ਠਾਣੇ (ਭਾਸ਼ਾ)- ਮਹਾਰਾਸ਼ਟਰ ਦੇ ਠਾਣੇ ਜ਼ਿਲ੍ਹੇ 'ਚ ਬੱਚਿਆਂ ਦੀ ਕਸਟਡੀ ਨੂੰ ਲੈ ਕੇ ਆਪਣੀ ਪਤਨੀ ਦਾ ਕਤਲ ਕਰਨ ਦੇ ਦੋਸ਼ 'ਚ 41 ਸਾਲਾ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਕ ਅਧਿਕਾਰੀ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਮੀਰਾ ਰੋਡ ਵਾਸੀ ਜੋੜਾ ਨਦੀਮ ਖਾਨ ਅਤੇ ਉਸ ਦੀ ਪਤਨੀ ਅਮਰੀਨ (36) ਦੇ 2 ਬੱਚੇ ਹਨ, ਜਿਨ੍ਹਾਂ ਦੀ ਉਮਰ 10 ਸਾਲ ਅਤੇ 2 ਸਾਲ ਹਨ। ਅਧਿਕਾਰੀ ਅਨੁਸਾਰ, ਬੱਚਿਆਂ ਦੀ ਕਸਟਡੀ ਨੂੰ ਲੈ ਕੇ ਉਨ੍ਹਾਂ ਵਿਚਾਲੇ ਵਿਵਾਦ ਚੱਲ ਰਿਹਾ ਸੀ।
ਉਨ੍ਹਾਂ ਦੱਸਿਆ ਕਿ ਔਰਤ ਸ਼ੁੱਕਰਵਾਰ ਨੂੰ ਮਦਦ ਮੰਗਣ ਪੁਲਸ ਥਾਣੇ ਗਈ ਸੀ। ਅਧਿਕਾਰੀ ਅਨੁਸਾਰ, ਕਿਉਂਕਿ ਪੁਲਸ ਮੁਲਾਜ਼ਮ ਰੁਝੇ ਸਨ ਤਾਂ ਔਰਤ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਉਹ ਕੁਝ ਦੇਰ ਬਾਅਦ ਆਏਗੀ ਅਤੇ ਉਹ ਆਪਣੇ ਬੱਚਿਆਂ ਨੂੰ ਮਿਲਣ ਲਈ ਨੇੜੇ ਦੇ ਇਕ ਸਕੂਲ ਚਲੀ ਗਈ ਸੀ। ਮੀਰਾ ਰੋਡ ਪੁਲਸ ਥਾਣੇ ਦੇ ਅਧਿਕਾਰੀ ਨੇ ਦੱਸਿਆ ਕਿ ਸਕੂਲ ਜਾਣ ਦੇ ਰਸਤੇ 'ਚ ਖਾਨ ਦਾ ਅਮਰੀਨ ਨਾਲ ਝਗੜਾ ਹੋ ਗਿਆ ਅਤੇ ਉਸ ਨੇ ਚਾਕੂ ਮਾਰ ਕੇ ਅਮਰੀਨ ਦਾ ਕਤਲ ਕਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਖਾਨ 'ਤੇ ਕਤਲ ਦਾ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ ਅਤੇ ਮਾਮਲੇ ਦੀ ਜਾਂਚ ਜਾਰੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
66 ਇਤਿਹਾਸਕ ਯਾਦਗਾਰਾਂ ਦੀ ਸੇਵਾ-ਸੰਭਾਲ ਨਿੱਜੀ ਹੱਥਾਂ ’ਚ, ਇਕ ਨਵੀਂ ਸ਼ੁਰੂਆਤ
NEXT STORY 
