ਨਵੀਂ ਦਿੱਲੀ- ਦਾਜ ਪ੍ਰਥਾ ਅਜੇ ਵੀ ਬਹੁਤ ਸਾਰੇ ਪਰਿਵਾਰਾਂ ਨੂੰ ਪਰੇਸ਼ਾਨ ਕਰ ਰਹੀ ਹੈ। ਅੱਜ ਵੀ ਲਾੜੇ ਦਾਜ ਦੇ ਨਾਂ 'ਤੇ ਬਹੁਤ ਸਾਰੀਆਂ ਮੰਗਾਂ ਕਰਦੇ ਹਨ ਅਤੇ ਮੰਗ ਪੂਰੀ ਨਾ ਹੋਣ 'ਤੇ ਵਿਆਹ ਤੋੜ ਦਿੰਦੇ ਹਨ। ਅਜਿਹੇ ਹੀ ਇਕ ਮਾਮਲੇ 'ਚ ਵਿਅਕਤੀ ਨੂੰ ਜ਼ਿਆਦਾ ਦਾਜ ਲਈ ਵਿਆਹ ਤੋੜਨਾ ਭਾਰੀ ਪੈ ਗਿਆ ਅਤੇ ਤਿੰਨ ਦਿਨ ਦੇ ਵਿਆਹ ਲਈ ਹੁਣ ਉਸ ਨੂੰ 3 ਲੱਖ ਰੁਪਏ ਦਾ ਮੁਆਵਜ਼ਾ ਦੇਣਾ ਹੋਵੇਗਾ। ਦੱਸਣਯੋਗ ਹੈ ਕਿ ਦਾਜ ਦੇ ਲਾਲਚ 'ਚ ਇਕ ਲਾੜੇ ਨੇ ਆਪਣਾ ਵਿਆਹ ਸਿਰਫ਼ 3 ਦਿਨਾਂ ਅੰਦਰ ਤੋੜ ਦਿੱਤਾ, ਜਿਸ ਕਾਰਨ ਉਸ ਨੂੰ 19 ਸਾਲ ਤੱਕ ਦਾਜ ਉਤਪੀੜਨ ਦੇ ਮੁਕੱਦਮੇ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੌਰਾਨ ਉਹ ਤਿੰਨ ਮਹੀਨੇ ਜੇਲ੍ਹ 'ਚ ਵੀ ਰਿਹਾ। ਹੁਣ ਸੁਪਰੀਮ ਕੋਰਟ ਨੇ ਉਸ ਨੂੰ ਆਪਣੀ ਪਤਨੀ ਨੂੰ 3 ਲੱਖ ਰੁਪਏ ਦਾ ਮੁਆਵਜ਼ਾ ਦੇਣ ਦਾ ਆਦੇਸ਼ ਦਿੱਤਾ ਹੈ, ਜੋ ਹੁਣ ਦੂਜਾ ਵਿਆਹ ਕਰ ਕੇ ਵਿਦੇਸ਼ 'ਚ ਰਹਿ ਰਹੀ ਹੈ। ਨਾਲ ਹੀ ਕੋਰਟ ਨੇ ਲਾੜੇ ਨੂੰ ਆਦੇਸ਼ ਦਿੱਤਾ ਕਿ ਉਹ ਸੈਦਾਪੇਟ ਟ੍ਰਾਇਲ ਕੋਰਟ 'ਚ ਚਾਰ ਹਫ਼ਤਿਆਂ ਅੰਦਰ 3 ਲੱਖ ਰੁਪਏ ਜਮ੍ਹਾ ਕਰੇ, ਜੋ ਲਾੜੀ ਨੂੰ ਉਸ ਦੇ ਉਤਪੀੜਨ ਲਈ ਮੁਆਵਜ਼ੇ ਵਜੋਂ ਦਿੱਤੇ ਜਾਣਗੇ। ਜੇਕਰ ਇਹ ਰਾਸ਼ੀ ਨਹੀਂ ਦਿੱਤੀ ਜਾਂਦੀ ਤਾਂ ਮਾਮਲੇ ਦੀ ਸੁਣਵਾਈ ਮੁੜ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ : 100 ਬਰਾਤੀ ਲੈ ਕੇ ਪੁੱਜਿਆ ਲਾੜਾ, ਨਾ ਲਾੜੀ ਮਿਲੀ ਨਾ ਉਸ ਦਾ ਘਰ, ਹੈਰਾਨ ਕਰਨ ਵਾਲਾ ਹੈ ਪੂਰਾ ਮਾਮਲਾ
