ਚੰਡੀਗੜ੍ਹ — ਹਿੱਚਕੀ ਦੀ ਬਿਮਾਰੀ ਸਰੀਰ 'ਚ ਗੈਸ ਦੇ ਵਾਧੇ ਕਾਰਨ ਪੈਦਾ ਹੁੰਦੀ ਹੈ। ਇਸ ਬਿਮਾਰੀ 'ਚ ਵੱਧੀ ਹੋਈ ਗੈਸ ਜਦੋਂ ਉੱਪਰ ਵੱਲ ਆ ਕੇ ਸਾਹ ਪ੍ਰਣਾਲੀ ਉੱਤੇ ਭਾਰ ਪਾਉਂਦੀ ਹੋਈ ਛਾਤੀ ਤੋਂ ਹੁੰਦੀ ਹੋਈ ਗਲੇ ਤੋਂ ਨਿਕਲਦੀ ਹੈ। ਉਸ ਵੇਲੇ ਹਿੱਕ-ਹਿੱਕ ਦੀ ਆਵਾਜ਼ ਆਉਣ ਲੱਗਦੀ ਹੈ। ਜਿਸ ਨੂੰ ਹਿੱਚਕੀ ਦੀ ਬਿਮਾਰੀ ਕਿਹਾ ਜਾਂਦਾ ਹੈ। ਇਸ ਨੂੰ ਤੁਸੀਂ ਘਰੇਲੂ ਢੰਗਾਂ ਨਾਲ ਸਹੀ ਕਰ ਸਕਦੇ ਹੋ।
ਇਲਾਜ — ਅਜਿਹੀ ਹਾਲਤ 'ਚ ਦਿਮਾਗ਼ ਨੂੰ ਠੰਡਾ ਕਰਨ ਵਾਲੇ ਇਲਾਜ ਅਤੇ ਗੈਸ ਨੂੰ ਦੂਰ ਕਰਨ ਵਾਲੀਆਂ ਵੱਖ-ਵੱਖ ਦਵਾਈਆਂ ਲਾਭਕਾਰੀ ਪ੍ਰਭਾਵ ਪਾਉਂਦੀਆਂ ਹਨ। ਲੌਂਗ ਭੁੰਨ ਕੇ ਮੂੰਹ 'ਚ ਰੱਖ ਕੇ ਚੂਸਣਾ ਚਾਹੀਦਾ ਹੈ।
- ਆਂਵਲੇ ਦਾ ਮੁਰੱਬਾ ਖਾਣ ਨਾਲ ਹਿੱਚਕੀ ਬੰਦ ਹੋ ਜਾਂਦੀ ਹੈ।
- ਤੁਲਸੀ ਦੇ ਪੱਤਿਆਂ ਦੇ ਰਸ 10 ਗ੍ਰਾਮ , 5 ਗ੍ਰਾਮ ਸ਼ਹਿਦ 'ਚ ਮਿਲਾ ਕੇ ਖਾਣ ਨਾਲ ਹਿੱਚਕੀ ਠੀਕ ਹੁੰਦੀ ਹੈ।
- ਮੂਲੀ ਦੇ ਤਾਜੇ ਨਰਮ ਪੱਤੇ ਖਾਣ ਜਾਂ ਮੂਲੀ ਦੇ ਪੱਤਿਆਂ ਦਾ ਰਸ 10 ਗਰਾਮ ਪੀਣ ਨਾਲ ਹਿੱਚਕੀ ਠੀਕ ਹੁੰਦੀ ਹੈ।
- ਰਾਈ 1 ਤੋਲਾ ਪਾਣੀ 'ਚ ਪੀਸ ਕੇ ਛਾਣ ਕੇ ਪਿਲਾਉ। ਹਿੱਚਕੀ ਭਾਵੇਂ ਕਿਸੇ ਕਾਰਨ ਵੀ ਆ ਰਹੀ ਹੋਵੇ। ਇਸ ਦੀ ਵਰਤੋਂ ਨਾਲ ਬੰਦ ਹੋ ਜਾਵੇਗੀ।
- ਮੋਰ ਖੰਡ ਨੂੰ ਸਾੜ ਕੇ 2 ਰੱਤੀ ਦਿਨ 'ਚ ਤਿੰਨ ਵਾਰ ਗੁੜ ਜਾਂ ਗੰਨੇ ਦੇ ਰਸ ਨਾਲ ਖਾਣ ਨਾਲ ਲਾਭ ਹੁੰਦਾ ਹੈ।
- 10 ਗ੍ਰਾਮ ਗੁੜ 'ਚ ਥੋੜ੍ਹੀ ਜਿਹੀ ਹਿੰਗ ਮਿਲਾ ਕੇ ਖਾਣ ਨਾਲ ਹਿੱਚਕੀ ਬੰਦ ਹੋ ਜਾਂਦੀ ਹੈ।
