ਨਵੀਂ ਦਿੱਲੀ (ਵਾਰਤਾ)- ਦਿੱਲੀ ਦੇ ਵਾਤਾਵਰਣ ਮੰਤਰੀ ਗੋਪਾਲ ਰਾਏ ਨੇ ਕਿਹਾ ਕਿ ਕੇਜਰੀਵਾਲ ਸਰਕਾਰ ਦਿੱਲੀ ਦੀਆਂ ਝੀਲਾਂ ਦੀ ਸੰਭਾਲ ਅਤੇ ਸੁੰਦਰੀਕਰਨ ਲਈ ਵਚਨਬੱਧ ਹੈ। ਸ਼੍ਰੀ ਰਾਏ ਦੀ ਪ੍ਰਧਾਨਗੀ ਹੇਠ ਮੰਗਲਵਾਰ ਨੂੰ ਇੱਥੇ ਡੀ.ਪੀ.ਜੀ.ਐੱਸ, ਵੈਟਲੈਂਡ ਅਥਾਰਟੀ ਆਫ਼ ਦਿੱਲੀ, ਵਾਤਾਵਰਣ ਵਿਭਾਗ ਅਤੇ ਜ਼ਮੀਨ ਦੀ ਮਾਲਕੀ ਵਾਲੀਆਂ ਏਜੰਸੀਆਂ ਦੇ ਅਧਿਕਾਰੀਆਂ ਨਾਲ ਇਕ ਸਾਂਝੀ ਮੀਟਿੰਗ ਹੋਈ। ਇਸ ਵਿਚ ਦਿੱਲੀ ਦੀਆਂ ਝੀਲਾਂ ਦੇ ਸੁੰਦਰੀਕਰਨ ਅਤੇ ਸੰਭਾਲ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ ਗਿਆ।
ਗੋਪਾਲ ਰਾਏ ਨੇ ਇਸ ਪ੍ਰਾਜੈਕਟ 'ਤੇ ਚਾਨਣਾ ਪਾਉਂਦਿਆਂ ਕਿਹਾ ਕਿ ਕੇਜਰੀਵਾਲ ਸਰਕਾਰ ਦਿੱਲੀ ਦੀਆਂ ਝੀਲਾਂ ਦੀ ਸਾਂਭ ਸੰਭਾਲ ਅਤੇ ਸੁੰਦਰੀਕਰਨ ਲਈ ਵਚਨਬੱਧ ਹੈ। ਝੀਲਾਂ ਦਿੱਲੀ ਦੇ ਈਕੋਸਿਸਟਮ ਦਾ ਅਹਿਮ ਹਿੱਸਾ ਹਨ। ਪਾਣੀ ਦਾ ਸਰੋਤ ਹੋਣ ਦੇ ਨਾਲ-ਨਾਲ ਇਹ ਜਲ ਜੀਵ-ਜੰਤੂਆਂ ਨੂੰ ਸਹਾਰਾ ਦੇਣ ਅਤੇ ਜਲਵਾਯੂ ਨੂੰ ਕੰਟਰੋਲ ਕਰਨ ਵਿਚ ਵੀ ਸਹਾਈ ਹੁੰਦੇ ਹਨ ਪਰ ਇਨ੍ਹਾਂ ਝੀਲਾਂ ਦੀ ਮੌਜੂਦਾ ਸਥਿਤੀ ਨੂੰ ਦੇਖਦੇ ਹੋਏ ਇਨ੍ਹਾਂ ਨੂੰ ਮੁੜ ਸੁਰਜੀਤ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਇਸ ਦੇ ਲਈ ਦਿੱਲੀ ਦੀ ਵੇਟਲੈਂਡ ਅਥਾਰਟੀ, ਵਾਤਾਵਰਣ ਵਿਭਾਗ ਵੱਲੋਂ ਕੁੱਲ 1045 ਝੀਲਾਂ ਵਿਚੋਂ 1018 ਝੀਲਾਂ ਦੀ ਮੈਪਿੰਗ ਦਾ ਕੰਮ ਪੂਰਾ ਕਰ ਲਿਆ ਗਿਆ ਹੈ।