ਜਾਣਕਾਰੀ ਅਨੁਸਾਰ ਇਹ ਘਟਨਾ 3 ਜਨਵਰੀ 2006 'ਚ ਹੋਈ ਸੀ, ਜਦੋਂ ਲਾੜੀ ਦੇ ਮਾਤਾ-ਪਿਤਾ ਨੇ ਉਸ ਨੂੰ 60 ਸੋਨੇ ਦੇ ਸਿੱਕੇ ਅਤੇ ਲਾੜੇ ਨੂੰ 10 ਸੋਨੇ ਦੇ ਸਿੱਕੇ ਦਿੱਤੇ ਸਨ ਪਰ ਲਾੜੇ ਨੇ ਹੋਰ ਵੱਧ ਦਾਜ ਦੀ ਮੰਗ ਕੀਤੀ ਅਤੇ ਵਿਆਹ ਤੋਂ ਬਾਅਦ ਹੋਰ 30 ਸੋਨੇ ਦੇ ਸਿੱਕੇ ਮੰਗੇ। ਲਾੜੇ ਦੇ ਪਿਤਾ ਨੇ ਵੀ ਲਾੜੀ ਦੇ ਮਾਤਾ-ਪਿਤਾ 'ਤੇ 100 ਸੋਨੇ ਦੇ ਸਿੱਕੇ ਨਾ ਦੇਣ ਦਾ ਦੋਸ਼ ਲਗਾਉਂਦੇ ਹੋਏ ਵਿਆਹ ਸਮਾਰੋਹ ਤੋਂ ਲਾੜੀ ਨੂੰ ਬਾਹਰ ਲਿਜਾਉਣ ਦੀ ਕੋਸ਼ਿਸ਼ ਕੀਤੀ ਸੀ। ਇਸ ਤੋਂ ਪਰੇਸ਼ਾਨ ਹੋ ਕੇ ਲਾੜੀ ਨੇ ਦਾਜ ਉਤਪੀੜਨ ਦਾ ਕੇਸ ਦਰਜ ਕਰਵਾਇਆ ਸੀ। ਤਾਮਿਲਨਾਡੂ ਦੀ ਸੈਦਾਪੇਟ ਦੀ ਟ੍ਰਾਇਲ ਕੋਰਟ ਨੇ ਲਾੜੇ ਨੂੰ ਦੋਸ਼ੀ ਠਹਿਰਾਉਂਦੇ ਹੋਏ ਉਸ ਨੂੰ ਤਿੰਨ ਸਾਲ ਦੀ ਸਜ਼ਾ ਅਤੇ 3 ਹਜ਼ਾਰ ਰੁਪਏ ਜੁਰਮਾਨਾ ਲਗਾਇਆ ਸੀ। ਮਦਰਾਸ ਹਾਈ ਕੋਰਟ ਨੇ ਦੋਸ਼ੀ ਠਹਿਰਾਇਆ ਪਰ ਸਜ਼ਾ ਘਟਾ ਕੇ 2 ਸਾਲ ਕਰ ਦਿੱਤੀ। ਲਾੜੇ ਨੇ ਇਸ ਫ਼ੈਸਲੇ ਖ਼ਿਲਾਫ਼ ਸੁਪਰੀਮ ਕੋਰਟ 'ਚ ਅਪੀਲ ਕੀਤੀ ਅਤੇ ਉਸ ਨੂੰ ਜੇਲ੍ਹ 'ਚ ਤਿੰਨ ਮਹੀਨੇ ਬਿਤਾਉਣ ਤੋਂ ਬਾਅਦ ਜ਼ਮਾਨਤ ਮਿਲ ਗਈ। ਸੁਪਰੀਮ ਕੋਰਟ ਨੇ ਕਿਹਾ ਕਿ ਇਹ ਮਾਮਲਾ 19 ਸਾਲ ਤੱਕ ਖਿੱਚਿਆ ਗਿਆ ਅਤੇ ਹੁਣ ਦੋਵੇਂ ਹੀ ਆਪਣੀ ਜ਼ਿੰਦਗੀ 'ਚ ਅੱਗੇ ਵਧ ਚੁੱਕੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਤੈਸ਼ 'ਚ ਆਏ ਜਵਾਈ ਨੇ ਸਹੁਰੇ ਨੂੰ ਮਾਰੀ ਗੋਲੀ, ਫਿਰ...
NEXT STORY 
