ਪ੍ਰਯਾਗਰਾਜ- ਮਹਾਂਕੁੰਭ ਤੋਂ ਅਜਿਹੀਆਂ ਬਹੁਤ ਸਾਰੀਆਂ ਸਟੋਰੀਆਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ 'ਚ ਉਨ੍ਹਾਂ ਲੋਕਾਂ ਨੇ ਸੰਸਾਰਿਕ ਮੋਹ ਤਿਆਗ ਕੇ ਅਧਿਆਤਮਿਕਤਾ ਦਾ ਰਸਤਾ ਚੁਣਿਆ ਸੀ। ਇਨ੍ਹਾਂ 'ਚੋਂ ਇੱਕ ਅਹਿਮਦਾਬਾਦ ਦੀ Deja Sharma ਹੈ, ਜੋ ਇਨ੍ਹੀਂ ਦਿਨੀਂ ਕੁੰਭ 'ਚ ਆਪਣੀ ਸੁੰਦਰਤਾ ਕਾਰਨ ਸੁਰਖੀਆਂ 'ਚ ਹੈ। ਹਾਲਾਂਕਿ, ਏਅਰ ਹੋਸਟੈੱਸ ਬਣਨ ਤੋਂ ਲੈ ਕੇ ਸਾਧਵੀ ਬਣਨ ਤੱਕ ਦਾ ਉਸਦਾ ਸਫ਼ਰ ਮੁਸ਼ਕਲਾਂ ਨਾਲ ਭਰਿਆ ਹੋਇਆ ਸੀ। ਜਾਣੋ ਕਿਵੇਂ ਉਸਨੇ ਗਲੈਮਰਸ ਜ਼ਿੰਦਗੀ ਛੱਡ ਕੇ ਅਧਿਆਤਮਿਕਤਾ ਦਾ ਰਸਤਾ ਚੁਣਿਆ?
Deja Sharma ਅਹਿਮਦਾਬਾਦ ਦੀ ਰਹਿਣ ਵਾਲੀ ਹੈ, ਜੋ ਪਹਿਲਾਂ ਹੀ ਆਧੁਨਿਕ ਜੀਵਨ ਜਿਊਣ 'ਚ ਵਿਸ਼ਵਾਸ ਰੱਖਦੀ ਸੀ। ਉਸ ਨੇ ਸਪਾਈਸ ਜੈੱਟ 'ਚ ਏਅਰ ਹੋਸਟੈੱਸ ਵਜੋਂ ਵੀ ਕੰਮ ਕੀਤਾ। ਪਰ ਉਸ ਦੀ ਜ਼ਿੰਦਗੀ 'ਚ ਇੱਕ ਅਜਿਹਾ ਮੋੜ ਆਇਆ ਜਦੋਂ ਉਸ ਨੇ ਸਭ ਕੁਝ ਛੱਡ ਦਿੱਤਾ। Deja ਦੀ ਮਾਂ ਦਾ ਛੇ ਮਹੀਨੇ ਪਹਿਲਾਂ ਦਿਹਾਂਤ ਹੋ ਗਿਆ ਸੀ। ਜਿਸ ਤੋਂ ਬਾਅਦ ਉਸ ਨੂੰ ਅਹਿਸਾਸ ਹੋਇਆ ਕਿ ਉਸ ਦਾ ਕੋਈ ਨਹੀਂ ਹੈ। ਇਸ ਔਖੇ ਸਮੇਂ 'ਚ ਕਿਸੇ ਨੇ ਉਸ ਦਾ ਸਾਥ ਨਹੀਂ ਦਿੱਤਾ। ਇਸ ਤੋਂ ਬਾਅਦ ਉਹ ਅਧਿਆਤਮਿਕਤਾ ਵੱਲ ਵਧਣ ਲੱਗੀ।ਜਦੋਂ ਉਹ ਪ੍ਰਯਾਗਰਾਜ ਮਹਾਕੁੰਭ ਪਹੁੰਚੀ, ਤਾਂ ਉਸਦੀ ਯਾਤਰਾ ਇੱਥੋਂ ਸ਼ੁਰੂ ਹੋਈ। ਮਹਾਂਕੁੰਭ 'ਚ ਉਸ ਨੇ ਗੁਰੂ ਦੀਕਸ਼ਾ (ਦੀਖਿਆ) ਲੈਣ ਬਾਰੇ ਵੀ ਸੋਚਿਆ। ਉਹ ਕਹਿੰਦੀ ਹੈ ਕਿ ਇਹ ਜੀਵਨ ਸੰਸਾਰਿਕ ਜੀਵਨ ਨਾਲੋਂ ਵਧੇਰੇ ਔਖਾ ਹੈ।
Deja Sharma ਹੁਣ ਸਾਧਵੀ ਬਣ ਕੇ ਸਮਾਜ ਸੇਵਾ ਕਰ ਰਹੀ ਹੈ। ਇਸ ਦੌਰਾਨ ਜਦੋਂ ਉਸ ਦਾ ਨਾਮ ਹਰਸ਼ਾ ਰਿਚਾਰੀਆ ਨਾਲ ਜੋੜਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਮੈਂ ਨਾ ਤਾਂ ਹਰਸ਼ਾ ਰਿਚਾਰੀਆ ਦੀ ਭੈਣ ਹਾਂ ਅਤੇ ਨਾ ਹੀ ਮੈਂ ਬਣਨਾ ਚਾਹੁੰਦੀ ਹਾਂ। ਉਹ ਇੱਕ ਅਦਾਕਾਰ ਅਤੇ Influencer ਹੈ। Deja ਕਹਿੰਦੀ ਹੈ ਕਿ ਮਹਾਂਕੁੰਭ 'ਚ ਜਾਣ ਵਾਲੇ ਹਰ ਵਿਅਕਤੀ ਦੇ ਜੀਵਨ 'ਚ ਬਦਲਾਅ ਆਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਹਰਸ਼ਾ ਰਿਚਾਰੀਆ, ਮੋਨਾਲੀਸਾ ਅਤੇ IITI ਬਾਬਾ ਵੀ ਕਾਫ਼ੀ ਵਾਇਰਲ ਹੋ ਚੁੱਕਿਆ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਟਰੱਕ ਤੇ ਸਕਾਰਪੀਓ ਦੀ ਜ਼ਬਰਦਸਤ ਟੱਕਰ 'ਚ ਨੌਜਵਾਨ ਦੀ ਮੌਤ, ਦੋ ਹੋਰ ਜ਼ਖਮੀ
NEXT STORY 
