ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਦੇ ਰਾਜ ਕਰ ਵਿਭਾਗ ਨਾਲ ਜੁੜੇ ਅਧਿਕਾਰੀਆਂ ਵੱਲੋਂ ਸੁਲਤਾਨਪੁਰ ਰੋਡ ’ਤੇ 200 ਕਰੋੜ ਰੁਪਏ ਦੀਆਂ ਅਣ-ਐਲਾਨੀਆਂ ਜਾਇਦਾਦਾਂ ਖਰੀਦਣ ਦੇ ਮਾਮਲੇ ਦੀ ਜਾਂਚ ਆਮਦਨ ਕਰ ਵਿਭਾਗ ਅਤੇ ਯੂ.ਪੀ.ਐੱਸ.ਟੀ.ਐੱਫ. ਨੇ ਸ਼ੁਰੂ ਕਰ ਦਿੱਤੀ ਹੈ। ਆਮਦਨ ਕਰ ਵਿਭਾਗ ਦੀ ਬੇਨਾਮੀ ਜਾਇਦਾਦ ਰੋਕੂ ਇਕਾਈ ਨੇ ਰਾਜ ਕਰ ਵਿਭਾਗ ਨਾਲ ਸਬੰਧਤ ਅਧਿਕਾਰੀਆਂ ਦੇ ਨਾਂ ਮੰਗੇ ਹਨ। ਸਰਕਾਰ ਦੇ ਹੁਕਮਾਂ ’ਤੇ ਐੱਸ.ਟੀ.ਐੱਫ. ਦੀ ਟੀਮ ਵੀ ਗੁਪਤ ਜਾਂਚ ’ਚ ਜੁਟੀ ਹੋਈ ਹੈ।
ਸੂਤਰਾਂ ਅਨੁਸਾਰ ਇਸ ਮਾਮਲੇ ’ਚ ਲੱਗਭਗ 50 ਅਧਿਕਾਰੀਆਂ ਨੇ ਇਕ ਬਿਲਡਰ ਦੇ ਪ੍ਰਾਜੈਕਟ ’ਚ ਨਿਵੇਸ਼ ਕੀਤਾ। ਇਹ ਅਧਿਕਾਰੀ ਫਲਾਇੰਗ ਸਕੁਐਡ ਅਤੇ ਸਪੈਸ਼ਲ ਇਨਵੈਸਟੀਗੇਸ਼ਨ ਵਿੰਗ ’ਚ ਤਾਇਨਾਤ ਹਨ ਜਾਂ ਪਹਿਲਾਂ ਤਾਇਨਾਤ ਰਹਿ ਚੁੱਕੇ ਸਨ। ਕਈ ਅਧਿਕਾਰੀਆਂ ਨੇ ਬਿਲਡਰ ਦੇ ਪ੍ਰਾਜੈਕਟ ’ਚ ਪਲਾਟ ਖਰੀਦੇ, ਜੋ ਕਿ ਕਥਿਤ ਤੌਰ ’ਤੇ ਇਕ ਜੀ.ਐੱਸ.ਟੀ. ਅਧਿਕਾਰੀ ਦੇ ਰਿਸ਼ਤੇਦਾਰ ਦੇ ਹਨ।
ਇਹ ਵੀ ਪੜ੍ਹੋ- 1,50,000 ਰੁਪਏ ਨੂੰ ਤੋਲਾ ਹੋਇਆ ਸੋਨਾ, ਬਾਜ਼ਾਰ 'ਚੋਂ ਹੋਇਆ ਗਾਇਬ
ਜਾਂਚ ’ਚ ਪਤਾ ਲੱਗਾ ਹੈ ਕਿ ਇਨ੍ਹਾਂ ਅਧਿਕਾਰੀਆਂ ਦੀ ਨਿਯੁਕਤੀ ਗਾਜ਼ੀਆਬਾਦ, ਆਗਰਾ, ਲਖਨਊ, ਕਾਨਪੁਰ, ਵਾਰਾਣਸੀ, ਮੁਰਾਦਾਬਾਦ, ਮੇਰਠ ਅਤੇ ਗੌਤਮਬੁੱਧ ਨਗਰ ਵਰਗੇ ਜ਼ਿਲਿਆਂ ’ਚ ਸੀ। ਹੁਣ ਤੱਕ ਜਿਨ੍ਹਾਂ ਅਧਿਕਾਰੀਆਂ ਦੇ ਨਾਂ ਅਤੇ ਜਾਇਦਾਦ ਦੇ ਕਾਗਜ਼ਾਤ ਮਿਲੇ ਹਨ, ਉਹ ਸਹਾਰਨਪੁਰ, ਲਖਨਊ, ਆਜ਼ਮਗੜ੍ਹ, ਲਖੀਮਪੁਰ ਖੀਰੀ, ਮਿਰਜ਼ਾਪੁਰ ਅਤੇ ਕਾਨਪੁਰ ਸਮੇਤ 10 ਜ਼ਿਲਿਆਂ ’ਚ ਤਾਇਨਾਤ ਹੈ। ਐੱਸ.ਟੀ.ਐੱਫ. ਦੀ ਟੀਮ ਦੇ ਅਗਵਾਈ ’ਚ ਕੀਤੀ ਜਾ ਰਹੀ ਜਾਂਚ ’ਚ ਗ਼ੈਰ-ਕਾਨੂੰਨੀ ਜਾਇਦਾਦ ਖਰੀਦ ਅਤੇ ਕਾਲਾ ਧਨ ਨਿਵੇਸ਼ ਦੇ ਪੁਖਤਾ ਸੁਰਾਗ ਮਿਲਣ ’ਤੇ ਸਰਕਾਰ ਨੂੰ ਰਿਪੋਰਟ ਸੌਂਪੀ ਜਾਵੇਗੀ।
ਇਹ ਵੀ ਪੜ੍ਹੋ- ਭਾਰਤੀ ਫ਼ੌਜ ਦੀ ਤਾਕਤ 'ਚ ਹੋਇਆ ਇਜ਼ਾਫ਼ਾ, ਨਾਗ MK-2 ਮਿਜ਼ਾਈਲ ਦਾ ਕੀਤਾ ਸਫ਼ਲ ਪ੍ਰੀਖਣ
ਰਿਸ਼ਵਤ ਲੈਂਦਾ ਸਰਕਾਰੀ ਅਧਿਕਾਰੀ ਰੰਗੇ ਹੱਥੀਂ ਗ੍ਰਿਫ਼ਤਾਰੀ, ਛਾਪੇਮਾਰੀ ਦੌਰਾਨ ਘਰੋਂ ਮਿਲਿਆ ਸਾਮਾਨ ਉਡਾ ਦੇਵੇਗਾ ਹੋਸ਼
NEXT STORY 
