ਨਵੀਂ ਦਿੱਲੀ - ਸਾਲਿਸਟਰ ਜਨਰਲ ਰਣਜੀਤ ਕੁਮਾਰ ਨੇ ਵਿਵਸਥਾ ਦਿੱਤੀ ਹੈ ਕਿ ਘਰੇਲੂ ਪੱਧਰ 'ਤੇ ਪੈਦਾ ਕੀਤੀ ਰਸੋਈ ਗੈਸ (ਐੱਲ. ਪੀ. ਜੀ.) ਜ਼ਰੂਰੀ ਤੌਰ 'ਤੇ ਜਨਤਕ ਕੰਪਨੀਆਂ (ਪੀ. ਐੱਸ. ਯੂ.) ਨੂੰ ਹੀ ਵੇਚੀ ਜਾਣੀ ਚਾਹੀਦੀ ਹੈ, ਜਿਸ ਨਾਲ ਉਹ ਘਰੇਲੂ ਖਪਤਕਾਰਾਂ ਨੂੰ ਸਬਸਿਡੀ ਰੇਟਾਂ 'ਤੇ ਵੇਚ ਸਕਣ। ਮੰਤਰਾਲਾ ਵਲੋਂ ਇਸ ਬਾਰੇ ਪੁੱਛੇ ਇਕ ਸਵਾਲ ਦੇ ਜਵਾਬ 'ਚ ਦੇਸ਼ ਦੇ ਸਭ ਤੋਂ ਵੱਡੇ ਵਿਧੀ ਅਧਿਕਾਰੀ ਰਣਜੀਤ ਕੁਮਾਰ ਨੇ ਇਸ ਬਾਰੇ 'ਚ ਪੈਟਰੋਲੀਅਮ ਮੰਤਰਾਲਾ ਦੇ ਵਿਚਾਰ ਨੂੰ ਸਹੀ ਠਹਿਰਾਇਆ ਹੈ ਕਿ ਐੱਲ. ਪੀ. ਜੀ. ਕੰਟਰੋਲ ਹੁਕਮਾਂ ਤਹਿਤ ਘਰੇਲੂ ਉਤਪਾਦਕਾਂ ਦੀ ਐੱਲ. ਪੀ. ਜੀ. ਨੂੰ ਜਨਤਕ ਤੇਲ ਮਾਰਕੀਟਿੰਗ ਕੰਪਨੀਆਂ ਤੋਂ ਇਲਾਵਾ ਕਿਸੇ ਨੂੰ ਨਹੀਂ ਵੇਚ ਸਕਦਾ ਅਤੇ ਨਾ ਹੀ ਇਸ ਦੀ ਆਗਿਆ ਹੈ। ਉਨ੍ਹਾਂ ਕਿਹਾ ਕਿ ਗੈਰ ਸਰਕਾਰੀ ਐੱਲ. ਪੀ. ਜੀ. ਵਿਕਰੀ ਕੰਪਨੀਆਂ ਘਰੇਲੂ ਰਿਫਾਈਨਰੀਆਂ ਤੋਂ ਈਂਧਨ ਨਹੀਂ ਖਰੀਦ ਸਕਦੀਆਂ ਜੇ ਉਹ ਘਰੇਲੂ ਬਾਜ਼ਾਰ 'ਚ ਐੱਲ. ਪੀ. ਜੀ. ਦੀ ਵਿਕਰੀ ਕਰਨਾ ਚਾਹੁੰਦੀ ਹੈ ਤਾਂ ਉਨ੍ਹਾਂ ਨੂੰ ਇਸ ਦੀ ਦਰਾਮਦ ਕਰਨੀ ਹੋਵੇਗੀ।
ਏ. ਏ. ਆਈ., ਪਵਨਹੰਸ ਹੋਣਗੀਆਂ ਰਜਿਸਟਰਡ
NEXT STORY 
