ਮੋਗਾ (ਗਰੋਵਰ, ਗੋਪੀ) : ਭਾਰਤੀ ਕਿਸਾਨ ਯੂਨੀਅਨ ਦੀ ਮੀਟਿੰਗ ਗੁਰਦੁਆਰਾ ਬੀਬੀ ਕਾਹਨ ਕੌਰ 'ਚ ਜ਼ਿਲਾ ਪ੍ਰਧਾਨ ਸੁਖਵਿੰਦਰ ਸਿੰਘ ਬ੍ਰਹਮਕੇ ਦੀ ਅਗਵਾਈ 'ਚ ਹੋਈ। ਇਸ ਮੀਟਿੰਗ 'ਚ ਜ਼ਿਲਾ ਉਪ ਪ੍ਰਧਾਨ ਹਰਦਿਆਲ ਸਿੰਘ, ਮੇਹਰ ਸਿੰਘ ਝੰਡਾ ਬਾਘਾਪੁਰਾਣਾ, ਸੀਨੀਅਰ ਉਪ ਪ੍ਰਧਾਨ ਅਮਰ ਸਿੰਘ ਗਹਿਲੀਵਾਲਾ, ਜਗਸੀਰ ਸਿੰਘ ਸ਼ਾਦੀਵਾਲਾ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਹੋਏ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਜ਼ਿਲਾ ਪ੍ਰਧਾਨ ਸੁਖਵਿੰਦਰ ਸਿੰਘ ਬ੍ਰਹਮਕੇ ਨੇ ਕਿਹਾ ਕਿ ਗੰਨੇ 'ਚ 10 ਰੁਪਏ ਵਾਧਾ ਕਿਸਾਨਾਂ ਨਾਲ ਮਜ਼ਾਕ ਹੈ। ਪੰਜਾਬ ਸਰਕਾਰ ਵੱਲੋਂ ਐਲਾਨ ਕੀਤੇ ਗੰਨੇ ਦੇ ਨਵੇਂ ਮੁੱਲ ਨੂੰ ਪੂਰੀ ਤਰ੍ਹਾਂ ਰੱਦ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਗੰਨੇ ਦੇ ਭਾਅ 'ਚ ਕੇਵਲ 10 ਰੁਪਏ ਦਾ ਵਾਧਾ ਕਰਕੇ ਕੈਪਟਨ ਸਰਕਾਰ ਨੇ ਸਿੱਧ ਕਰ ਦਿੱਤਾ ਹੈ ਕਿ ਮੁੱਖ ਮੰਤਰੀ ਕਿਸਾਨਾਂ ਤੋਂ ਸ਼ੂਗਰ ਮਿੱਲਾਂ ਦੇ ਜ਼ਿਆਦਾ ਦਬਾਅ ਹੇਠ ਹਨ। ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਦੱਸਣ ਕਿ ਜੇਕਰ ਹਰਿਆਣਾ ਅਤੇ ਯੂ. ਪੀ. ਦੀ ਖੰਡ ਮਿੱਲ ਹਰ ਸਾਲ ਪੰਜਾਬ ਤੋਂ 20 ਰੁਪਏ ਗੰਨੇ ਦਾ ਭਾਵ ਜ਼ਿਆਦਾ ਦੇ ਸਕਦੀ ਹੈ ਤਾਂ ਪੰਜਾਬ ਦੀਆਂ ਮਿੱਲਾਂ ਕਿਉਂ ਬਰਾਬਰ ਦਾ ਭਾਅ ਨਹੀਂ ਦੇ ਸਕਦੀਆਂ।
ਉਨ੍ਹਾਂ ਕਿਹਾ ਕਿ ਵਧੀਆ ਖੇਤੀ ਲਾਗਤਾਂ ਅਨੁਸਾਰ ਗੰਨੇ ਦਾ ਭਾਅ 350 ਰੁਪਏ ਤੋਂ ਘੱਟ ਰੱਖਣ। ਇਸ ਮੀਟਿੰਗ 'ਚ ਕਿੱਕਰ ਸਿੰਘ, ਰਣਬੀਰ ਸਿੰਘ, ਜਸਕਰਨ ਸਿੰਘ ਰੱਜੀਵਾਲਾ, ਵਿਰਸਾ ਸਿੰਘ, ਰਣਜੀਤ ਸਿੰਘ, ਅਜਾਇਬ ਸਿੰਘ, ਜਾਗੀਰ ਸਿੰਘ, ਗੁਰਮੇਲ ਸਿੰਘ ਨੰਬਰਦਾਰ, ਦਵਿੰਦਰ ਸਿੰਘ, ਚੰਨਣ ਸਿੰਘ, ਤਲਵੰਡੀ ਨੌਂ ਬਹਾਰ ਆਦਿ ਹਾਜ਼ਰ ਸਨ।
ਪਾਬੰਦੀ ਦੇ ਬਾਵਜੂਦ ਰੇਤਾ ਦੀ ਨਾਜਾਇਜ਼ ਨਿਕਾਸੀ ਦੇ ਦੋਸ਼ 'ਚ ਨਾਮਜ਼ਦ
NEXT STORY 
