ਸਾਫ-ਸੁਥਰਾ ਘਰ ਤਾਂ ਸਾਰਿਆਂ ਨੂੰ ਹੀ ਚੰਗਾ ਲੱਗਦਾ ਹੈ ਹੀ ਨਾਲ ਹੀ ਇਸ ਨਾਲ ਸਿਹਤ ਵੀ ਚੰਗੀ ਰਹਿੰਦੀ ਹੈ। ਘਰ ਉਸ ਸਮੇਂ ਤੱਕ ਖੂਬਸੂਰਤ ਨਹੀਂ ਦਿਖਾਈ ਦਿੰਦਾ, ਜਦੋਂ ਤੱਕ ਉਸ ਦੀ ਸਾਫ-ਸਫਾਈ ਚੰਗੀ ਤਰ੍ਹਾਂ ਦੇ ਨਾਲ ਨਾ ਹੋਈ ਹੋਵੇ। ਘਰ ਦੀ ਸਾਫ-ਸਫਾਈ ਕਰਨ ਵਿਚ ਔਰਤਾਂ ਦਾ ਅਹਿਮ ਸਥਾਨ ਹੈ, ਜੋ ਆਪਣੇ ਘਰ ਨੂੰ ਗੰਦਾ ਹੋਣ ਨਹੀਂ ਦਿੰਦਿਆ। ਅਕਸਰ ਘਰ 'ਚ ਲੋਕਾਂ ਦਾ ਆਉਣਾ ਜਾਣਾ ਲੱਗਿਆ ਰਹਿੰਦਾ ਹੈ, ਅਜਿਹੇ 'ਚ ਮਾਰਬਲ ਜਾਂ ਫਰਸ਼ 'ਤੇ ਪਈ ਗੰਦਗੀ ਪੈਣਾ ਲਾਜ਼ਮੀ ਹੈ। ਪਰ ਕਈ ਵਾਰ ਫਰਸ਼ 'ਤੇ ਅਜਿਹੇ ਦਾਗ ਪੈ ਜਾਂਦੇ ਹਨ, ਜਿਨ੍ਹਾਂ ਨੂੰ ਘੰਟਿਆਂ ਦੀ ਮਿਹਨਤ ਨਾਲ ਸਾਫ ਕਰਨ 'ਤੇ ਵੀ ਚਮਕਾਇਆ ਨਹੀਂ ਜਾ ਸਕਦਾ। ਅਜਿਹੇ 'ਚ ਫਰਸ਼ ਮੈਲਾ ਨਜ਼ਰ ਆਉਣ ਲੱਗਦਾ ਹੈ। ਮਾਰਕਿਟ 'ਚ ਅਜਿਹੇ ਕਈ ਕਲੀਨਰ ਮਿਲਦੇ ਹਨ ਜੋ ਫਰਸ਼ ਨੂੰ ਚਮਕਾਉਣ ਦਾ ਦਾਵਾ ਕਰਦੇ ਹਨ ਪਰ ਇਨ੍ਹਾਂ ਦਾ ਵੀ ਕੋਈ ਚੰਗਾ ਨਤੀਜਾ ਨਹੀਂ ਦਿੱਖਦਾ। ਜੇ ਤੁਸੀਂ ਵੀ ਆਪਣੇ ਘਰ ਦੇ ਫਰਸ਼ ਨੂੰ ਚਮਕਾਏ ਰੱਖਣਾ ਚਾਹੁੰਦੇ ਹੋ ਜਾਂ ਘਰ ਦੇ ਕੋਨਿਆਂ ਨੂੰ ਸਾਫ ਕਰਨਾ ਚਾਹੁੰਦੇ ਹੋ ਤਾਂ ਉਸ ਦੇ ਲਈ ਅਸੀਂ ਤੁਹਾਨੂੰ ਕੁਝ ਆਸਾਨ ਟਿਪਸ ਦੱਸਣ ਜਾ ਰਹੇ ਹਾਂ। ਇਸ ਨਾਲ ਤੁਸੀਂ ਘਰ ਦੀ ਸਫਾਈ ਨੂੰ ਜਲਦੀ ਹੀ ਖਤਮ ਕਰਕੇ ਆਪਣਾ ਸਮਾਂ ਬਚਾ ਸਕਦੇ ਹੋ।
