ਪ੍ਰਮੁੱਖ ਵਪਾਰਕ ਸਮੂਹ 'ਤੇ ਇਨਕਮ ਟੈਕਸ ਵਿਭਾਗ ਦੀ ਦਬਿਸ਼, ਬੇਹਿਸਾਬ ਸੋਨਾ ਤੇ 50 ਕਰੋੜ ਦੀ ਨਕਦੀ ਜ਼ਬਤ

Edited By Anmol Tagra,
Updated: 12 Oct, 2023 02:15 AM

ਜੈਤੋ (ਰਘੁਨੰਦਨ ਪਰਾਸ਼ਰ): ਆਮਦਨ ਕਰ ਵਿਭਾਗ ਨੇ ਕਸ਼ਮੀਰ ਘਾਟੀ ਵਿਚ ਸੀਮਿੰਟ, ਸਟੀਲ, ਕੱਚ, ਪਲਾਈਵੁੱਡ, ਰੀਅਲ ਅਸਟੇਟ, ਸੈਰ-ਸਪਾਟਾ, ਟੈਕਸਟਾਈਲ ਅਤੇ ਸਿਹਤ ਸੰਭਾਲ ਵਰਗੇ ਵੱਖ-ਵੱਖ ਖੇਤਰਾਂ ਵਿੱਚ ਲੱਗੇ ਇੱਕ ਵੱਡੇ ਕਾਰੋਬਾਰੀ ਸਮੂਹ ਦੀ ਤਲਾਸ਼ੀ ਅਤੇ ਜ਼ਬਤ ਮੁਹਿੰਮ ਚਲਾਈ। ਵਿੱਤ ਮੰਤਰਾਲੇ ਨੇ ਬੁੱਧਵਾਰ ਨੂੰ ਕਿਹਾ ਕਿ ਕਸ਼ਮੀਰ ਘਾਟੀ ਅਤੇ ਦਿੱਲੀ ਦੇ ਸ਼੍ਰੀਨਗਰ, ਸੋਪੋਰ, ਬਡਗਾਮ, ਸੋਨਮਰਗ, ਪੁਲਵਾਮਾ ਖੇਤਰਾਂ ਵਿਚ 40 ਤੋਂ ਵੱਧ ਟਿਕਾਣਿਆਂ ਨੂੰ ਕਵਰ ਕੀਤਾ ਗਿਆ। ਤਲਾਸ਼ੀ ਮੁਹਿੰਮ ਦੌਰਾਨ ਇਤਰਾਜ਼ਯੋਗ ਦਸਤਾਵੇਜ਼, ਹੱਥ ਲਿਖਤ ਡਾਇਰੀਆਂ ਅਤੇ ਡਿਜੀਟਲ ਉਪਕਰਨ ਜ਼ਬਤ ਕੀਤੇ ਗਏ ਹਨ। ਵੱਖ-ਵੱਖ ਫੈਕਟਰੀਆਂ ਅਤੇ ਪ੍ਰਚੂਨ ਦੁਕਾਨਾਂ ਵਿਚ ਵੀ ਸਟਾਕ ਵਿਚ ਅੰਤਰ ਦੇਖਿਆ ਗਿਆ ਹੈ। ਕਸ਼ਮੀਰ ਘਾਟੀ ਵਿਚ ਸਥਿਤ ਅਚੱਲ ਸੰਪਤੀਆਂ ਵਿਚ ਕਰੋੜਾਂ ਤੋਂ ਵੱਧ ਦੀ ਰਕਮ ਦੇ ਅਣਐਲਾਨੀ ਨਿਵੇਸ਼ ਦੇ ਸਬੂਤ ਤੇ ਵੱਖ-ਵੱਖ ਅਹਾਤਿਆਂ ਤੋਂ 50 ਕਰੋੜ ਰੁਪਏ ਵੀ ਬਰਾਮਦ ਕੀਤੇ ਗਏ ਹਨ। ਹੁਣ ਤੱਕ ਦੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਗਰੁੱਪ ਨੇ ਸੀਮਿੰਟ ਸੈਕਟਰ ਵਿਚ ਆਪਣੀ ਵਿਕਰੀ ਨੂੰ ਘੱਟ ਦਿਖਾ ਕੇ ਟੈਕਸ ਚੋਰੀ ਕਰ ਰਿਹਾ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਪੰਜਾਬ ਸਰਕਾਰ ਦੀਆਂ ਕੋਸ਼ਿਸ਼ਾਂ ਨੂੰ ਪਿਆ ਬੂਰ, ਕੇਂਦਰ ਸਰਕਾਰ ਨੇ ਜਾਰੀ ਕੀਤਾ 3670 ਕਰੋੜ ਰੁਪਏ ਦਾ ਬਕਾਇਆ

