ਨੈਸ਼ਨਲ ਡੈਸਕ- ਧਾਰਮਿਕ ਨਗਰੀ ਕਾਸ਼ੀ 'ਚ ਪਹਿਲੀ ਵਾਰ 4 ਦਸੰਬਰ ਤੋਂ ਹਾਈਡ੍ਰੋਜਨ ਨਾਲ ਚੱਲਣ ਵਾਲੀ ਵਾਟਰ ਟੈਕਸੀ ਦਾ ਸੰਚਾਲਨ ਸ਼ੁਰੂ ਹੋਵੇਗਾ। ਕੇਂਦਰੀ ਬੰਦਰਗਾਹ, ਜਹਾਜ਼ਰਾਨੀ ਅਤੇ ਜਲ ਮਾਰਗ ਮੰਤਰੀ ਸਰਬਾਨੰਦ ਸੋਨੋਵਾਲ ਨਮੋ ਘਾਟ ਤੋਂ ਇਸ ਵਾਟਰ ਟੈਕਸੀ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕਰਨਗੇ। ਭਾਰਤੀ ਇਨਲੈਂਡ ਜਲ ਮਾਰਗ ਅਥਾਰਟੀ ਦੇ ਵਾਰਾਣਸੀ ਡਾਇਰੈਕਟਰ ਸੰਜੀਵ ਕੁਮਾਰ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਵਾਤਾਵਰਣ ਦੇ ਅਨੁਕੂਲ ਇਹ ਹਾਈਡ੍ਰੋਜਨ ਵਾਟਰ ਟੈਕਸੀ ਪੂਰੀ ਤਰ੍ਹਾਂ ਪ੍ਰਦੂਸ਼ਣ ਮੁਕਤ ਹੋਵੇਗੀ। ਇਸ ਲਈ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਕਾਸ਼ੀ ਆਉਣ ਵਾਲੇ ਸੈਲਾਨੀਆਂ ਅਤੇ ਸ਼ਰਧਾਲੂਆਂ ਲਈ ਇਹ ਇਕ ਨਵੀਂ ਸੌਗਾਤ ਹੋਵੇਗੀ।
ਹਾਈਡ੍ਰੋਜਨ ਵਾਟਰ ਟੈਕਸੀ ਨਾਲ ਯਾਤਰੀ ਗੰਗਾ ਦੇ ਰਸਤੇ ਕਾਸ਼ੀ ਦੇ ਪ੍ਰਾਚੀਨ ਘਾਟਾਂ ਦੇ ਸ਼ਾਨਦਾਰ ਦ੍ਰਿਸ਼ ਦਾ ਆਨੰਦ ਲੈ ਸਕਣਗੀਆਂ। ਇਹ ਸਾਰਿਆਂ ਲਈ ਇਕ ਅਨੋਖਾ ਅਤੇ ਯਾਦਗਾਰ ਅਨੁਭਵ ਹੋਵੇਗਾ। ਗੰਗਾ 'ਚ ਪ੍ਰਦੂਸ਼ਣ ਮੁਕਤ ਜਲ ਆਵਾਜਾਈ ਵੱਲ ਹਾਈਡ੍ਰੋਜਨ ਵਾਟਰ ਟੈਕਸੀ ਇਕ ਸਕਾਰਾਤਮਕ ਅਤੇ ਕ੍ਰਾਂਤੀਕਾਰੀ ਪਹਿਲ ਸਾਬਿਤ ਹੋਵੇਗੀ। ਗੁਜਰਾਤ ਦੇ ਭਾਵਨਗਰ 'ਚ ਨਿਰਮਿਤ ਇਹ ਹਾਈਡ੍ਰੋਜਨ ਵਾਟਰ ਟੈਕਸੀ 'ਮੇਕ ਇਨ ਇੰਡੀਆ' ਦੀ ਸ਼ਾਨਦਾਰ ਮਿਸਾਲ ਹੋਵੇਗੀ। ਕਾਸ਼ੀ ਵਿਸ਼ਵਨਾਥ ਕੋਰੀਡੋਰ ਬਣਨ ਦੇ ਬਾਅਦ ਤੋਂ ਲੱਖਾਂ ਦੀ ਗਿਣਤੀ 'ਚ ਸ਼ਰਧਾਲੂ ਅਤੇ ਸੈਲਾਨੀ ਕਾਸ਼ੀ ਪਹੁੰਚ ਰਹੇ ਹਨ, ਜਿਸ ਨਾਲ ਸੜਕ ਮਾਰਗਾਂ 'ਤੇ ਭਾਰੀ ਆਵਾਜਾਈ ਦਬਾਅ ਰਹਿੰਦਾ ਹੈ। ਵਾਟਰ ਟੈਕਸੀ ਸੇਵਾ ਸ਼ੁਰੂ ਹੋਣ ਨਾਲ ਇਸ ਦਬਾਅ 'ਚ ਕਾਫ਼ੀ ਕਮੀ ਆਏਗੀ ਅਤੇ ਜਲ ਮਾਰਗ ਦਾ ਉਪਯੋਗ ਵਧੇਗਾ।
ਇਹ ਵੀ ਪੜ੍ਹੋ : ਬਾਬਾ ਵੇਂਗਾ ਨੇ ਕਰ'ਤੀ ਭਵਿੱਖਬਾਣੀ; ਸਾਲ 2026 'ਚ ਇਨ੍ਹਾਂ ਰਾਸ਼ੀਆਂ ਦੀ ਲੱਗੇਗੀ ਲਾਟਰੀ, ਮਸ਼ੀਨ ਨਾਲ ਗਿਣਨੇ ਪੈਣਗੇ ਨੋਟ!
ਮਾਹਵਾਰੀ ਦਾ ਸਬੂਤ ਮੰਗਣ ਸਬੰਧੀ ਦਾਇਰ ਪਟੀਸ਼ਨ ’ਤੇ ਕੇਂਦਰ ਤੋਂ ਮੰਗਿਆ ਜਵਾਬ
NEXT STORY 
