ਨਵੀਂ ਦਿੱਲੀ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਰਕਾਰ ਦੇ 8 ਸਾਲ ਪੂਰੇ ਹੋ ਗਏ ਹਨ। 8 ਸਾਲ ਦੇ ਕਾਰਜਕਾਲ ਦੌਰਾਨ ਮੋਦੀ ਸਰਕਾਰ ਨੇ ਜਨ ਤੋਂ ਲੈ ਕੇ ਧਨ ਤੱਕ ਨਾਲ ਜੁੜੇ ਸਭ ਤੋਂ ਵੱਡੇ ਫ਼ੈਸਲੇ ਲਏ ਹਨ। ਫਿਰ ਭਾਵੇਂ ਨੋਟਬੰਦੀ ਹੋਵੇ, ਜੀ.ਐੱਸ.ਟੀ. ਹੋਵੇ ਜਾਂ ਜਨ-ਧਨ ਯੋਜਨਾ। ਮੋਦੀ ਸਰਕਾਰ ਵਲੋਂ ਲਏ ਹਨ 8 ਫ਼ੈਸਲੇ ਇਤਿਹਾਸਕ ਸਾਬਿਤ ਹੋਏ ਹਨ।
ਇਹ ਹਨ ਉਹ 8 ਫ਼ੈਸਲੇ
1- ਨੋਟਬੰਦੀ (8 ਨਵੰਬਰ 2016)- 500 ਅਤੇ 1000 ਰੁਪਏ ਦੇ ਨੋਟ ਬੰਦ ਕੀਤੇ।
ਅਸਰ : 2020 ਚ ਚੀਨ ਦੇ 25.4 ਅਰਬ ਦੀ ਤੁਲਨਾ 'ਚ ਭਾਰਤ ਨੇ 25.5 ਅਰਬ ਆਨਲਾਈਨ ਟਰਾਂਜੈਕਸ਼ਨ 'ਤੇ ਪਿੱਛੇ ਛੱਡਿਆ। ਅਮਰੀਕਾ ਨੂੰ ਪਛਾੜਿਆ।
2- ਸਰਜੀਕਲ ਸਟਰਾਈਕ (28-29 ਸਤੰਬਰ 2016)- ਪਾਕਿਸਤਾਨ 'ਚ ਦਾਖ਼ਲ ਹੋ ਕੇ ਕੀਤਾ ਹਮਲਾ।
ਅਸਰ : ਗੁਆਂਢੀ ਨੂੰ ਮੂੰਹ ਤੋੜ ਜਵਾਨ, ਲੋਕ ਸਭਾ ਚੋਣਾਂ 'ਚ ਸੱਤਾ 'ਚ ਪਰਤੀ।
3- ਜੀ.ਐੱਸ.ਟੀ. (1 ਜੁਲਾਈ 2017)- ਇਕ ਦੇਸ਼, ਇਕ ਟੈਕਸ ਨੀਤੀ ਲਾਗੂ ਕੀਤੀ ਗਈ।
ਅਸਰ : ਜੁਲਾਈ 2021 ਤੋਂ ਹਰ ਮਹੀਨੇ ਜੀ.ਐੱਸ.ਟੀ. ਕਲੈਕਸ਼ਨ ਇਕ ਲੱਖ ਕਰੋੜ ਦੇ ਪਾਰ, ਜੋ ਰਿਕਾਰਡ ਹੈ। ਮਾਰਚ 22 'ਚ 1,42,095 ਕਰੋੜ ਰਿਹਾ।
4- ਤਿੰਨ ਤਲਾਕ (1 ਅਗਸਤ 2019)- 3 ਵਾਰ ਤਲਾਕ ਬੋਲਣ ਦੀ ਪ੍ਰਥਾ ਖ਼ਤਮ।
