ਵੈੱਬ ਡੈਸਕ- ਬਰਸਾਤ ਦੇ ਮੌਸਮ 'ਚ ਘਰਾਂ 'ਚ ਕੀੜੇ-ਮਕੌੜਿਆਂ, ਮੱਕੜੀਆਂ ਅਤੇ ਨਮੀ ਪਸੰਦ ਕਰਨ ਵਾਲੇ ਹੋਰ ਜੀਵਾਂ ਲਈ ਉਤਮ ਸਮਾਂ ਬਣ ਜਾਂਦਾ ਹੈ। ਹਾਲਾਂਕਿ ਇਹ ਸਮੱਸਿਆ ਆਮ ਹੈ, ਪਰ ਕੁਝ ਸਾਦੇ ਤੇ ਘਰੇਲੂ ਨੁਸਖਿਆਂ ਨਾਲ ਤੁਸੀਂ ਆਪਣੇ ਘਰ ਨੂੰ ਇਨ੍ਹਾਂ ਤੋਂ ਸੁਰੱਖਿਅਤ ਰੱਖ ਸਕਦੇ ਹੋ।
ਨਿੰਮ ਦਾ ਧੂੰਆਂ ਜਾਂ ਤੇਲ
ਨੀਮ ਨੂੰ ਪ੍ਰਾਚੀਨ ਕਾਲ ਤੋਂ ਇਕ ਕੁਦਰਤੀ ਕੀਟਨਾਸ਼ਕ ਮੰਨਿਆ ਜਾਂਦਾ ਹੈ। ਬਰਸਾਤ ਦੇ ਦਿਨਾਂ ਦੌਰਾਨ ਨਿੰਮ ਦੀਆਂ ਸੁੱਕੀਆਂ ਪੱਤੀਆਂ ਸਾੜ ਕੇ ਘਰ ਵਿਚ ਧੂੰਆਂ ਕਰਨ ਨਾਲ ਕੀੜੇ ਅਤੇ ਮੱਕੜੀਆਂ ਭੱਜ ਜਾਂਦੀਆਂ ਹਨ। ਜੇਕਰ ਇਹ ਸੰਭਵ ਨਾ ਹੋਵੇ, ਤਾਂ ਨਿੰਮ ਦੇ ਤੇਲ ਨੂੰ ਪਾਣੀ 'ਚ ਮਿਲਾ ਕੇ ਸਪਰੇਅ ਬੋਤਲ ਰਾਹੀਂ ਘਰ ਦੇ ਕੋਨਿਆਂ, ਦਰਵਾਜ਼ਿਆਂ ਅਤੇ ਖਿੜਕੀਆਂ ਨੇੜੇ ਛਿੜਕਾਅ ਕਰੋ।
ਸਿਰਕੇ ਅਤੇ ਨਿੰਬੂ ਦਾ ਮਿਸ਼ਰਨ
ਅੱਧਾ ਕੱਪ ਸਫੈਦ ਸਿਰਕਾ ਅਤੇ ਅੱਧਾ ਕੱਪ ਨਿੰਬੂ ਦਾ ਰਸ ਮਿਲਾ ਕੇ ਇਕ ਸਪਰੇਅ ਬੋਤਲ 'ਚ ਭਰ ਲਓ। ਇਸ ਮਿਸ਼ਰਨ ਨੂੰ ਘਰ ਦੇ ਕੋਨਿਆਂ, ਦਰਵਾਜ਼ਿਆਂ ਅਤੇ ਖਿੜਕੀਆਂ 'ਤੇ ਛਿੜਕਣ ਨਾਲ ਮੱਕੜੀਆਂ, ਚਾਂਦੀ ਰੰਗੀ ਕੀੜੀਆਂ (ਸਿਲਵਰਫਿਸ਼) ਆਦਿ ਦੂਰ ਰਹਿੰਦੀਆਂ ਹਨ।
ਕਪੂਰ ਅਤੇ ਲੌਂਗ ਦਾ ਉਪਾਅ
ਕਪੂਰ ਅਤੇ ਲੌਂਗ ਦੀ ਤੇਜ਼ ਖੁਸ਼ਬੂ ਕੀੜਿਆਂ ਨੂੰ ਪਸੰਦ ਨਹੀਂ। ਇਨ੍ਹਾਂ ਨੂੰ ਅਲਮਾਰੀ, ਰਸੋਈ, ਕਮਰੇ ਦੇ ਕੋਨਿਆਂ 'ਚ ਰੱਖਣ ਨਾਲ ਨਾ ਸਿਰਫ਼ ਕੀੜੇ ਦੂਰ ਰਹਿੰਦੇ ਹਨ, ਬਲਕਿ ਘਰ 'ਚ ਇੱਕ ਤਾਜ਼ਗੀ ਵੀ ਬਣੀ ਰਹਿੰਦੀ ਹੈ।
ਨਮੀ ਤੋਂ ਬਚਾਅ ਅਤੇ ਸਫਾਈ
ਬਰਸਾਤ ਦੇ ਮੌਸਮ 'ਚ ਘਰ ਨੂੰ ਰੋਜ਼ਾਨਾ ਸਾਫ਼ ਅਤੇ ਸੁੱਕਾ ਰੱਖਣਾ ਬਹੁਤ ਜ਼ਰੂਰੀ ਹੈ। ਬਾਥਰੂਮ, ਰਸੋਈ ਅਤੇ ਫਰਸ਼ ਨੂੰ ਸੁੱਕਾ ਰੱਖੋ, ਗੀਲੇ ਕੱਪੜੇ ਸਮੇਂ ਸਿਰ ਸੁਕਾਓ ਅਤੇ ਕੂੜਾ ਇਕੱਠਾ ਨਾ ਹੋਣ ਦਿਓ।
ਬੋਰਿਕ ਪਾਊਡਰ ਅਤੇ ਖੰਡ ਦਾ ਮਿਸ਼ਰਨ
ਜੇ ਤੁਹਾਨੂੰ ਘਰ 'ਚ ਕੀੜੀਆਂ ਜਾਂ ਤਿਲਚੱਟਿਆਂ ਦੀ ਸਮੱਸਿਆ ਹੋ ਰਹੀ ਹੋਵੇ, ਤਾਂ ਬੋਰਿਕ ਪਾਊਡਰ ਅਤੇ ਖੰਡ ਨੂੰ ਬਰਾਬਰ ਮਾਤਰਾ 'ਚ ਮਿਲਾ ਕੇ ਉਨ੍ਹਾਂ ਥਾਵਾਂ 'ਤੇ ਰੱਖੋ ਜਿੱਥੇ ਇਹ ਕੀੜੇ ਆਮਤੌਰ 'ਤੇ ਆਉਂਦੇ ਹਨ। ਖੰਡ ਉਨ੍ਹਾਂ ਨੂੰ ਆਕਰਸ਼ਿਤ ਕਰਦੀ ਹੈ, ਜਦਕਿ ਬੋਰਿਕ ਪਾਊਡਰ ਉਨ੍ਹਾਂ ਨੂੰ ਖਤਮ ਕਰਦਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਵੇਰੇ-ਸਵੇਰੇ ਦਿੱਸਦੇ ਹਨ ਇਹ ਲੱਛਣ ਤਾਂ ਹੋ ਸਕਦੇ ਹੈ ਸ਼ੂਗਰ ਦੇ ਸ਼ੁਰੂਆਤੀ ਸੰਕੇਤ
NEXT STORY 
