ਪੱਥਰ ਦਾ ਹੈ ਬੁੱਤ ਬਣ ਗਿਆ,
ਪੈਸੇ ਦਾ ਹੈ ਪੁੱਤ ਬਣ ਗਿਆ,
ਭੁੱਲ ਕੇ ਨਿਸ਼ਾਨੀ ਜ਼ਿੰਦਗੀ,
ਬਣ ਬੈਠਾ ਹੈ ਸ਼ੈਤਾਨ,
ਅੱਜ ਦਾ ਇਨਸਾਨ,
ਖਾਤਿਰ ਦਾਜ ਦੀ ਬਲੀ ਚੜਾਵੇ,
ਧੀਆਂ ਨੂੰ ਕੁੱਖਾਂ ਵਿੱਚ ਵਰਾਵੇ,
ਹੈਵਾਨੀ ਨਾਚ ਨੱਚ ਰਿਹਾ ਹੈ,
ਵੇਚਕੇ ਇੱਜ਼ਤ ਇਮਾਨ,
ਅੱਜ ਦਾ ਇਨਸਾਨ,
ਦਿਲਾਂ ਵਿੱਚ ਜ਼ਿੰਦਾਦਿਲੀ ਰਹੀ ਨਾ,
ਕੁੱਤੀ ਚੋਰਾਂ ਨਾਲ ਮਿਲੀ ਪਈ ਆ,
ਸਭ ਕੁਝ ਅੱਖੀ ਦੇਖਕੇ ਵੀ
ਬਣ ਬੈਠਾ ਹੈ ਅਣਜਾਨ,
ਅੱਜ ਦਾ ਇਨਸਾਨ,
ਗੈਰਤ ਧੁਰ ਅੰਦਰ ਤੋ ਮਰਗੀ,
ਬੇਈਮਾਨੀ ਨਸ ਨਸ ਵਿਚ ਭਰਗੀ,
ਸਦਰਪੁਰੀਆ ਰੱਬ ਤੋ ਵੀ ਡਰਦਾ ਨੀ,
ਜਿਸਨੂੰ ਦੇਣੀ ਹੈ ਜਾਨ,
ਅੱਜ ਦਾ ਇਨਸਾਨ....!!
ਬਿੱਟੂ ਸਦਰਪੁਰੀਆ
ਥੈਲਾਸੀਮੀਆ : ਜਾਗਰੂਕਤਾ ਹੀ ਬਚਾਅ ਹੈ
NEXT STORY 