ਇਸ ਸਬੰਧੀ ਕੈਸ਼ ਵਾਊਚਰ ਅਤੇ ਸੇਲ ਚਲਾਨਾਂ ਦੇ ਰੂਪ ਵਿਚ ਸਬੂਤ ਜ਼ਬਤ ਕੀਤੇ ਗਏ ਹਨ, ਜੋ ਕਿ ਲੇਖਾ-ਜੋਖਾ ਵਿਚ ਦਰਜ ਨਹੀਂ ਹਨ। ਇਸੇ ਤਰ੍ਹਾਂ ਖਾਤੇ ਦੀਆਂ ਕਿਤਾਬਾਂ ਵਿਚ ਰੁਪਏ ਤੋਂ ਵੱਧ ਦੀ ਅਣਦੱਸੀ ਵਿਕਰੀ ਦੇ ਸਬੂਤ। ਟੈਕਸਟਾਈਲ ਅਤੇ ਪਲਾਈਵੁੱਡ ਸੈਕਟਰ ਵਿਚ ਵੀ 50 ਕਰੋੜ ਰੁਪਏ ਪ੍ਰਾਪਤ ਹੋਏ ਹਨ। ਕਸ਼ਮੀਰ ਅਤੇ ਦਿੱਲੀ ਵਿਚ ਸੰਚਾਲਿਤ ਸਮੂਹ ਦੇ ਰੀਅਲ ਅਸਟੇਟ ਕਾਰੋਬਾਰ ਵਿੱਚ ਚੱਲ ਰਹੇ ਪੈਸੇ ਦੀ ਰਸੀਦ ਦਾ ਸਬੂਤ ਦੇਣ ਵਾਲੇ ਦਸਤਾਵੇਜ਼ ਬਰਾਮਦ ਕੀਤੇ ਗਏ ਹਨ। ਖਾਤਿਆਂ ਦੀਆਂ ਕਿਤਾਬਾਂ ਵਿਚ ਰਸੀਦਾਂ ਨੂੰ ਛੁਪਾਉਣ ਦਾ ਅੰਦਾਜ਼ਾ ਲਗਭਗ 10 ਕਰੋੜ ਰੁਪਏ ਹੈ। ਸਮੂਹ ਦੇ ਮੁੱਖ ਵਿਅਕਤੀ ਨੇ ਮੰਨਿਆ ਹੈ ਕਿ ਅਣਦੱਸੀ ਆਮਦਨ ਪੈਦਾ ਕਰਨ ਲਈ ਉਪਰੋਕਤ ਢੰਗ ਤਰੀਕੇ ਅਪਣਾਏ ਜਾ ਰਹੇ ਹਨ। ਤਲਾਸ਼ੀ ਕਾਰਵਾਈ ਦੇ ਨਤੀਜੇ ਵਜੋਂ 1.70 ਕਰੋੜ ਰੁਪਏ ਤੋਂ ਵੱਧ ਦੀ ਅਣ-ਐਲਾਨੀ ਨਕਦੀ ਮਿਲੀ ਜਿਸ ਨੂੰ ਜ਼ਬਤ ਕਰ ਲਿਆ ਗਿਆ ਸੀ। ਇਸ ਤੋਂ ਇਲਾਵਾ ਬੇਹਿਸਾਬ ਸੋਨਾ ਵੀ ਬਰਾਮਦ ਕੀਤਾ ਗਿਆ। 16 ਲੱਖ ਰੁਪਏ ਵੀ ਜ਼ਬਤ ਕੀਤੇ ਗਏ ਹਨ। ਅਗਲੇਰੀ ਜਾਂਚ ਜਾਰੀ ਹੈ।