1. ਸਾਬਣ ਅਤੇ ਗਰਮ ਪਾਣੀ
ਇਕ ਬਾਲਟੀ 'ਚ ਗਰਮ ਪਾਣੀ ਅਤੇ ਸਾਬਣ ਜਾਂ ਸਰਫ ਮਿਲਾ ਲਓ। ਫਿਰ ਇਸ ਪਾਣੀ ਨਾਲ ਪੋਛਾ ਲਗਾਓ। ਇਸ ਨਾਲ ਫਰਸ਼ ਚੰਗੀ ਤਰ੍ਹਾਂ ਨਾਲ ਸਾਫ ਹੋਵੇਗਾ ਅਤੇ ਉਸ ਦਾ ਕਾਲਾਪਨ ਵੀ ਦੂਰ ਹੋ ਜਾਵੇਗਾ।
2. ਸਿਰਕਾ
ਜੇ ਘਰ 'ਚ ਲਾਈਟ ਕਲਰ ਦੀਆਂ ਟਾਈਲਸ ਲੱਗੀਆਂ ਹਨ ਤਾਂ 1 ਕੱਪ ਸਿਰਕੇ 'ਚ ਪਾਣੀ ਪਾਓ। ਫਿਰ ਉਸੇ ਪਾਣੀ ਨਾਲ ਫਰਸ਼ ਨੂੰ ਸਾਫ ਕਰੋ। ਇਸ ਨਾਲ ਫਲੋਰ ਸ਼ੀਸ਼ੇ ਦੀ ਤਰ੍ਹਾਂ ਚਮਕਦਾ ਦਿਖਾਈ ਦੇਵੇਗਾ। ਇੰਝ ਰੋਜ਼ਾਨਾ ਕਰੋ, ਤਾਂ ਹੀ ਚੰਗਾ ਨਤੀਜ਼ਾ ਮਿਲੇਗਾ।
3. ਨਿੰਬੂ
ਫਰਸ਼ ਨੂੰ ਚਮਕਾਉਣ 'ਚ ਨਿੰਬੂ ਸਭ ਤੋਂ ਚੰਗਾ ਤਰੀਕਾ ਹੈ। ਥੋੜ੍ਹੇ ਜਿਹੇ ਪਾਣੀ 'ਚ ਨਿੰਬੂ ਦਾ ਰਸ ਮਿਲਾਓ ਅਤੇ ਇਸ ਪਾਣੀ ਨਾਲ ਫਰਸ਼ ਨੂੰ ਸਾਫ ਕਰੋ। ਇਸ ਨਾਲ ਫਰਸ਼ 'ਤੇ ਮੌਜੂਦ ਸਾਰੇ ਦਾਗ ਧੱਬੇ ਆਸਾਨੀ ਨਾਲ ਸਾਫ ਹੋ ਜਾਣਗੇ।
4. ਸ਼ਟਰ ਦੀ ਸਫਾਈ
ਸ਼ਟਰ ਦੀ ਸਫਾਈ ਕਰਨਾ ਸਭ ਤੋਂ ਮੁਸ਼ਕਿਲ ਕੰਮ ਹੁੰਦਾ ਹੈ। ਘੱਟ ਸਮੇਂ 'ਚ ਇਸ ਨੂੰ ਸਾਫ ਕਰਨ ਲਈ ਆਪਣੇ ਹੱਥਾਂ 'ਚ ਜੁਰਾਬ ਪਬਿਣ ਕੇ ਸਫਾਈ ਕਰੋ। ਇਸ ਨਾਲ ਇਹ ਚੰਗੀ ਤਰ੍ਹਾਂ ਨਾਲ ਸਾਫ ਵੀ ਹੋ ਜਾਵੇਗੀ ਅਤੇ ਤੁਹਾਡਾ ਸਮਾਂ ਵੀ ਬਚ ਜਾਵੇਗਾ।
