ਨੀਮਚ (ਭਾਸ਼ਾ)- ਮੱਧ ਪ੍ਰਦੇਸ਼ ਦੇ ਨੀਮਚ ਜ਼ਿਲ੍ਹੇ 'ਚ ਸ਼ਨੀਵਾਰ ਸਵੇਰੇ ਤਿੰਨ ਵਾਹਨਾਂ ਦੀ ਟੱਕਰ 'ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਅਤੇ 5 ਲੋਕ ਜ਼ਖ਼ਮੀ ਹੋ ਗਏ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਹਾਦਸਾ ਨੀਮਚ-ਚਿਤੌੜਗੜ੍ਹ ਮਾਰਗ 'ਤੇ ਹੋਇਆ। ਪੁਲਸ ਸੁਪਰਡੈਂਟ ਅੰਕਿਤ ਜਾਇਸਵਾਲ ਅਨੁਸਾਰ, ਹਾਦਸੇ 'ਚ ਇਕ ਪੁਲਸ ਵਾਹਨ, ਇਕ ਪਿਕਅੱਪ ਵੈਨ ਅਤੇ ਇਕ ਟਰੱਕ ਸ਼ਾਮਲ ਸੀ। ਉਨ੍ਹਾਂ ਨੇ ਚਸ਼ਮਦੀਦਾਂ ਦੇ ਹਵਾਲੇ ਤੋਂ ਦੱਸਿਆ ਕਿ ਪਿਕਅੱਪ ਵਾਹਨ ਅਤੇ ਪੁਲਸ ਵਾਹਨ ਸੜਕ ਦੇ ਕਿਨਾਰੇ ਖੜ੍ਹੇ ਸਨ, ਉਦੋਂ ਹਰਿਆਣਾ ਦੇ ਰਜਿਸਟਰੇਸ਼ਨ ਨੰਬਰ ਵਾਲੇ ਇਕ ਟਰੱਕ ਨੇ ਪਿਕਅੱਪ ਵਾਹਨ ਨੂੰ ਟੱਕਰ ਮਾਰ ਦਿੱਤੀ, ਜੋ ਪੁਲਸ ਵਾਹਨ ਨਾਲ ਜਾ ਟਕਰਾਈ।
ਟੱਕਰ ਕਾਰਨ ਪੁਲਸ ਵਾਹਨ ਪਲਟ ਗਿਆ। ਜਾਇਸਵਾਲ ਨੇ ਦੱਸਿਆ ਕਿ ਇੰਦੌਰ ਤੋਂ ਅਜਮੇਰ ਜਾ ਰਹੇ ਪਿਕਅੱਪ ਵਾਹਨ 'ਚ ਸਵਾਰ 2 ਲੋਕਾਂ ਅਤੇ ਪੁਲਸ ਵਾਹਨ ਦੇ ਨਿੱਜੀ ਡਰਾਈਵਰ ਦੀ ਹਾਦਸੇ 'ਚ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਹਾਦਸੇ 'ਚ 5 ਲੋਕ ਜ਼ਖ਼ਮੀ ਵੀ ਹੋਏ ਹਨ। ਜਾਇਸਵਾਲ ਅਨੁਸਾਰ ਪੁਲਸ ਨੇ ਟਰੱਕ ਜ਼ਬਤ ਕਰ ਲਿਆ ਹੈ, ਜਦੋਂ ਕਿ ਉਸ ਦਾ ਡਰਾਈਵਰ ਫਰਾਰ ਹੋ ਗਿਆ। ਉਨ੍ਹਾਂ ਕਿਹਾ ਕਿ ਪੁਲਸ ਡਰਾਈਵਰ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੌਜਵਾਨਾਂ ਲਈ ਖੁਸ਼ਖ਼ਬਰੀ; ਕਾਂਸਟੇਬਲ ਦੀ ਨਿਕਲੀ ਬੰਪਰ ਭਰਤੀ, ਕੁੜੀਆਂ ਲਈ ਵੀ ਸੁਨਹਿਰੀ ਮੌਕਾ
NEXT STORY 
