਰਬੰਦੀ ਪੂਰੀ ਤਰ੍ਹਾਂ ਮਨਮਾਨੀ ਹੈ।”
ਪੜ੍ਹੋ ਇਹ ਅਹਿਮ ਖਬਰ- ਚੀਨ ਨੇ ਕੈਨੇਡੀਅਨ ਨਾਗਰਿਕ ਨੂੰ ਸੁਣਾਈ 11 ਸਾਲ ਦੀ ਸਜ਼ਾ
ਸਥਾਨਕ ਮੀਡੀਆ ਦੀ ਖ਼ਬਰ ਅਨੁਸਾਰ, 2018 ਵਿਚ ਚੀਨ ਦੁਆਰਾ ਹਿਰਾਸਤ ਵਿਚ ਲਏ ਗਏ ਕੈਨੇਡੀਅਨ ਮਾਈਕਲ ਸਪੈਵਰ ਨੂੰ ਲਿਓਨਿੰਗ ਸੂਬੇ ਦੀ ਇੱਕ ਚੀਨੀ ਅਦਾਲਤ ਨੇ 11 ਸਾਲ ਕੈਦ ਦੀ ਸਜ਼ਾ ਸੁਣਾਈ।ਸਪੈਵਰ ਨੂੰ ਦੇਸ਼ ਨਿਕਾਲਾ ਦਿੱਤਾ ਜਾਵੇਗਾ ਪਰ ਇਹ ਕਦੋਂ ਸਪੱਸ਼ਟ ਨਹੀਂ ਹੋ ਸਕਿਆ। ਚਾਈਨਾ ਗਲੋਬਲ ਟੈਲੀਵਿਜ਼ਨ ਨੈਟਵਰਕ (ਸੀਜੀਟੀਐਨ) ਦੀ ਰਿਪੋਰਟ ਅਨੁਸਾਰ ਸਥਾਨਕ ਅਦਾਲਤ ਨੇ ਇਹ ਵੀ ਕਿਹਾ ਕਿ ਸਪੈਵਰ ਦੀ ਨਿੱਜੀ ਸੰਪਤੀ ਦੇ 50,000 ਯੂਆਨ ਜ਼ਬਤ ਕਰ ਲਏ ਜਾਣਗੇ। ਚੀਨ ਨੇ ਹੁਵੇਈ ਦੇ ਮੁੱਖ ਵਿੱਤੀ ਅਧਿਕਾਰੀ ਮੇਂਗ ਵਾਨਝੌਉ ਨੂੰ ਵੈਨਕੂਵਰ ਵਿਚ ਗ੍ਰਿਫ਼ਤਾਰ ਕੀਤੇ ਜਾਣ ਦੇ ਕੁਝ ਦਿਨਾਂ ਬਾਅਦ ਸਪੈਵਰ ਨੂੰ ਹਿਰਾਸਤ ਵਿਚ ਲਿਆ। ਸਪੈਵਰ ਦੇ ਨਾਲ, ਇੱਕ ਹੋਰ ਕੈਨੇਡੀਅਨ ਨਾਗਰਿਕ ਮਾਈਕਲ ਕੋਵਰਿਗ ਨੂੰ ਹਿਰਾਸਤ ਵਿਚ ਲਿਆ ਗਿਆ ਸੀ। ਕੋਵ੍ਰਿਗ ਵੀ ਆਪਣੇ ਮੁਕੱਦਮੇ ਦੇ ਬਾਅਦ ਫ਼ੈਸਲੇ ਦੀ ਉਡੀਕ ਕਰ ਰਿਹਾ ਹੈ, ਜੋ ਮਾਰਚ ਵਿਚ ਖ਼ਤਮ ਹੋਇਆ ਸੀ।
‘ਅਫ਼ਗਾਨਿਸਤਾਨ ’ਚ ਤਾਲਿਬਾਨ ਦਾ ਕਹਿਰ, 9 ਜੁਲਾਈ ਤੋਂ ਹੁਣ ਤੱਕ 183 ਲੋਕਾਂ ਦੀ ਮੌਤ’
NEXT STORY 
