ਮੁੰਬਈ- ਇੰਡੀਅਨ ਡ੍ਰੈੱਸਾਂ ਹੋਣ ਜਾਂ ਵੈਸਟਰਨ ਮੁਟਿਆਰਾਂ ਨਵੇਂ ਫ਼ੈਸ਼ਨ ਅਤੇ ਟ੍ਰੈਂਡ ਦੀਆਂ ਡ੍ਰੈੱਸਾਂ ਨੂੰ ਜ਼ਿਆਦਾ ਪਸੰਦ ਕਰਦੀਆਂ ਹਨ। ਇਨ੍ਹੀਂ ਦਿਨੀਂ ਕਈ ਨਵੇਂ ਨੈੱਕ ਡਿਜ਼ਾਈਨ ਦੀਆਂ ਡ੍ਰੈੱਸਾਂ ਟ੍ਰੈਂਡ ’ਚ ਹਨ, ਜਿਨ੍ਹਾਂ ਨੂੰ ਮੁਟਿਆਰਾਂ ਖੂਬ ਪਸੰਦ ਕਰ ਰਹੀਆਂ ਹਨ। ਨੈੱਕ ਡਿਜ਼ਾਈਨ ’ਚ ਸਟ੍ਰੈਪ ਹਾਲਟਰ ਨੈੱਕ ਡ੍ਰੈੱਸ ਵੀ ਮੁਟਿਆਰਾਂ ਦੀ ਪਸੰਦ ਬਣੀ ਹੋਈ ਹੈ। ਇਹੀ ਕਾਰਨ ਹੈ ਕਿ ਮੁਟਿਆਰਾਂ ਨੂੰ ਕੈਜ਼ੂਅਲ ਅਤੇ ਖਾਸ ਮੌਕਿਆਂ ’ਤੇ ਵੀ ਨੈੱਕ ਡਿਜ਼ਾਈਨ ਦੀਆਂ ਵੈਸਟਰਨ ਡ੍ਰੈੱਸਾਂ ’ਚ ਵੇਖਿਆ ਜਾ ਸਕਦਾ ਹੈ।
ਸਟ੍ਰੈਪ ਹਾਲਟਰ ਨੈੱਕ ਹਾਲਟਰ ਵਰਗੀ ਹੀ ਹੁੰਦੀ ਹੈ ਪਰ ਇਸ ’ਚ ਇਹ ਡਿਜ਼ਾਈਨ ਸਟ੍ਰੈਪ ’ਚ ਦਿੱਤਾ ਗਿਆ ਹੁੰਦਾ ਹੈ। ਇਹ ਡਿਜ਼ਾਈਨ ਸਿੰਪਲ ਅਤੇ ਕ੍ਰਿਸ-ਕ੍ਰਾਸ ਵਰਗਾ ਹੁੰਦਾ ਹੈ। ਸਟ੍ਰੈਪ ਹਾਲਟਰ ਨੈੱਕ ਡਿਜ਼ਾਈਨ ’ਚ ਜ਼ਿਆਦਾਤਰ ਡ੍ਰੈੱਸਾਂ ’ਚ ਨੈੱਕ ਸਟ੍ਰੈਪ ਨੂੰ ਗਰਦਣ ਦੇ ਪਿੱਛੇ ਨਾਟ ਵਾਂਗ ਬੰਨ੍ਹਿਆ ਜਾਂਦਾ ਹੈ, ਜੋ ਇਨ੍ਹਾਂ ਡ੍ਰੈੱਸਾਂ ਨੂੰ ਹੋਰ ਜ਼ਿਆਦਾ ਸਟਾਈਲਿਸ਼ ਅਤੇ ਕੂਲ ਬਣਾਉਂਦਾ ਹੈ। ਸਟ੍ਰੈਪ ਹਾਲਟਰ ਨੈੱਕ ਡ੍ਰੈੱਸ ਨੂੰ ਹੈਂਗਿੰਗ ਨੈੱਕ ਡ੍ਰੈੱਸ ਵੀ ਕਹਿੰਦੇ ਹਨ। ਸਟ੍ਰੈਪ ਹਾਲਟਰ ਨੈੱਕ ਡ੍ਰੈੱਸਾਂ ’ਚ ਮੁਟਿਆਰਾਂ ਨੂੰ ਬਾਡੀਕਾਨ ਡ੍ਰੈੱਸ, ਫਰਾਕ, ਮਿੱਡੀ, ਲਾਂਗ ਡ੍ਰੈੱਸ, ਸ਼ਾਰਟ ਡ੍ਰੈੱਸ, ਏ ਲਾਈਨ ਡ੍ਰੈੱਸ, ਟਾਪ, ਪਾਰਟੀ ਵੀਅਰ ਡ੍ਰੈੱਸ, ਕੈਜ਼ੂਅਲ ਵੀਅਰ ਡ੍ਰੈੱਸ ਆਦਿ ’ਚ ਵੇਖਿਆ ਜਾ ਸਕਦਾ ਹੈ।
