ਵੈੱਬ ਡੈਸਕ- ਅੱਜ ਦੇ ਸਮੇਂ ’ਚ ਔਰਤਾਂ ਅਤੇ ਮੁਟਿਆਰਾਂ ਅਜਿਹੀ ਡਰੈੱਸ ਦੀ ਤਲਾਸ਼ ’ਚ ਰਹਿੰਦੀਆਂ ਹਨ, ਜੋ ਨਾ ਸਿਰਫ ਉਨ੍ਹਾਂ ਨੂੰ ਸੁੰਦਰ ਦਿਖਾਏ, ਸਗੋਂ ਪਹਿਨਣ ’ਚ ਆਰਾਮਦਾਇਕ ਅਤੇ ਸਟਾਈਲਿਸ਼ ਵੀ ਹੋਵੇ। ਇਸੇ ਲੋੜ ਨੂੰ ਇਨ੍ਹੀਂ ਦਿਨੀਂ ’ਚ ਡਾਰਕ ਸ਼ੇਡ ’ਤੇ ਵ੍ਹਾਈਟ ਥ੍ਰੈੱਡ ਵਰਕ ਵਾਲੇ ਆਊਟਫਿਟਸ ਪੂਰਾ ਕਰ ਰਹੇ ਹਨ। ਗੂੜ੍ਹੇ ਰੰਗਾਂ ਦੇ ਕੱਪੜਿਆਂ ’ਤੇ ਹਲਕੇ ਧਾਗਿਆਂ ਦੀ ਬਾਰੀਕ ਐਂਬ੍ਰਾਇਡਰੀ ਅੱਜ ਫੈਸ਼ਨ ਦੀ ਦੁਨੀਆ ’ਚ ਸਭ ਤੋਂ ਜ਼ਿਆਦਾ ਪਸੰਦ ਕੀਤੀ ਜਾ ਰਹੀ ਹੈ।
ਐਂਬ੍ਰਾਇਡਰੀ ’ਚ ਥ੍ਰੈੱਡ ਵਰਕ ਹਮੇਸ਼ਾ ਤੋਂ ਟ੍ਰੈਂਡ ’ਚ ਰਿਹਾ ਹੈ, ਪਰ ਵ੍ਹਾਈਟ ਥ੍ਰੈੱਡ ਵਰਕ ਦੀ ਆਪਣੀ ਇਕ ਵੱਖਰੀ ਪਛਾਣ ਹੈ। ਇਸ ਦੀ ਸਭ ਤੋਂ ਵੱਡੀ ਖ਼ਾਸਸੀਅਤ ਇਹ ਹੈ ਕਿ ਇਹ ਛੇਤੀ ਖਰਾਬ ਨਹੀਂ ਹੁੰਦਾ ਅਤੇ ਲੰਬੇ ਸਮੇਂ ਤੱਕ ਨਵਾਂ ਜਿਹਾ ਦਿਸਦਾ ਹੈ। ਮੇਂਟੇਨੈਂਸ ਵੀ ਆਸਾਨ ਹੁੰਦੀ ਹੈ। ਡਾਰਕ ਫੈਬਰਿਕ ’ਤੇ ਵ੍ਹਾਈਟ ਧਾਗੇ ਦਾ ਕੰਟ੍ਰਾਸਟ ਇੰਨਾ ਖੂਬਸੂਰਤ ਲੱਗਦਾ ਹੈ ਕਿ ਸਿੰਪਲ ਜਿਹੀ ਡਰੈੱਸ ਵੀ ਰਾਇਲ ਲੱਗਣ ਲੱਗਦੀ ਹੈ। ਇਹੋ ਕਾਰਨ ਹੈ ਕਿ ਔਰਤਾਂ ਅਤੇ ਮੁਟਿਆਰਾਂ ਆਫਿਸ, ਕਾਲਜ, ਪਾਰਟੀ ਅਤੇ ਰੋਜ਼ਾਨਾ ਵਰਤੋਂ ਲਈ ਵੀ ਇਸ ਤਰ੍ਹਾਂ ਦੇ ਆਊਟਫਿਟਸ ਨੂੰ ਚੁਣ ਰਹੀਆਂ ਹਨ। ਵ੍ਹਾਈਟ ਥ੍ਰੈੱਡ ਵਰਕ ਸਿਰਫ ਇਕ ਤਰ੍ਹਾਂ ਦੇ ਕੱਪੜੇ ਤੱਕ ਸੀਮਤ ਨਹੀਂ ਹੈ।