5. ਬੇਕਿੰਗ ਡਿਸ਼ੇਸ
ਬੇਕਿੰਗ ਡਿਸ਼ੇਸ ਨੂੰ ਸਾਫ ਕਰਨ ਲਈ ਐਲਯੁਮੀਨਿਯਮ ਫਾਇਲ ਦੀ ਵਰਤੋਂ ਕਰੋ। ਇਸ ਨਾਲ ਇਹ ਚੰਗੀ ਤਰ੍ਹਾਂ ਨਾਲ ਸਾਫ ਹੋ ਜਾਵੇਗੀ।
6. ਪਿੱਤਲ ਦੇ ਭਾਂਡੇ
ਪਿੱਤਲ ਦੇ ਭਾਂਡਿਆਂ ਦੀ ਸਾਫ-ਸਫਾਈ ਕਰਨ ਲਈ ਸਾਬਣ ਦੀ ਬਜਾਏ ਕੈਚਅਪ ਦੀ ਵਰਤੋਂ ਕਰੋ। ਕੈਚਅਪ ਨਾਲ ਸਾਫ ਕਰਨ 'ਤੇ ਪਿੱਤਲ ਦੇ ਭਾਂਡੇ ਜਲਦੀ ਹੀ ਸਾਫ ਹੋ ਜਾਂਦੇ ਹਨ।
7. ਖਿੜਕੀਆਂ ਦੀ ਸਫਾਈ
ਬੇਕਿੰਗ ਸੋਡਾ ਅਤੇ ਸਿਰਕੇ ਨੂੰ ਮਿਕਸ ਕਰਕੇ ਉਸ ਨੂੰ ਖਿੜਕੀਆਂ 'ਤੇ ਪਾ ਕੇ 15 ਮਿੰਟ ਤਕ ਛੱਡ ਦਿਓ। ਇਸ ਤੋਂ ਬਾਅਦ ਵਿਚ ਸਾਫ ਕਰੋ। ਤੁਹਾਡੀ ਖਿੜਕੀਆਂ 'ਚ ਨਵੀਂ ਚਮਕ ਆ ਜਾਵੇਗੀ।
8. ਟਾਇਲਟ ਦੀ ਸਫਾਈ
ਟਾਇਲਟ ਪੇਪਰ 'ਤੇ ਸਿਰਕਾ ਲਗਾ ਕੇ ਉਸ ਨੂੰ ਕੁਝ ਦੇਰ ਲਈ ਸੀਟ 'ਤੇ ਲਗਾ ਰਹਿਣ ਦਿਓ। ਫਿਰ ਇਸ ਨੂੰ ਕੱਢ ਕੇ ਪਾਣੀ ਨਾਲ ਸਾਫ ਕਰੋ। ਇਸ ਨਾਲ ਤੁਹਾਡੀ ਟਾਇਲਟ ਨਵੀਂ ਜਿਹੀ ਦਿੱਖੇਗੀ।
9. ਸਾਫਟ ਫਰਨੀਚਰ ਦੀ ਸਫਾਈ
ਸਾਫਟ ਫਰਨੀਚਰ ਨੂੰ ਜਲਦੀ ਸਾਫ ਕਰਨ ਲਈ ਹੱਥਾਂ 'ਚ ਰਬੜ ਦੇ ਦਸਤਾਨੇ ਪਹਿਨੋ। ਇਸ ਤੋਂ ਬਾਅਦ ਫਰਨੀਚਰ ਨੂੰ ਸਾਫ ਕਰੋ।
ਤਸੀਵਰਾਂ 'ਚ ਦੇਖੋ ਸੰਮੁਦਰ ਦੇ ਅੰਦਰ ਬਣੇ ਸ਼ਾਨਦਾਰ ਹੋਟਲ
NEXT STORY 