ਇਸ ਦੇ ਨਾਲ ਹੀ ਇਨ੍ਹਾਂ ਸਾਰੀਆਂ 1045 ਝੀਲਾਂ ਨੂੰ ਯੂ.ਆਈ.ਡੀ. ਨੰਬਰ ਵੀ ਅਲਾਟ ਕੀਤੇ ਗਏ ਹਨ। ਇਸ ਪ੍ਰਾਜੈਕਟ ਦੇ ਆਧਾਰ 'ਤੇ ਹੋਰ ਝੀਲਾਂ ਦਾ ਵੀ ਵਿਕਾਸ ਕੀਤਾ ਜਾਵੇਗਾ। ਵਾਤਾਵਰਨ ਮੰਤਰੀ ਨੇ ਦੱਸਿਆ ਕਿ ਇਸ ਪ੍ਰਾਜੈਕਟ ਤਹਿਤ ਦਿੱਲੀ ਨੂੰ ਝੀਲਾਂ ਦੇ ਸ਼ਹਿਰ ਵਜੋਂ ਵਿਕਸਿਤ ਕੀਤਾ ਜਾਵੇਗਾ। ਜਿਸ ਦੇ ਪਹਿਲੇ ਪੜਾਅ ਵਿਚ ਦਿੱਲੀ ਦੀਆਂ 20 ਝੀਲਾਂ ਦਾ ਸੁੰਦਰੀਕਰਨ ਅਤੇ ਵਿਕਾਸ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਇਨ੍ਹਾਂ ਵਿਚ ਸੰਜੇ ਝੀਲ, ਹੌਜ਼ ਖਾਸ ਝੀਲ, ਭਲਸਵਾ ਝੀਲ, ਸਮ੍ਰਿਤੀ ਵੈਨ (ਕੁੰਡਲੀ), ਸਮ੍ਰਿਤੀ ਵੈਨ (ਵਸੰਤ ਕੁੰਜ), ਟਿਕਰੀ ਖੁਰਦ ਝੀਲ, ਨਜਫਗੜ੍ਹ ਝੀਲ, ਵੈਲਕਮ ਝੀਲ, ਦਰਿਆਪੁਰ ਕਲਾਂ ਝੀਲ, ਪੁਠ ਕਲਾਂ (ਸਰਦਾਰ ਸਰੋਵਰ ਝੀਲ), ਮੁੰਗੇਸ਼ਪੁਰ, ਧੀਰਪੁਰ, ਸੰਜੇ ਜੰਗਲ ਦਾ ਐੱਮ.ਪੀ. ਗ੍ਰੀਨ ਏਰੀਆ, ਰੋਹਿਣੀ ਦਾ ਅਵੰਤਿਕਾ ਸੈਕਟਰ -1 ਜ਼ਿਲ੍ਹਾ ਪਾਰਕ, ਬਰਵਾਲਾ, ਪੱਛਮੀ ਵਿਨੋਦ ਨਗਰ (ਮੰਡਾਵਲੀ, ਫਾਜ਼ਲਪੁਰ), ਮੰਡਾਵਲੀ ਪਿੰਡ, ਅੰਡਾਵਾਲੀ ਪਿੰਡ, ਰਾਜੋਰੀ ਗਾਰਡਨ, ਬਰਵਾਲਾ ਅਤੇ ਝਟੀਕਰਾ ਝੀਲਾਂ ਸ਼ਾਮਲ ਹਨ।
ਪਤਨੀ ਦਾ ਪਤੀ 'ਤੇ ਤਸ਼ੱਦਦ; ਕਦੇ ਬੈਟ ਤਾਂ ਕਦੇ ਤਵੇ ਨਾਲ ਕੁੱਟਮਾਰ, 9 ਸਾਲ ਪਹਿਲਾਂ ਹੋਇਆ ਸੀ ਪ੍ਰੇਮ ਵਿਆਹ
NEXT STORY 