- ਕਾਗਜ਼ੀ ਨਿੰਬੂ ਦੇ 10 ਗ੍ਰਾਮ ਰਸ 'ਚ ਸ਼ਹਿਦ ਅਤੇ ਥੋੜ੍ਹਾ ਜਿਹਾ ਲੂਣ ਮਿਲਾ ਕੇ ਚੱਟਣ ਨਾਲ ਹਿੱਚਕੀ ਬੰਦ ਹੋ ਜਾਂਦੀ ਹੈ।
- ਅੱਕ ਦੇ 1 ਗ੍ਰਾਮ ਚੂਰਨ ਨੂੰ 10 ਗ੍ਰਾਮ ਸ਼ਹਿਦ 'ਚ ਮਿਲਾ ਕੇ ਚੱਟ ਕੇ ਖਾਣ ਨਾਲ ਹਿੱਚਕੀ ਬੰਦ ਹੁੰਦੀ ਹੈ।
- ਜੇ ਕਬਜ਼ ਦੀ ਸ਼ਿਕਾਇਤ ਲਗਾਤਾਰ ਬਣੀ ਰਹੇ ਤਾਂ ਤ੍ਰਿਫ਼ਲਾ ਚੂਰਨ ਰਾਤ ਨੂੰ ਸੌਣ ਵੇਲੇ ਇਕ ਚਮਚਾ ਗਰਮ ਪਾਣੀ ਨਾਲ ਖਾਣ ਨਾਲ ਹਿੱਚਕੀਆਂ ਬੰਦ ਹੁੰਦੀਆਂ ਹਨ।
- ਪਿਆਜ਼ ਦੇ 10 ਗ੍ਰਾਮ ਰਸ ਨੂੰ 10 ਗ੍ਰਾਮ ਸ਼ਹਿਦ 'ਚ ਮਿਲਾ ਕੇ ਖਾਣ ਨਾਲ ਹਿੱਚਕੀ ਛੇਤੀ ਬੰਦ ਹੋ ਜਾਂਦੀ ੈਹੈ।
- ਕਾਲੀ ਮਿਰਚ ਨੂੰ ਤਵੇ 'ਤੇ ਭੁੰਨ ਕੇ ਉਸ ਦਾ ਧੂੰਆਂ ਸੁੰਘਣ ਨਾਲ ਹਿੱਚਕੀਆਂ ਬੰਦ ਹੁੰਦੀਆਂ ਹਨ।
- 100 ਗ੍ਰਾਮ ਪਾਣੀ 'ਚ ਇਲਾਚੀ ਦੇ ਪੰਜ ਦਾਣੇ ਉਬਾਲ ਕੇ, ਛਾਣ ਕੇ ਥੋੜ੍ਹਾ-ਥੋੜ੍ਹਾ ਪੀਣ ਨਾਲ ਹਿੱਚਕੀ ਬੰਦ ਹੋ ਜਾਂਦੀ ਹੈ।
- 3 ਗ੍ਰਾਮ ਤ੍ਰਿਫ਼ਲਾ ਚੂਰਨ ਗਾਂ ਦੇ ਮੂਤਰ ਨਾਲ ਖਾਣ ਨਾਲ ਹਿੱਚਕੀ ਬੰਦ ਹੁੰਦੀ ਹੈ।
- ਰਾਈ 20 ਗ੍ਰਾਮ, 200 ਗ੍ਰਾਮ ਪਾਣੀ 'ਚ ਉਬਾਲ ਕੇ, ਛਾਣ ਕੇ ਥੋੜ੍ਹਾ-ਥੋੜ੍ਹਾ ਪੀਣ ਨਾਲ ਹਿੱਚਕੀ ਬੰਦ ਹੋ ਜਾਂਦੀ ਹੈ।
- ਖਜ਼ੂਰ ਦੀ ਗਿਟਕ ਦੇ 3 ਗ੍ਰਾਮ ਚੂਰਨ 'ਚ 3 ਗ੍ਰਾਮ ਪਿੱਪਲੀ ਦਾ ਚੂਰਨ ਮਿਲਾ ਕੇ ਸ਼ਹਿਦ ਨਾਲ ਚੱਟੋਗੇ ਤਾਂ ਤੁਹਾਨੂੰ ਫਾਇਦਾ ਮਿਲੇਗਾ।
- ਅੰਬ ਦੇ ਸੁੱਕੇ ਪੱਤਿਆਂ ਨੂੰ ਸਾੜ ਕੇ ਉਸ ਦਾ ਧੂੰਆ ਸੁੰਘਣ ਨਾਲ ਹਿੱਚਕੀ ਬੰਦ ਹੋ ਜਾਂਦੀ ਹੈ।
ਬਗੀਚੇ ਲਈ ਜਗ੍ਹਾ ਨਾ ਮਿਲੇ ਤਾਂ ਘਰ ਸਜਾਓ 'ਹੈਂਗਿੰਗ ਗਾਰਡਨ' ਨਾਲ
NEXT STORY 
