ਵੈੱਬ ਡੈਸਕ - ਗਾਜਰ ਦਾ ਮੁਰੱਬਾ ਪੰਜਾਬੀ ਰਸੋਈ ਦੀ ਇਕ ਮਿੱਠੀ ਅਤੇ ਰਵਾਇਤੀ ਡਿਸ਼ ਹੈ, ਜੋ ਆਪਣੇ ਸੁਆਦ ਅਤੇ ਪੌਸ਼ਟਿਕਤਾ ਕਰਕੇ ਬਹੁਤ ਹੀ ਪ੍ਰਸਿੱਧ ਹੈ। ਇਹ ਖਾਸ ਤੌਰ 'ਤੇ ਸਰਦੀਆਂ ਦੇ ਮੌਸਮ ’ਚ ਬਣਾਇਆ ਜਾਂਦਾ ਹੈ, ਜਦ ਗਾਜਰ ਮਿੱਠੇ ਅਤੇ ਰਸੀਲੇ ਹੁੰਦੇ ਹਨ। ਗਾਜਰਾਂ ਨੂੰ ਚੀਨੀ ਅਤੇ ਸੁਗੰਧਿਤ ਮਸਾਲਿਆਂ ਨਾਲ ਹੌਲੀ-ਹੌਲੀ ਪਕਾ ਕੇ ਤਿਆਰ ਕੀਤਾ ਗਿਆ ਇਹ ਮੁਰੱਬਾ ਬੱਚਿਆਂ ਤੋਂ ਲੈ ਕੇ ਬੁਜ਼ੁਰਗਾਂ ਤੱਕ ਸਭ ਨੂੰ ਪਸੰਦ ਆਉਂਦਾ ਹੈ। ਇਹ ਨਾ ਸਿਰਫ ਮਿੱਠੇ ਦੇ ਤੌਰ ’ਤੇ ਮਜ਼ੇਦਾਰ ਹੈ, ਸਗੋਂ ਪੋਸ਼ਣ ਦੀ ਰੂਹ ਨਾਲ ਭਰਪੂਰ ਵੀ ਹੈ। ਗਾਜਰ ਦੇ ਗੁਣ, ਜਿਵੇਂ ਕਿ ਵਿਟਾਮਿਨ ਏ, ਫਾਈਬਰ ਅਤੇ ਐਂਟੀਆਕਸਿਡੈਂਟ, ਇਸਨੂੰ ਸਿਹਤ ਲਈ ਲਾਭਦਾਇਕ ਬਣਾਉਂਦੇ ਹਨ। ਗਾਜਰ ਦਾ ਮੁਰੱਬਾ ਨਾਸ਼ਤੇ, ਖਾਣੇ ਤੋਂ ਬਾਅਦ ਜਾਂ ਸਿਰਫ ਮਿੱਠੇ ਦਾ ਸ਼ੌਕ ਪੂਰਾ ਕਰਨ ਲਈ ਇਕ ਆਦਰਸ਼ ਬਦਲ ਹੈ।
ਸਮੱਗਰੀ :-
ਗਾਜਰ : 1 ਕਿਲੋਗ੍ਰਾਮ (ਲਾਲ, ਪੱਕੀਆਂ ਅਤੇ ਰੇਤ ਰਹਿਤ)
ਚੀਨੀ : 800 ਗ੍ਰਾਮ
ਪਾਣੀ : 2 ਕੱਪ
ਇਲਾਇਚੀ : 4-5 (ਕੁੱਟੀ ਹੋਈ)
ਕੇਸਰ: ਚੁੱਟਕੀ ਭਰ (ਆਪਸ਼ਨਲ)
ਨਿੰਬੂ ਦਾ ਰਸ : 2 ਚਮਚ
ਵਿਧੀ :-
ਗਾਜਰਾਂ ਨੂੰ ਕਰੋ ਤਿਆਰ
- ਗਾਜਰਾਂ ਨੂੰ ਛਿੱਲ ਲਓ ਤੇ ਲੰਬੇ ਟੁਕੜਿਆਂ ’ਚ ਕੱਟ ਲਵੋ। ਇਸ ਦੇ ਨਾਲ ਹੀ ਇਕ ਕੜਾਹੀ ’ਚ ਪਾਣੀ ਗਰਮ ਕਰੋ ਅਤੇ ਗਾਜਰਾਂ ਨੂੰ ਹਲਕਾ ਗਲਾ ਲਵੋ (5-7 ਮਿੰਟ)। ਫਿਰ ਪਾਣੀ ਵੱਖਰਾ ਕਰਕੇ ਗਾਜਰ ਠੰਢੀਆਂ ਕਰ ਲਵੋ।
ਖੰਡ ਦੀ ਚਾਸ਼ਣੀ ਬਣਾਓ
- ਇਕ ਵੱਡੇ ਭਾਂਡੇ ’ਚ ਚੀਨੀ ਅਤੇ 2 ਕੱਪ ਪਾਣੀ ਮਿਕਸ ਕਰੋ। ਇਸ ਨੂੰ ਮਿਡੀਅਮ ਤਾਪਮਾਨ 'ਤੇ ਰਖੋ ਅਤੇ ਚਾਸਣ ਤਿਆਰ ਕਰੋ। ਚਾਸ਼ਣੀ ਗਾੜ੍ਹਾ ਹੋਣ ’ਤੇ ਇਸ ’ਚ ਇਲਾਇਚੀ ਪਾਓ।
ਗਾਜਰ ਨੂੰ ਕਰੋ ਸ਼ਾਮਲ
- ਤਿਆਰ ਕੀਤੀ ਚਾਸ਼ਣੀ ’ਚ ਗਲਾ ਕੇ ਰੱਖੀਆਂ ਗਾਜਰਾਂ ਪਾਓ। ਇਸ ਨੂੰ ਮਿਡੀਅਮ ਤਾਪਮਾਨ 'ਤੇ ਹੌਲੀ ਹੌਲੀ ਪਕਣ ਦਿਓ। ਗਾਜਰ ਜਦੋਂ ਚਾਸ਼ਣੀ ’ਚ ਪੂਰੀ ਤਰ੍ਹਾਂ ਸਿੱਝ ਜਾਣ ਤਾਂ ਚਮਚ ਨਾਲ ਹਿਲਾਉ।
ਕੇਸਰ ਅਤੇ ਨਿੰਬੂ ਦਾ ਰਸ ਪਾਓ
- ਪਕਾਉਣ ਦੇ ਆਖਰੀ ਪੜਾਅ ’ਚ, ਕੇਸਰ ਅਤੇ ਨਿੰਬੂ ਦਾ ਰਸ ਪਾ ਦਿਓ। ਇਸ ਨਾਲ ਮੁਰੱਬਾ ਲੰਮਾ ਸਮਾਂ ਤੱਕ ਸਹੀ ਰਹੇਗਾ।
ਸਟੋਰ ਕਰੋ :-
- ਜਦ ਮੁਰੱਬਾ ਠੰਢਾ ਹੋ ਜਾਵੇ, ਇਸ ਨੂੰ ਸਾਫ ਅਤੇ ਸੁੱਕੇ ਕੱਚ ਦੇ ਜਾਰ ’ਚ ਭਰ ਲਵੋ।
ਸਰਦੀਆਂ ’ਚ ਸਕਾਰਫ ਅਤੇ ਸਟਾਲਸ ਦੇ ਰਹੇ ਔਰਤਾਂ ਨੂੰ ਡਿਫਰੈਂਟ ਲੁੱਕ
NEXT STORY 
