ਨੋਇਡਾ — ਉੱਤਰ ਪ੍ਰਦੇਸ਼ ਦੇ ਗੌਤਮ ਬੁੱਧ ਨਗਰ ਜ਼ਿਲੇ 'ਚ ਨੋਇਡਾ ਸੈਕਟਰ-122 ਵਿਚ ਵਿਆਹ ਸਮਾਰੋਹ ਤੋਂ ਘਰ ਵਾਪਸ ਆ ਰਹੇ ਜਿਮ ਟ੍ਰੇਨਰ ਨੂੰ ਪੁਲਸ ਦੇ ਸਿਪਾਹੀ ਨੇ ਗੋਲੀ ਮਾਰ ਦਿੱਤੀ ਸੀ। ਜ਼ਖਮੀ ਵਿਅਕਤੀ ਨੂੰ ਇਲਾਜ ਲਈ ਨੋਇਡਾ ਦੇ ਫੋਰਟਿਸ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਹਸਪਤਾਲ ਦੇ ਡਾਕਟਰ ਨੇ ਦੱਸਿਆ ਕਿ ਜ਼ਖਮੀ ਦੇ ਸਰੀਰ 'ਚ ਗੋਲੀ ਅਜੇ ਫੱਸੀ ਹੋਈ ਹੈ ਜੋ ਕਿ ਗਲੇ ਦੇ ਕੋਲ ਰੀੜ ਦੀ ਹੱਡੀ 'ਚ ਅਟਕ ਗਈ ਹੈ। ਫਿਲਹਾਲ ਦੋਸ਼ੀ ਸਿਪਾਹੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਇਸ ਦੇ ਨਾਲ ਹੀ ਦੂਸਰੇ ਪਾਸੇ ਇਸ ਮਾਮਲੇ 'ਚ 4 ਪੁਲਸ ਕਰਮਚਾਰੀਆਂ ਸਸਪੈਂਡ ਕਰਕੇ ਜੇਲ ਭੇਜ ਦਿੱਤਾ ਗਿਆ ਹੈ।
ਜਾਣਕਾਰੀ ਅਨੁਸਾਰ ਗੋਲੀ ਮਾਰਨ ਵਾਲਾ ਇੰਸਪੈਕਟਰ ਵਿਜੇ ਦਰਸ਼ਨ ਹੈ ਜੋ ਜਤਿੰਦਰ ਅਤੇ ਉਸਦੇ ਸਾਥੀਆਂ ਦਾ ਫਰਜ਼ੀ ਐਨਕਾਊਂਟਰ ਕਰਨ ਦੀ ਕੋਸ਼ਿਸ਼ 'ਚ ਸੀ। ਮੌਕੇ 'ਤੇ ਮੋਜੂਦ ਸੋਨੂੰ ਅਤੇ ਲਖਣ ਯਾਦਵ ਨੇ ਦੱਸਿਆ ਕਿ ਜਿਮ ਟ੍ਰੇਨਰ ਦੇ ਨਾਲ ਵਿਆਹ ਸਮਾਰੋਹ ਤੋਂ ਪਰਤ ਰਹੇ ਉਸਦੇ ਬਾਕੀ ਸਾਥੀਆਂ ਨੂੰ ਪੁਲਸ ਨੇ ਗਾਇਬ ਕਰ ਦਿੱਤਾ ਹੈ ਤਾਂ ਜੋ ਕਿਸੇ ਤਰ੍ਹਾਂ ਇਸ ਮਾਮਲੇ ਨੂੰ ਦਬਾਇਆ ਜਾ ਸਕੇ। ਉਨ੍ਹਾਂ ਨੇ ਦੱਸਿਆ ਕਿ ਜਤਿੰਦਰ ਦਾ ਕੋਈ ਅਪਰਾਧਿਕ ਰਿਕਾਰਡ ਨਹੀਂ ਹੈ ਅਤੇ ਉਹ ਪ੍ਰਿਥਲਾ ਖੰਜਰਪੁਰ ਪਿੰਡ 'ਚ ਜਿਮ ਚਲਾ ਕੇ ਆਪਣਾ ਗੁਜ਼ਾਰਾ ਕਰ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਸ਼ਨੀਵਾਰ ਦੀ ਰਾਤ ਨੋਇਡਾ ਦੇ ਬਹਿਰਾਮਪੁਰ ਪਿੰਡ 'ਚੋਂ ਆਪਣੀ ਭੈਣ ਦੀ ਮੰਗਣੀ ਤੋਂ ਵਾਪਸ ਪਰਤ ਰਹੇ ਜਤਿੰਦਰ ਦੀ ਸੈਕਟਰ 122 'ਤੇ ਸਥਿਤ ਸੀ.ਐੱਨ.ਜੀ. ਸਟੇਸ਼ਨ 'ਤੇ ਵਿਜੇ ਦਰਸ਼ਨ ਨਾਮਕ ਪੁਲਸ ਕਰਮਚਾਰੀ ਨਾਲ ਬਹਿਸ ਹੋ ਗਈ । ਇਸ ਦੌਰਾਨ ਪੁਲਸ ਕਰਮਚਾਰੀ ਨੇ ਜਤਿੰਦਰ ਨੂੰ ਗੋਲੀ ਮਾਰ ਦਿੱਤੀ। ਪੁਲਸ ਦਾ ਕਹਿਣਾ ਹੈ ਕਿ ਦੋਸ਼ੀ ਦੇ ਖਿਲਾਫ ਸਖਤ ਤੋਂ ਸਖਤ ਕਾਰਵਾਈ ਕੀਤੀ ਜਾਵੇਗੀ। ਪੁਲਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰ ਰਹੀ ਹੈ।
ਅੰਕਿਤ ਦੇ ਪਿਤਾ ਬੋਲੇ- ਕਿਸੇ ਧਰਮ ਨਾਲ ਨਫ਼ਰਤ ਨਹੀਂ
NEXT STORY 