ਮੁਟਿਆਰਾਂ ਇਨ੍ਹਾਂ ਡ੍ਰੈੱਸਾਂ ਨੂੰ ਸ਼ਾਪਿੰਗ, ਆਊਟਿੰਗ, ਪਿਕਨਿਕ ਤੋਂ ਲੈ ਕੇ ਪਾਰਟੀ ਲਈ ਪਹਿਨਣਾ ਪਸੰਦ ਕਰ ਰਹੀਆਂ ਹਨ। ਮੁਟਿਆਰਾਂ ਨੂੰ ਕੈਜ਼ੂਅਲ ਮੌਕਿਆਂ ’ਤੇ ਫਲਾਵਰ ਪ੍ਰਿੰਟਿਡ ਜਾਂ ਲਾਈਟ ਕਲਰ ਦੀ ਸਟ੍ਰੈਪ ਹਾਲਟਰ ਨੈੱਕ ਡ੍ਰੈੱਸ ਪਹਿਨੇ ਵੇਖਿਆ ਜਾ ਸਕਦਾ ਹੈ। ਉੱਥੇ ਹੀ, ਪਾਰਟੀ ਅਤੇ ਨਾਈਟ ਫੰਕਸ਼ਨ ਲਈ ਇਨ੍ਹਾਂ ਡ੍ਰੈੱਸਾਂ ’ਚ ਮੁਟਿਆਰਾਂ ਨੂੰ ਰੈੱਡ, ਬਲੈਕ, ਮੈਰੂਨ, ਗ੍ਰੀਨ ਅਤੇ ਬਲਿਊ ਆਦਿ ਰੰਗ ਜ਼ਿਆਦਾ ਪਸੰਦ ਆ ਰਹੇ ਹਨ। ਇਨ੍ਹੀਂ ਦਿਨੀਂ ਇਹ ਡ੍ਰੈੱਸ ਇਕ ਸਟਾਈਲਿਸ਼ ਅਤੇ ਟ੍ਰੈਂਡੀ ਫ਼ੈਸ਼ਨ ਆਪਸ਼ਨ ਬਣੀ ਹੋਈ ਹੈ। ਹੈਂਗਿੰਗ ਨੈੱਕ ਡਿਜ਼ਾਈਨ ਡ੍ਰੈੱਸ ਦੀ ਨੈੱਕਲਾਈਨ ਨੂੰ ਹਾਈਲਾਈਟ ਕਰਦਾ ਹੈ ਅਤੇ ਮੁਟਿਆਰਾਂ ਦੀ ਲੁਕ ਨੂੰ ਨਿਖਾਰਦਾ ਹੈ। ਸਟ੍ਰੈਪ ਹਾਲਟਰ ਨੈੱਕ ਡਿਜ਼ਾਈਨ ਵਾਲੀ ਡ੍ਰੈੱਸ ਮੁਟਿਆਰਾਂ ਨੂੰ ਇਕ ਸਟਾਈਲਿਸ਼, ਆਕਰਸ਼ਕ ਅਤੇ ਕਾਨਫੀਡੈਂਟ ਲੁਕ ਦਿੰਦੀ ਹੈ ਜੋ ਉਨ੍ਹਾਂ ਦੀ ਪਰਸਨੈਲਿਟੀ ਅਤੇ ਸਟਾਈਲ ਨੂੰ ਦਰਸਾਉਂਦੀ ਹੈ।
ਪਾਰਟੀਵਿਅਰ ਡਿਜ਼ਾਈਨਰ ਡਰੈੱਸਾਂ ਨਾਲ ਲਓ ਗਲੈਮਰ ਲੁਕ
NEXT STORY 
