ਹੈਲਥ ਡੈਸਕ - ਅਜੋਕੀ ਭੱਜ-ਦੌੜ ਭਰੀ ਜ਼ਿੰਦਗੀ 'ਚ ਸਮਾਂ ਬਚਾਉਣ ਲਈ ਅਕਸਰ ਘਰਾਂ 'ਚ ਔਰਤਾਂ ਇਕੋ ਵਾਰ ਜ਼ਿਆਦਾ ਆਟਾ ਗੁੰਨ ਕੇ ਫਰਿੱਜ 'ਚ ਰੱਖ ਦਿੰਦੀਆਂ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੀ ਇਹ ਆਦਤ ਤੁਹਾਡੇ ਪਰਿਵਾਰ ਦੀ ਸਿਹਤ 'ਤੇ ਭਾਰੀ ਪੈ ਸਕਦੀ ਹੈ? ਆਯੁਰਵੇਦ ਅਤੇ ਸਿਹਤ ਮਾਹਿਰਾਂ ਅਨੁਸਾਰ, ਫਰਿੱਜ 'ਚ ਰੱਖਿਆ ਆਟਾ ਨਾ ਸਿਰਫ਼ ਪੌਸ਼ਟਿਕਤਾ ਗੁਆ ਦਿੰਦਾ ਹੈ, ਸਗੋਂ ਕਈ ਬਿਮਾਰੀਆਂ ਦਾ ਕਾਰਨ ਵੀ ਬਣ ਸਕਦਾ ਹੈ।
ਫਰਿੱਜ 'ਚ ਰੱਖੇ ਆਟੇ ਦੇ ਨੁਕਸਾਨ :-
ਬੈਕਟੀਰੀਆ ਦਾ ਖ਼ਤਰਾ
- ਭਾਵੇਂ ਫਰਿੱਜ ਦਾ ਤਾਪਮਾਨ ਘੱਟ ਹੁੰਦਾ ਹੈ ਪਰ ਗੁੰਨੇ ਹੋਏ ਆਟੇ 'ਚ ਨਮੀ ਹੋਣ ਕਾਰਨ ਬਹੁਤ ਜਲਦੀ 'ਫਰਮੈਂਟੇਸ਼ਨ' (ਖ਼ਮੀਰ ਉੱਠਣ) ਦੀ ਪ੍ਰਕਿਰਿਆ ਸ਼ੁਰੂ ਹੋ ਜਾਂਦੀ ਹੈ। ਇਸ 'ਚ ਕਈ ਤਰ੍ਹਾਂ ਦੇ ਹਾਨੀਕਾਰਕ ਬੈਕਟੀਰੀਆ ਪੈਦਾ ਹੋ ਸਕਦੇ ਹਨ, ਜੋ ਪੇਟ 'ਚ ਇਨਫੈਕਸ਼ਨ, ਦਰਦ ਅਤੇ ਗੈਸ ਵਰਗੀਆਂ ਸਮੱਸਿਆਵਾਂ ਪੈਦਾ ਕਰਦੇ ਹਨ।
ਪੌਸ਼ਟਿਕਤਾ ਦਾ ਖ਼ਤਮ ਹੋਣਾ
- ਤਾਜ਼ੇ ਗੁੰਨੇ ਹੋਏ ਆਟੇ ਦੀ ਰੋਟੀ 'ਚ ਜੋ ਵਿਟਾਮਿਨ ਅਤੇ ਮਿਨਰਲਸ ਹੁੰਦੇ ਹਨ, ਉਹ ਫਰਿੱਜ 'ਚ ਰੱਖਣ ਨਾਲ ਹੌਲੀ-ਹੌਲੀ ਨਸ਼ਟ ਹੋ ਜਾਂਦੇ ਹਨ। ਲੰਬੇ ਸਮੇਂ ਤੱਕ ਰੱਖਿਆ ਆਟਾ ਆਪਣਾ ਕੁਦਰਤੀ ਸਵਾਦ ਅਤੇ ਗੁਣ ਗੁਆ ਲੈਂਦਾ ਹੈ।
ਆਯੁਰਵੇਦ ਦਾ ਪੱਖ
- ਆਯੁਰਵੇਦ ਅਨੁਸਾਰ, ਭੋਜਨ ਹਮੇਸ਼ਾ ਤਾਜ਼ਾ ਹੀ ਖਾਣਾ ਚਾਹੀਦਾ ਹੈ। ਗੁੰਨਿਆ ਹੋਇਆ ਆਟਾ ਜਿੰਨਾ ਪੁਰਾਣਾ ਹੁੰਦਾ ਜਾਂਦਾ ਹੈ, ਉਸ 'ਚ 'ਤਾਮਸਿਕ' ਗੁਣ ਵਧਣ ਲੱਗਦੇ ਹਨ। ਅਜਿਹੇ ਆਟੇ ਦੀ ਰੋਟੀ ਖਾਣ ਨਾਲ ਸਰੀਰ 'ਚ ਆਲਸ ਵਧਦਾ ਹੈ ਅਤੇ ਪਾਚਨ ਪ੍ਰਣਾਲੀ ਕਮਜ਼ੋਰ ਹੁੰਦੀ ਹੈ।
ਸਾਵਧਾਨੀਆਂ :-
- ਆਟੇ ਨੂੰ ਹਮੇਸ਼ਾ ਕਿਸੇ ਏਅਰ-ਟਾਈਟ (ਹਵਾ ਬੰਦ) ਡੱਬੇ 'ਚ ਪਾ ਕੇ ਰੱਖੋ ਤਾਂ ਜੋ ਬਾਹਰੀ ਬੈਕਟੀਰੀਆ ਦਾ ਅਸਰ ਨਾ ਹੋਵੇ।
- ਆਟੇ ਨੂੰ 6-8 ਘੰਟਿਆਂ ਤੋਂ ਵੱਧ ਸਮੇਂ ਲਈ ਫਰਿੱਜ 'ਚ ਨਾ ਰੱਖੋ।
- ਆਟੇ ਦੇ ਉੱਪਰ ਹਲਕਾ ਜਿਹਾ ਤੇਲ ਜਾਂ ਘਿਓ ਲਗਾ ਕੇ ਰੱਖਣ ਨਾਲ ਉਸ ਦੀ ਉੱਪਰਲੀ ਪਰਤ ਸਖ਼ਤ ਨਹੀਂ ਹੁੰਦੀ।
ਫਿਰੋਜ਼ਪੁਰ 'ਚ ਮਹਾਸ਼ਿਵਰਾਤਰੀ ਦੀ ਭਾਰੀ ਧੂਮ, 'ਬਮ-ਬਮ ਭੋਲੇ' ਦੇ ਜੈਕਾਰਿਆਂ ਨਾਲ ਗੂੰਜਿਆ ਸ਼ਹਿਰ
NEXT STORY 