ਅਸਰ : 80 ਫੀਸਦੀ ਮਾਮਲੇ ਘਟੇ। ਕਾਨੂੰਨ ਲਾਗੂ ਹੋਣ ਤੋਂ ਪਹਿਲਾਂ ਯੂ.ਪੀ. 'ਚ 63 ਹਜ਼ਾਰ ਕੇਸ ਸਨ। ਕਾਨੂੰਨ ਬਣਨ ਤੋਂ ਬਾਅਦ ਸਿਰਫ 221 ਕੇਸ ਹੀ ਆਏ।
5- ਧਾਰਾ 370 (5 ਅਗਸਤ 2019)- ਜੰਮੂ ਕਸ਼ਮੀਰ ਤੋਂ ਧਾਰਾ 370 ਹਟਾਈ। ਇਸ ਨਾਲ ਸੂਬੇ ਨੂੰ ਮਿਲੇ ਸਾਰੇ ਵਿਸ਼ੇਸ਼ ਅਧਿਕਾਰ ਖ਼ਤਮ ਕਰ ਦਿੱਤੇ ਗਏ।
ਅਸਰ : ਆਰ.ਟੀ.ਈ. ਅਤੇ ਮਨਰੇਗਾ ਵਰਗੀਆਂ ਸਰਕਾਰੀਆਂ ਯੋਜਨਾਵਾਂ ਦਾ ਫ਼ਾਇਦਾ ਮਿਲੇਗਾ। ਹੋਰ ਸੂਬਿਆਂ ਦੇ ਲੋਕ ਜੰਮੂ ਕਸ਼ਮੀਰ 'ਚ ਜ਼ਮੀਨ ਲੈ ਸਕਦੇ ਹਨ।
6- ਸੀ.ਏ.ਏ. (10 ਜਨਵਰੀ 2020)- ਇੱਥੇ ਰਹਿੰਦੇ ਪ੍ਰਵਾਸੀਆਂ ਨੂੰ ਨਾਗਰਿਕਤਾ ਦਿੱਤੀ।
ਅਸਰ : ਅਫ਼ਗਾਨਿਸਤਾਨ, ਪਾਕਿਸਤਾਨ ਅਤੇ ਬੰਗਲਾਦੇਸ਼ ਦੇ ਧਾਰਮਿਕ ਘੱਟ ਗਿਣਤੀਆਂ ਨੂੰ ਫ਼ਾਇਦਾ ਹੋਇਆ। ਇਨ੍ਹਾਂ ਦੇਸ਼ਾਂ ਦੇ ਹਿੰਦੂ, ਸਿੱਖ, ਬੌਧ, ਜੈਨ, ਈਸਾਈ ਅਤੇ ਪਾਰਸੀ ਧਰਮ ਦੇ ਲੋਕਾਂ ਨੂੰ ਨਾਗਰਿਕਤਾ ਦਿੱਤੀ ਗਈ।
7- ਸਰਕਾਰੀ ਬੈਂਕਾਂ ਨੂੰ ਮਿਲਾਉਣਾ (1 ਅਪ੍ਰੈਲ 2020)- ਮੋਦੀ ਸਰਕਾਰ ਨੇ 10 ਵੱਡੇ ਸਰਕਾਰੀ ਬੈਂਕਾਂ ਨੂੰ ਮਿਲਾ ਕੇ 4 ਵੱਡੇ ਬੈਂਕ ਬਣਾਉਣ ਦਾ ਐਲਾਨ ਕੀਤਾ।
ਅਸਰ : ਬੈਂਕਾਂ ਦਾ ਖ਼ਰਚ ਘਟਿਆ। ਉਨ੍ਹਾਂ ਦਾ ਮੁਨਾਫ਼ਾ ਵਧਿਆ। ਗਾਹਕਾਂ ਨੂੰ ਬਿਹਤਰ ਸਹੂਲਤਾਂ ਮਿਲੀਆਂ। ਬੈਂਕ ਸਸਤਾ ਅਤੇ ਜ਼ਿਆਦਾ ਕਰਜ਼ ਦੇਣ 'ਚ ਸਮਰੱਥ ਹੋਏ।
