ਮਮਦੋਟ, (ਸ਼ਰਮਾ, ਜਸਵੰਤ)- 15 ਅਗਸਤ ਵਾਲੇ ਦਿਨ ਸਵੇਰੇ ਸਾਢੇ 6 ਵਜੇ ਦੇ ਕਰੀਬ ਪਿੰਡ ਨਵਾਂ ਕਿਲਾ ਦੇ ਨੇਡ਼ਲੇ ਖੇਤਾਂ ’ਚੋਂ ਗੈਸੀ ਗੁਬਾਰਿਆਂ ਨਾਲ ਬੰਨ੍ਹਿਆ ਹੋਇਆ ਪਾਕਿਸਤਾਨੀ ਝੰਡਾ ਮਿਲਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਸ ਸਬੰਧੀ ਨੇਡ਼ਲੇ ਪਿੰਡ ਕਡ਼੍ਹਮਾ ਦੇ ਗੁਰਮੇਜ ਸਿੰਘ ਢੋਟ ਪੁੱਤਰ ਕਰਤਾਰ ਸਿੰਘ ਅਤੇ ਹੋਰਨਾਂ ਨੇ ਦੱਸਿਆ ਕਿ ਅੱਜ ਸਵੇਰੇ ਸਾਢੇ 6 ਵਜੇ ਬਲਜੀਤ ਸਿੰਘ ਪੁੱਤਰ ਬੂਟਾ ਸਿੰਘ ਦੀ ਜ਼ਮੀਨ ਨੇਡ਼ਿਓਂ ਜਾਂਦੀ ਸਡ਼ਕ ’ਤੇ ਜੰਡ ਸਿੰਘ ਪੁੱਤਰ ਗੁਰਬਚਨ ਸਿੰਘ ਵਾਸੀ ਨਵਾਂ ਕਿਲਾ ਨੂੰ ਪਾਕਿਸਤਾਨੀ ਝੰਡਾ ਅਤੇ ਗੁਬਾਰੇ ਦਿਖਾਈ ਦਿੱਤੇ। ਇਨ੍ਹਾਂ ਨੂੰ ਚੁੱਕਣ ਤੋਂ ਸਾਰੇ ਘਬਰਾ ਰਹੇ ਸਨ ਫਿਰ ਵੀ ਪਿੰਡ ਦੇ ਪਤਵੰਤੇ ਸੱਜਣਾਂ ਅਤੇ ਪੰਚਾਇਤ ਦੀ ਸਲਾਹ ’ਤੇ ਇਸ ਦੀ ਸੂਚਨਾ ਥਾਣਾ ਲੱਖੋ ਕੇ ਬਹਿਰਾਮ ਵਿਖੇ ਦਿੱਤੀ ਗਈ , ਜਿਸ ’ਤੇ ਕਾਰਵਾਈ ਕਰਦੇ ਹੋਏ ਥਾਣਾ ਲੱਖੋ ਕੇ ਬਹਿਰਾਮ ਦੇ ਏ. ਐੱਸ. ਆਈ. ਆਤਮਾ ਸਿੰਘ ਮੌਕੇ ’ਤੇ ਪਹੁੰਚੇ ਅਤੇ ਉਨ੍ਹਾਂ ਨੇ ਖੇਤਾਂ ’ਚੋਂ ਗੁਬਾਰੇ ਅਤੇ ਪਾਕਿਸਤਾਨੀ ਝੰਡਾ ਆਪਣੇ ਕਬਜ਼ੇ ਵਿਚ ਲੈ ਲਿਆ। ਉਨ੍ਹਾਂ ਕਿਹਾ ਕਿ 14 ਅਗਸਤ ਨੂੰ ਪਾਕਿਸਤਾਨ ਵਿਖੇ ਵੀ ਅਾਜ਼ਾਦੀ ਦਿਹਾਡ਼ਾ ਮਨਾਇਆ ਗਿਆ ਹੈ , ਉਨ੍ਹਾਂ ਨੇ ਇਹ ਗੁਬਾਰੇ ਹਵਾ ਵਿਚ ਉਡਾਏ ਹੋਣਗੇ ਅਤੇ ਹਵਾ ਦਾ ਰੁਖ ਇਧਰ ਨੂੰ ਹੋਣ ਕਰ ਕੇ ਇਹ ਗੁਬਾਰੇ ਅਤੇ ਝੰਡਾ ਇਥੇ ਭਾਰਤੀ ਖੇਤਰ ਵਿਚ ਆ ਡਿੱਗੇ ਹਨ, ਫਿਰ ਵੀ ਹਰ ਪਹਿਲੂ ਤੋਂ ਬਾਰੀਕੀ ਨਾਲ ਜਾਂਚ ਕੀਤੀ ਜਾਵੇਗੀ।
ਸ਼ੱਕੀ ਹਾਲਾਤਾਂ 'ਚ ਨੌਜਵਾਨ ਦੀ ਮੌਤ
NEXT STORY 