ਇੰਡੀਅਨ ਵੀਅਰ ਦੀ ਗੱਲ ਕਰੀਏ ਤਾਂ ਸਾੜ੍ਹੀ, ਸੂਟ, ਲਹਿੰਗਾ, ਚੋਲੀ, ਅਨਾਰਕਲੀ ਅਤੇ ਸ਼ਰਾਰਾ ਸੂਟ ’ਚ ਇਹ ਖੂਬ ਦਿਖਾਈ ਦੇ ਰਿਹਾ ਹੈ। ਖਾਸ ਕਰ ਕੇ ਬਲੈਕ, ਰੈੱਡ, ਮੈਰੂਨ, ਗ੍ਰੀਨ ਅਤੇ ਨੇਵੀ ਬਲੂ ਵਰਗੀਆਂ ਡਾਰਕ ਸਾੜ੍ਹੀਆਂ ’ਤੇ ਵ੍ਹਾਈਟ ਐਂਬ੍ਰਾਇਡਰੀ ਚਾਰ ਚੰਨ ਲਾ ਦਿੰਦੀ ਹੈ। ਸੂਟ ਦੀ ਨੈੱਕਲਾਈਨ, ਘੇਰੇ ਅਤੇ ਸਲੀਵਜ਼ ’ਤੇ ਫੁੱਲ, ਪੱਤੀ ਅਤੇ ਵੇਲ ਦੇ ਡਿਜ਼ਾਈਨ ਇਸ ਨੂੰ ਹੋਰ ਆਕਰਸ਼ਕ ਬਣਾਉਂਦੇ ਹਨ। ਉੱਥੇ ਹੀ, ਵੈਸਟਰਨ ਵੀਅਰ ’ਚ ਵੀ ਇਸ ਦਾ ਕ੍ਰੇਜ਼ ਵਧਿਆ ਹੈ। ਫਰਾਕ, ਮੈਕਸੀ ਡਰੈੱਸ, ਟਾਪ ਦੇ ਨਾਲ-ਨਾਲ ਪੈਂਟ, ਸ਼ਾਰਟਸ ਅਤੇ ਸਕਰਟ ਵਰਗੇ ਬਾਟਮ ਵੀਅਰ ’ਚ ਵੀ ਵ੍ਹਾਈਟ ਥ੍ਰੈੱਡ ਵਰਕ ਦੇਖਣ ਨੂੰ ਮਿਲ ਰਿਹਾ ਹੈ। ਕਈ ਡਿਜ਼ਾਈਨਰਜ਼ ਇਸ ਦੇ ਨਾਲ ਮਿਰਰ ਵਰਕ ਅਤੇ ਛੋਟੇ ਸਟੋਨ ਵੀ ਜੋੜ ਰਹੇ ਹਨ, ਜਿਸ ਨਾਲ ਆਊਟਫਿਟ ਦੀ ਚਮਕ ਦੁਗਣੀ ਹੋ ਜਾਂਦੀ ਹੈ।
ਵ੍ਹਾਈਟ ਥ੍ਰੈੱਡ ਵਰਕ ਵਾਲੀ ਕੁੜਤੀ ਜਾਂ ਟਾਪ ਨੂੰ ਵ੍ਹਾਈਟ ਬਾਟਮ ਦੇ ਨਾਲ ਪੇਅਰ ਕਰ ਕੇ ਮੁਟਿਆਰਾਂ ਐਲੀਗੈਂਟ ਲੁੱਕ ਪਾ ਸਕਦੀਆਂ ਹਨ। ਉੱਥੇ ਹੀ, ਹੈਵੀ ਥ੍ਰੈੱਡ ਵਰਕ ਵਾਲਾ ਅਨਾਰਕਲੀ ਜਾਂ ਲਹਿੰਗਾ ਚੋਲੀ ਫੈਸਟਿਵ ਅਤੇ ਵੈਡਿੰਗ ਫੰਕਸ਼ਨ ਲਈ ਬੈਸਟ ਬਦਲ ਹੈ। ਸਟੂਡੈਂਟਸ ਤੋਂ ਲੈ ਕੇ ਕੰਮਕਾਜੀ ਔਰਤਾਂ ਤੱਕ, ਹਰ ਉਮਰ ਦੀਆਂ ਔਰਤਾਂ ਇਸ ਨੂੰ ਆਪਣੇ ਵਾਰਡਰੋਬ ਦਾ ਹਿੱਸਾ ਬਣਾ ਰਹੀਆਂ ਹਨ, ਕਿਉਂਕਿ ਇਹ ਕੰਫਰਟ ਦੇ ਨਾਲ ਸਟਾਈਲ ਵੀ ਦਿੰਦਾ ਹੈ। ‘ਡਾਰਕ ਡਰੈੱਸ ਪਲੱਸ ਵ੍ਹਾਈਟ ਵਰਕ’ ਦਾ ਕੰਬੀਨੇਸ਼ਨ ਫੈਸ਼ਨ ਦਾ ਅਜਿਹਾ ਫਾਰਮੂਲਾ ਹੈ ਜੋ ਕਦੇ ਪੁਰਾਣਾ ਨਹੀਂ ਹੁੰਦਾ। ਇਹ ਸਿੰਪਲ ਦੇ ਨਾਲ-ਨਾਲ ਸਟਾਈਲਿਸ਼ ਵੀ ਲੱਗਦਾ ਹੈ। ਇਸੇ ਵਜ੍ਹਾ ਨਾਲ ਵ੍ਹਾਈਟ ਥ੍ਰੈੱਡ ਵਰਕ ਅੱਜ ਹਰ ਡਰੈੱਸ ਦੀ ਸ਼ਾਨ ਬਣਿਆ ਹੋਇਆ ਹੈ।
ਮਿਕਸੀ ਦੀ ਗੰਦਗੀ ਨੂੰ ਦੂਰ ਕਰਨ ਦੇ ਆਸਾਨ ਉਪਾਅ’
NEXT STORY 