8- ਖੇਤੀ ਕਾਨੂੰਨ (19 ਨਵੰਬਰ 2021)- ਤਿੰਨੋਂ ਖੇਤੀ ਕਾਨੂੰਨ ਵਾਪਸ ਲਏ ਗਏ।
ਅਸਰ : ਕਰੀਬ ਸਾਲ ਭਰ ਤੋਂ ਚੱ ਲਿਹਾ ਕਿਸਾਨ ਅੰਦੋਲਨ ਖ਼ਤਮ ਹੋਇਆ।
ਉਹ 5 ਯੋਜਨਾਵਾਂ ਜੋ ਦੁਨੀਆ 'ਚ ਬਣੀਆਂ ਮਿਸਾਲ
1- ਜਨ ਧਨ ਯੋਜਨਾ: 2014 ਤੋਂ 2021 ਦਰਮਿਆਨ 24 ਕਰੋੜ ਔਰਤਾਂ ਦੇ ਬੈਂਕ ਖਾਤੇ ਖੋਲ੍ਹੇ। ਸਿੱਧੇ ਪੈਸੇ ਟਰਾਂਸਫਰ ਕਰ ਕੇ 2 ਲੱਖ ਕਰੋੜ ਬਚਾਏ।
2- ਕੋਰੋਨਾ ਵੈਕਸੀਨ ਡਰਾਈਵ : ਦੁਨੀਆ ਦੀ ਸਭ ਤੋਂ ਵੱਡੀ ਡਰਾਈਵ ਚਲਾਈ। ਇਕ ਦਿਨ 'ਚ 2.5 ਕਰੋੜ ਡੋਜ਼ ਦਾ ਰਿਕਾਰਡ। ਹੁਣ ਤੱਕ 192 ਕਰੋੜ ਤੋਂ ਵੱਧ ਡੋਜ਼ ਲਗਾ ਚੁਕੇ
3- ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ : ਸਤੰਬਰ 2019 ਤੱਕ 8 ਕਰੋੜ ਔਰਤਾਂ ਨੂੰ ਮੁਫ਼ਤ ਗੈਸ ਕਨੈਕਸ਼ਨ ਵੰਡੇ, ਤਾਂ ਕਿ ਉਹ ਚੁੱਲ੍ਹਾ ਨਾ ਜਲਾਉਣ।
4- ਕਿਸਾਨ ਸਨਮਾਨ ਫੰਡ : ਸਾਰੇ ਕਿਸਾਨ ਪਰਿਵਾਰਾਂ ਨੂੰ ਹਰ ਸਾਲ 6 ਹਜ਼ਾਰ ਰੁਪਏ ਦੀ ਮਦਦ ਦੇ ਰਹੇ ਹਨ। ਦਸੰਬਰ ਤੋਂ ਮਾਰਚ 2021-22 ਤੱਕ 11.11 ਕਰੋੜ ਲੋਕਾਂ ਨੂੰ ਭੁਗਤਾਨ
5- ਆਯੂਸ਼ਮਾਨ ਭਾਰਤ : ਹਰ ਸਾਲ 5 ਲੱਖ ਰੁਪਏ ਸਿਹਤ ਬੀਮੇ ਦੀ ਸਕੀਮ 'ਚ 21 ਮਾਰਚ 2022 ਤੱਕ 3.11 ਕਰੋੜ ਮਰੀਜ਼ ਇਲਾਜ ਕਰਵਾ ਚੁਕੇ ਹਨ।
ਬਿਹਾਰ 'ਚ ਜ਼ਹਿਰੀਲੀ ਸ਼ਰਾਬ ਦਾ ਕਹਿਰ, 13 ਲੋਕਾਂ ਦੀ ਮੌਤ, ਕਈ ਹੋਰ ਲੜ ਰਹੇ ਨੇ ਜ਼ਿੰਦਗੀ ਦੀ ਜੰਗ
NEXT STORY 
